feature

Евробаскет: Србија посилна од судиските неправди и Шпанија!

Селекциите на Белорусија, Белгија, Франција и Србија обезбедија место во полуфиналните среди од Евробаскетот во женска конкуренција кој овие денови се одвива во Франција и во Шпанија.

Неверојатно возбудлив меч во Валенсија одиграа кошаркарките на Србија и на Шпанија. И покрај голем број на судиски грешки, особено во финалните минути, Србинките успеаја да се одбранат, и во продолжението од пет минути да слават со (71:64).

За жал, тоа не им појде од рака на сензационалните Босанки. Не им беше лесно, играа против еден од ко-домаќините на еврошампионатот, Франција, која и пред да почне првенството важеше за еден од топ фаворитите за освојување на златниот медал.

Славеа Французинките со убедливи (80:67), па во полуфиналето ќе играат против уште едно големо изненадување – Белорусија.

Полесно од предвидувањата Белоруските кошаркарки го добија четвртфиналето против Шведска. Најмногу поради одличната игра во одбраната, за конечни (58:46).

А во вториот драматичен меч од четвртфиналната програма, кошаркарките на Белгија со минимални (85:83), ја совладаа Русија, па ќе и излезат на мегдан на Србија во обид да стигнат до големото финале.

Овие четири селекции обезбедија и дкректен пласман на олимписките квалификции, додека пак поразените селекции на БиХ, Шпанија, Шведска и Русија ќе се борат за уште две места на квалификацискито турнир за Олимпијадата.

Класификациските мечеви, како и оние во полуфиналето ќе се играат утре.

Големото финале и натпреварот за трето место ќе се играат еден ден подоцна, 27.јуни, исто така во Валенсија.

Јувентус го доведува хит играчот од ЕУРО

Најбараниот играч на италијанската репрезентација, која дава одлични партии на ЕУРО, е 23-годишниот играч на Сасуоло, Мануел Локатели.

Локатели ја помина младинската школа на Милан и за росонерите во три сезони одигра 63 натпревари, пред да се пресели во Сасуоло, каде веднаш стана стандарден првотимец. За италијанската репрезентација настапува од минатата година, а досега во 12 настапи постигна три гола.

Неговиот договор со Сасуоло има важност до 2023. година, а италијанскиот стручњак за трансфер, Џанлука Ди Марцио објави дека веќе започнаа преговорите помеѓу Јувентус и Сасуоло. Јувентус веројатно ќе плати 40 милиони евра за него, колку што и бара Сасуоло, но ќе го доведе на двегодишна позајмица со обврска на откуп. Таквиот трансфер ќе помогне на Јувентус да не стави толку голем товар врз овосезонскиот буџет.

Зошто на ЕУРО не се игра натпревар за бронзен медал?

Европското првенство е единственото големо фудбалско натпреварување каде нема натпревари за бронзен медал.

Оние кои го следат фудбалот знаат дека натпреварот за третото место не се игра на ЕУРО, така што тој натпревар нема да го гледаме ниту оваа година.

Но, во историјата се играа натпревари за трето место, од првото Европско фудбалско првенство во 1960. година во Франција, па се до 1980. година и ЕП во Италија. Сепак, УЕФА потоа го промени форматот на натпреварувањето и ја откажа борбата за третото место, бидејќи навивачите многу слабо го следеа натпреварот и немаше интерес.

На Светското првенство, Копа Америка и Африканскиот куп на нации, овој натпревар обично се игра еден ден пред финалето.

Супер-талентот Кајо Жорге се сели во Серија А

Милан и Јувентус се силно заинтересирани за младата бразилска ѕвезда на Сантош, Кајо Жорге.

Овој 19-годишен напаѓач важи за најголен талент во Бразил, а „Тутоспорт“ открива дека Јувентус и Милан веќе ја започнале битката за негов потпис.

Кајо игра за репрезентацијата на Бразил до 19 години каде на 10 настапи постогна 6 гола. Неговиот договор со Сантош истекува во декември, па затоа неговата цена во моментов е „само“ 10 милиони евра.

Милан и Јувентус веќе започнаа преговори со неговиот агент, па останува да видиме кој ќе ја добие битката за потписот на младиот Бразилец.

Три премиерлигаши го сакаат Брајтвајт од Барса

Мартин Брајтвајт би можел да се пресели на Островот.

Интерес за Брајтвајт покажуваат Вест Хем, Барнли и Норвич, кои веќе стапиле во контакт со неговиот агент и сакаат да го донесат во своите редови.

Данецот беше мета на Вест Хем и минатото лето, меѓутоа тогаш остана „Камп Ноу“, но јасно е дека повеќе за него нема место во Барселона.

Каталонците за неговата слобода бараат 10 милиони евра, сума која споменатите клубови се спремни да ја платат.

Вајналдум најавува дека Холандија ќе напушти терен во случај на расизам во Будимпешта

Жоржињо Вајналдум ја повика УЕФА да преземе посилни мерки против расизмот. Вајналдум се закани дека ќе го напушти теренот во знак на протест доколку стане жртва на расистички навреди од публиката во Арената „Пушкаш“ во Будимпешта за време на неделниот натпревар од осминафиналето на Евро 2020 против Чешка.

„Размислувам внимателно за таков потег. Веќе најавив дека сум подготвен да го напуштам теренот во случај на расизам. Но, тогаш беше лесно затоа што не се соочив со овој проблем. Но, сега си реков, Жоржи, ќе играш во Унгарија, што ќе сториш ако те навредат? Што ќе се случи ако играте против послаба екипа и навивачите на овој тим ве испровоцираат да го напуштите теренот и да го загубите натпреварот?, Прокоментира Вајналдум.

Тој додаде дека одговорноста паѓа на судиите и водечките фактори во УЕФА. „Мислам дека ќе се жалам на судијата, но искрено не сум сигурен каква ќе биде мојата реакција во вакво време. Никогаш не сум бил жртва на расизам и се надевам дека нема да ми се случи , но ако тоа се случи, УЕФА треба да реагира“, рече Вајналдум.

Велешки Борец се подготвува за новата сезона

Фудбалскиот клуб Борец 1919 ги засили своите редови пред почетокот на престојната сезона со неколку нови фудбалери со кои ќе брка успех во домашниот шампионат.

За екипата од Велес во претстојната сезона ќе настапуваат Енсар Љума, Ристе Каракамишев, Александар Ѓорѓиески, Стефан Јакимовски и Кристијан Николов.

Исто така, Борец ги продолжи договорите со Кристијан Ефтимов, Лука Трајкоски, Филип Манасиевски, Ѓорѓи Ѓорѓиев, Азер Омерагиќ, Филип Ристовски, Трајче Трајков.

Раководството на клубот работи на ангажман на уште неколку нови имиња кои ќе бидат објавени по потпишување на договорите.

Шпанските гиганти се „тепаат“ за Фабиан Руиз

Шпанските медиуми пренесуваат дека Реал Мадрид и Барселона се силно заинтересиран за играчот за врска на Наполи, Фабиан Руиз.

25-годишниот Шпанец пристигна во Наполи од Бетис и веднаш се промовираше во клучен играч во тимот, па сега е стандарден и во шпанската репрезентација.

Поради финансиски проблеми Наполи на лето е спремен да ги разгледа понудите за Фабиан Руиз, а најсилен интерес покажуваат шпанските гиганти.

Анчелоти одлично го познава Шпанецот бидејќи тој го донесе во Наполи и сака повторно да соработува со него на „Сантиаго Бернабеу“.

Педри одби нов договор, сака поголема плата од Барселона

Младиот плејмејкер на Барселона, Педри одби да го продолжи договорот со Каталонците, пренесуваат шпанските медиуми.

Актуелниот договор на Педри истекува во 2022 година со опција за продолжување на уште една година. Меѓутоа, играчот и неговиот агент настојуваат на зголемување на платата, а Лапорта тоа го одбива.

Желбата на Педри е да добива иста плата колку Ансу Фати, но Каталонците му понудиле многу помалку. Поради тоа двете страни во моментов се далеку од договор.

18-годишниот Педри одигра одлична сезона со Барселона и заработи повик за шпанската репрезентација на Европското првенство.

Лацио го враќа Лукас Тореира во Серија А

Лацио склучил договор со Арсенал за да го донесе Лукас Тореира како ново засилување во тимот на Маурицио Сари.

Преговорите веќе беа во тек неколку дена, а според последните гласини трансферот може да се смета за завршена работа.

Уругвајскиот репрезентативец оваа сезона ја помина на позајмица кај Атлетико Мадрид и нема намера да се врати во Лондон. Тој забележа само 26 настапи за шампионот во Ла Лига, придонесувајќи со еден гол и една асистенција.

Се очекува Лацио да го позајми со обврска да го купи за околу 15-20 милиони евра следната сезона.

«< 1353 1354 1355 1356 1357 >»