Се чини дека Манчестер Јунајтед дава се од себе да го задржи играчот за врска Пол Погба во своите редови. Раководството на клубот е подготвено да му понуди рекорден договор на Французинот за да го убедат да потпише повторно, тврди „Мирор“. Актуелниот договор на 28-годишникот е до јуни 2022 година. Во оваа фаза, преговорите за негово обновување запреа и ова сериозно ги загрижува челниците на „Олд Трафорд“. Затоа сега во Манчестер Јунајтед се меѓу две опции. Првата е сериозно да ја сфатат понудата за Погба, во надеж дека ќе го убедат да потпише повторно. Втората опција е да се започне со преговори во текот на летото. Клубот не ја разгледува опцијата за ослободување на Французинот како слободен агент следното лето. Пред Манчестер Јунајтед има уште неколку опции бидејќи неколку екипи имаат интерес за Погба. Името на Французинот најчесто се поврзува со Јувентус, Реал Мадрид и ПСЖ. Доколку се постигне опција за продажба на играчот од средниот ред, од „Олд Трафорд“ ќе се обидат да земат што повеќе пари за него, тврдејќи дека нема да го ослободат за помалку од 100 милиони евра.

Италијанската Влада дозволи враќање на фудбалските навивачи на „Олимпискиот стадион“ во Рим за претстојните натпревари на Европското првенство, соопшти денес Фудбалската федерација на Италија.
Меѓутоа, засега не е познато процентуално колку навивачи ќе можат да влезат на „Олимпискиот стадион“ со капацитет од 70.000 седишта.
Министерот за здравство Роберто Сперанца ни рече дека владините советници ќе ги изберат најдобрите решенија што ќе овозможат присуство на јавноста на „Олимпискиот стадион“ во Рим во јуни по повод ЕП, изјави претседателот на федерацијата Габриеле Гравина.
Подготвеноста што ја покажа италијанската Влада е одличен резултат, кој е добар не само за фудбалот, туку и за целата земја, додаде Гравина.
Италијанската престолнина ќе биде домаќин на воведниот натпревар на ЕП меѓу Италија и Турција на 11 јуни, а на Олимпискиот стадион во Рим ќе се одиграат уште два натпревари од групата А, како и еден четвртфинален натпревар.

На „конец виси“ иднината на Паоло Дибала во Јувентус, откако клубот се повлекол од преговорите за новиот договор. Дибала има договор со Јувентус до јуни 2022 година. Според овој договор тој годишно заработува 7,5 милиони евра.
„Калчомеркато“, пишува дека Јувентус од две прични се повлекле од преговорите. Дибала барал поголема плата од онаа што ми ја понудил клубот (10 милиони евра), а лениците не биле задоволни што Аргентинецот пред неколку дена бил на забавата која ја организирал соиграчот Венстон Мекени и на која биле прекршени сите корона- протоколи.
Според овој извор, можно е продолжување на соработката, само доколку Дибала ги прифати условите што му ги поставил клубот. Дибала барал плата од 15 милиони евра.
Доколку ова не се случи, Јувентус ќе го продаде во летниот преоден рок, за да не дозволи во 2022 година фудбалерот да замине без обесштетување.
Дибала е играч на Јувентус од 2015 година, во овие седум години одиграл 243 натпревари, постигнал 98 голови.

Самир Хандановиќ игра уште една добра сезона и е на добар пат да го освои првото Скудето во дресот на Интер.
Искусниот Словенец во претходните години ги навикна навивачите на Интер да брани на високо ниво. Често беше единствена светла точка во тимот на „нероаѕурите“.
Кога актуелниот договор ќе му истече Хандановиќ ќе има 38 години, па Интер веќе почна да бара негов наследник.
Се шпекулира дека прва мета на Интер е голманот на Удинезе Хуан Мусо. Мусо заедно со сонародникот Де Паул веќе некое време се најдобри во Удинезе и се очекува да направи чекор напред во кариерата. Проблем може да претставува што Удинезе својот голман го проценува на околу 30 милиони евра.

Мартин Одегард има желба на лето да се пресели во Ливерпул, доколку „црвените“ се договорат со Реал Мадрид.
Во моментов Одегард игра на позајмица во Арсенал и се претставува на високо ново, па „топџиите“ сакаат да го задржат за постојано.
Меѓутоа, весникот „АС“ пренесува дека Норвежанецот е импресиониран од Јирген Клоп и преферира да се пресели во Ливерпул.
Одегард смета дека на „Енфилд“ ќе има многу поголеми шанси да се бори за трофеи, а сака да остане во Премиер лигата.

Челниците на фудбалскиот состав Милан полека се насочуваат кон ново голманско име бидејќи Џанлуиџи Донарума нема намера да го продолжи договорот доколку не добие најмалку десет милиони евра по сезона.
Бидејќи „росонерите“ не сакаат да ги исполнат барањата на младиот чувар на мрежата, италијанските медиуми тврдат дека тие пронашле негова замена.
Станува збор за Мајк Меиган кој ги брани боите на Лил и на репрезентацијата на Франција. Неговиот договор ќе истече во 2022 година а неговата трансферна вредност е околу 12 милиони евра.

Холандија доби дозвола да има најмалку 25.000 гледачи на мечот против Македонија на стадионот „Јохан Крој“ на Европското првенство во текот на летото.
Холанѓаните објавија дека на стадионот во Амстердам ќе има четвртина полн капацитет, но, со надеж дека бројката може и да се зголеми ако епидемиолошката ситуација се стабилизира.
Секој навивач што ќе сака да го гледа мечот на трибините ќе може да влезе само со негативен корона-тест,а допрва ќе бидат објавени сите безбедносни протоколи.

Херта го отпушти тренерот на голманите Золт Петри откако проговори за мигрантите и ЛГБТ лицата. Ова беше објавено на веб- страницата на германскиот фудбалски клуб. 54-годишниот Унгарец Петри во интервју за унгарските медиуми изјави дека не му е јасно зошто неговиот сонародник, голманот на РБ Лајпциг, Питер Гулаши, ги поддржува хомосексуалци и лица со друг сексуален идентитет. Тој додаде дека „не разбира како Европа може да падне толку морално“. Петри исто така додаде дека не му се допаѓа миграцијата затоа што Европа е полна со криминалци, а доколку не ви се допадне тоа, тогаш тие ќе ве обвинат за расизам“. Ден по објавувањето на интервјуто, германскиот клуб го отпушти унгарскиот тренер. Петри подоцна се извини за неговите зборови.

Карим Бензема го предводеше Реал Мадрид со капитенската лента на првиот натпревар од четвртфиналето во Лигата на шампионите против Ливерпул (3-1) но иако не постигна гол, тој повторно беше меѓу најдобрите во тимот на Зинедин Зидан. Тоа беше натпревар број 108 за Французинот со тимот на Реал во Лигата на шампионите. Зад себе го остави Роберто Карлос, кој има 107 натпревари за Реал во Лигата на шампионите, а пред него се само Икер Касилјас (150), Раул (130) и Серхио Рамос (128). Зинедин Зидан го имаше својот натпревар број 50 на чело на кралскиот клуб во Лигата на шампионите. 31 од нив завршија со победа, а подобар учинок има само Јуп Хејнкес – 32 победи од неговите први 50 натпревари како тренер на Реал Мадрид во Лигата на шампионите. Стрелецот на двата гола против Ливерпул – Винисиус Жуниор е вториот најмлад играч на Реал Мадрид со погодок во елиминациските натпревари од ЛШ. Бразилецот има 20 години и 268 дена, а рекордот го држи легендата Раул, кој погоди против Јувентус во 1996 година, кога имаше 18 години и 253 дена.

Реал Мадрид е сериозно заинтересиран за централниот дефанзивец на Вилјареал, Пау Торес, пренесуваат шпанските медиуми.
Примарна цел на „кралевите“ на лето ќе биде засилување на одбраната, без разлика дали Рамос ќе остане на „Сантиаго Бернабеу“.
24-годишниот Торес е шпански репрезентативец и еден од најдобрите дефанзивци во Примера, па ќе биде примарна трансфер цел на Реал Мадрид.
Откупната клаузула на играчот на „жолтата подморница“ е 50 милиони евра, но Реал ќе се обиде да ја намали таа цена преку преговори.