Фудбалерот, Серхио Регулион, кој му беше продаден на Тотенхем во летниот преоден рок, може да се врати во редовите на Реал Мадрид, објавија медиумите во Шпанија. 23-годишниот дефанзивец се пресели во Англија за 30 милиони евра, но, во неговиот договор има клаузула за враќање кај „белите“ за околу 45 милиони евра. Бидејќи Марсело сигурно ќе си замине од „Сантијаго Бернебе“, челниците на тимот размислуваат да го вратат брзоногиот бек кој има добра сезона кај „спарси“.

Првиот голман на ПСЖ, Кејлор Навас, одигра само едно полувреме на мечот против Стразбур по што беше заменет со Серхио Рико. Тренерот на „светците“, Маурицио Почетино, се надева дека повредата на интернационалецот од Костарика не е серизона. „Беше повлече од теренот поради претпазливост. Не сакавме ништо да ризикуваме и така се договоривме со нашиот медицински тим. Се надевам дека не е ништо сериозно и дека брзо ќе се врати во игра“ – вели тренерот на францускиот состав. Доколку ситуацијата со Навас се искомпликува, тогаш Почетинот ќе се соочи со одредени кадровски проблеми за реваншот со Баерн Минхен во Лигата на шампионите. Тој ќе ги нема на списокот и Курзава, Верати и Маркињос.

Наполи и Рома остануваат во игра за Маурицио Сари, кој според информациите од Италија се верува дека ја одбил понудата од Фиорентина. Сари и натаму е под договор со Јувентус до 2022 година, меѓутоа клубот од Торино би можел да го раскине тој договор на крајот од овој месец, но за тоа да го стори ќе треба да му исплати 2.5 милиони евра. Искусниот италијански фудбалски стратег беше отпуштен од Јувентус пред една година и покрај фактот што го предводеше тимот до деветото Скудето во низа. Сари не сакаше да го преземе кормилото на ниту една од заинтересираните екипи за неговите услуги во текот на сезоната, меѓутоа се верува дека тоа ќе го стори на лето, а наводно тој посакува да остане во Серија А.

Младата фудбалска ѕвезда на Борусија Дортмунд, Ерлинг Халанд имаше неверојатен спринт на средбата со Штугарт кога достигна брзина од дури 36,04 км на час, што е рекорд во сезонава во Бундеслигата. Одличниот голгетер со тоа достигнување ги остави зад него Маркус Турам од Вердер (35,97 км на час) и Алфонсо Дејвис од Баерн Минхен (35,95 км на час). Засега најбрзиот спринт на фудбалските терени го има францускиот напаѓач од ПСЖ, Килијан Мбапе, кој пред две години постигна фантастична брзина од 38 км на час.

Стеван Јоветиќ би можел на лето да го промени клубот. Во дел од турските медиуми, Јоветиќ се поврзува со Трабзонспор. Договорот на Јоветиќ со Монако истекува и наводно нема намера да потпише нов. Јоветиќ би можел да отвори нова страница во кариерата, а Турција наводно за него изгледа како добра опција. Трабзонспор во овој момент е четврти на табелата во Суперлигата, додека минатата сезона овој клуб го освои купот. Неодамна се појави информација дека Јоветиќ може да се врати во Фиорентина, но сега изгледа Трабзонспор е фаворитот.

Дел од островските медиуми пишуваат за можна трампа помеѓу Манчестер Јуанјтед и Јувентус. Според она што се пишува Манчестер Јунајтед би можел да го пушти Пол Погба да се врати во Торино ако за возврат го добие Дејан Кулушевски. Како и во претходните неколку преодниот рокови и во овој се пишува за можно заминување на Погба од Манчестер Јунајтед. Од друга страна Јувентус имаше поголеми очекувања од Кулушевски, потенцијалот негов е голем, но засега не ги оправдува очекувањата. Се шпекулира дека Јунајтед ќе се обиде да го убеди Јувентус на ваква размена. Ова секако би била понуда која во Торино би можеле да ја разгледаат.

Паоло Малдини ги израдува навивачите после денешниот натпревар против Парма соопштувајќи дека „росонерите“ се блиску до потпишување нов договор со Ибрахимовиќ. Како што сега стојат работите Ибрахимовиќ ќе го гледаме во Милан и наредната сезона. „Со Ибра сме блиску до договор, има само уште некои детали кои треба да се решат“, изјави Малдини. Во овој момент Милан е второпласиран во Серија А зад Интер и е на добар пат да обезбеди настап во Лигата на шампионите наредната сезона што беше и примарна цел на клубот пред почетокот на оваа сезона.

Клаудио Раниери на крајот на сезоната најверојатно ќе ја напушти Сампдорија и повеќе нема да гиопредводи тимот од „Мараси“. 69-годишниот стратег одлучил да не го продолжува договорот со клубот, пренесуваат медиуми блиски до клубот. Според информациите, претседателот на Сампдорија, Масимо Фереро, веќе се сретнал со главниот тренер на Црвена Звезда, Дејан Станковиќ и не е исклучено 42-годишниот српски специјалист да го преземе италијанскиот тим од новата сезона. Станковиќ е поранешен играч на Лацио и Интер.