Екипата на Париз Сен Жермен ги промени своите планови и одлучи да не се вмеша во трансфер битка за доведување на Ерлинг Халанд од тимот на Борусија Дортмунд.

Норвежанецот Халанд, долго време се споменуваше како наследник на Килијан Мбапе кој со голема веројатност ќе се пресели во тимот на Реал Мадрид.

Челниците на ПСЖ не сакаат да соработуваат со менаџерот на Халанд, Мино Раиола кој за реализација на овој трансфер очекува да заработи огромни пари на име менаџерски бонуси.

Клубот од Париз веќе започнал со барање на други опции за засилување на својот напад, а последно име кое често се споменува е напаѓачот на Фиорентина, Душан Влаховиќ.

Рафиња ќе биде примарна цел на Милан во летниот преоден рок, пренесуваат медиумите во Италија. 25-годишното десно крило Рафиња игра фантастично во Лидс и веќе е стандарден бразилски репрезентативец.

Бразилецот го привлече вниманието на многу европски гиганти, меѓу кои Манчестер Јунајтед и Ливерпул.

Милан сака да ја победи конкуренцијата и веќе стапил во контакт со неговиот агент бидејќи примарна цел на „росонерите“ е засилување на десната крилна позиција.

Италијанскиот суд донесе пресуда со која на бившиот играч на Јувентус, Фабрицио Миколи, му се определува затворска казна во траење од 3 и пол години.

Некогашниот италијански репрезентативец, кој освен во Јувентус беше член и на Палермо, е прогласен за виновен поради неговите врски со сицилијанската мафија. Имено, Тој побарал помош од познати мафијашки имиња за наплата на долг од 12.000 евра. 

Според официјалната истрага било докажано дека својот долг Миколи го наплатил со помош на неговите мафијашки пријатели кои употребиле брутални методи врз неговиот должник. 

Случајот е започнат од 2010 години но дури сега е донесена правосилна одлука.

Александар Митровиќ е на мета на шпански Виљареал.

Митровиќ игра одлично оваа сезона во Фулам, а со неговата добра форма го привлече и вниманието на други клубови. Сега се споменува Виљареал кој на англсикиот второлигаш би можел да му плати 16 милиони евра.

Прашање е дали тоа ќе биде доволно за Фулам во јануари да се откаже од својот најдобар стрелец кој неодамна со голот против Португалија во Лисабон ја одведе Србија директно на Светското првенство.

Во овој момент Митровиќ со 27 голови е прв стрелец во Чемпионшип, а интерес покрај Виљареал сигурно ќе покажат и други екипи.

Тренерот на Париз Сен Жермен, Маурицио Почетино, одби да одговара на новинарските прашања поврзани со негова евентуална заинтересираност за премин во Манчестер Јунајтед.

Аргентинецот Почетино на прес конференцијата пред дуелот на ПСЖ и Манчестер Сити во рамките од Лигата на шампиони, кажа дека негов единствен фокус во моментот е на неговиот сегашен клуб и натпреварот што следува.

„Ова е спорт и бизнис каде што секогаш има гласини, но овие работи не смеат да ни го одвлечат вниманието. Спремни сме да дадеме 100 проценти за нашиот клуб. Среќен сум во Париз Сен Жермен и сум фокусиран на постигнување најдобар можен резултат на натпреварот во Манчестер“, изјави Почетино.

Тренерот на Манчестер Сити, Пеп Гвардиола, на прес-конференцијата пред натпреварот со ПСЖ во Лигата на шампиони, изрази загриженост за тоа како неговиот тим ќе го сопре Лионел Меси.

„Како ќе го запреме Меси? Многу тешко. Не можам да им кажам на моите играчи како да го спречат бидејќи е многу непредвидлив со топката. Мило ми е што продолжува да игра на тој начин. Ќе ми биде чест повторно да се соочиме на теренот“, изјави Гвардиола, кој беше тренер на Лионел Меси додека аргентинецот настапуваше за екипата на Барселона.

На Манчестер Сити му е доволен еден бод за да се квалификува  во наредната фаза на ЛШ, а со евентуална победа тимот на Гвардиола ќе биде победник во групата А.

Францускиот репрезентативец, Карим Бензема, заработи условна казна од една година од судот во Париз поради негова вмешаност во обид за уцена на својот поранешен соиграч во репрезентацијата,Матје Валбуена.

Ѕвездата на Реал ќе мора да плати и казна од 75 илјади евра. Одлуката на судот беше објавена неколку часа пред неговиот настап за Реал Мадрид против екипата на Шериф Тираспол во Лигата на шампионите.

Случајот е познат од 2015 година, кога Валбуена беше уценуван со експлицитно видео, со цел уценувачите да земат пари од него во замена за необјавување на видеото.

Борусија Дортмунд е подготвена да потроши сериозни пари за да го задржи главниот напаѓач Ерлинг Халанд во тимот.

Раководството на клубот се согласува двојно да ја зголеми платата на Норвежанецот од 8-9 милиони евра на 16-18 милиони евра доколку се согласи да го продолжи договорот. Исто така, Борусија сака обештетувањето да стапи на сила не во 2022 година, туку во 2023 година според новиот договор.

Да потсетиме, голем број европски клубови, меѓу кои Реал Мадрид и ПСЖ, се заинтересирани за Халанд. Напаѓачот моментално се опоравува од повредата. Тој повеќе нема да влегува на терен до крајот на 2021 година. Претходно, тренерот на Борусија, Марко Роуз, посочи дека Халанд може да пропушти неколку недели. Но, очигледно, Норвежанецот добил посериозна повреда.

Откако се пресели во Борусија, Халанд одигра 49 натпревари во Бундеслигата и постигна 49 голови. Сезонава во сите натпреварувања на 10 натпревари постигна 13 гола.

Во Франција се одржа посебен состанок на кој се разговарало за проблемите со насилството на фудбалските стадиони во земјата од почетокот на сезоната. На него присуствуваа премиерот Жералд Дарманен, министерката за спорт Роксана Марасинеану, министерот за правда Ерик Дупон-Морети, како и претседателите на Фудбалската федерација и на професионалната лига, Ноел Ле Гра и Винсент Лабрун.

Овој состанок беше инициран по уште еден случај на насилство на мечот Лион – Марсеј, кој беше прекинат поради фрлено шише од трибините, удирајќи го фудбалерот на гостите Димитри Паје. После средбата е даден рок од 2 недели во кој мора да се предложат конкретни мерки за сузбивање на немирите на стадионите.

„Рокот е краток, но ние сме свесни за нашите одговорности“, изјави Винсент Лабрун за новинарите.

Меѓу мерките за кои се разговарало се и забраната за пристап до стадионите на проблематичните навивачи, дополнителни безбедносни мерки на стадионите, регистрирани персонализирани билети, како и автоматско прекинување на натпреварите на кои има насилство на трибините.