Ајакс е блиску до потпис со дефанзивецот на шкотски Ренџерс, Калвин Баси.
22-годишниот нигериски интернационалец ќе се пресели во тимот од Амстердам за 22 милиони евра, а планирани се уште 5 во вид на бонуси за учинокот.
Ренџерс, исто така, ќе добие 10 отсто од следната продажба на играчот, кој беше привлечен пред две години од Лестер за скромни 230.000 фунти.
Тоа ќе биде рекорден трансфер во историјата на Ренџерс.
Фудбалерот на Манчестер Јунајтед Кристијано Роналдо ја демантираше веста дека се враќа да игра за Спортинг од Лисабон, клубот каде ја започна својата кариера.
Телевизијата Спорт од Португалија објави вест дека голгетерот преговара со управата на Спортинг за негово враќање во Лисабон.
Информациите беа базирани на фактот што автомобилот на Роналдо бил виден во близина на стадионот на Спортинг, меѓутоа оваа вест набргу ја демантира и самиот Роналдо кој со коментар на Инстаграм пост напиша дека веста е лажна.
Еден од најдобрите играчи на ракометниот клуб Вардар 1961, Тимур Дибиров ја прекина соработката со клубот и потпиша договор за настап во хрватскиот шампион ППД Загреб.
Откако соработката со тимот од Загреб и официјално беше објавена, Русинот Дибиров се огласи на социјалните мрежи и упати емотивна порака за збогување до клубот Вардар и фановите.
„ Драги пријатели,веројатно треба да има текст за многу страници, затоа што сакам да ви се заблагодарам на секој од вас, ви благодарам што ми го дадовте чувството да се биде дома, за поддршка, љубов и верба во мене!Ми беше голема чест да го носам дресот на Вардар и горд сум што сум дел од семејството!Сакам да Им се заблагодарам на Македонија,Скопје, Комити, навивачите,Сергеј Самсоненко, сите играчи и вработени во клубот, вие сте засекогаш во моето срце“стои во пораката на Дибиров.
Шведскиот фудбалер Златан Ибрахимовиќ се согласи да го продолжи договорот со Милан до јуни наредната година.
Италијанските медиуми тврдат дека навивачите на Милан се воодушевени со овај потез на Златан, бидејќи сметаат дека тоа е доказ колку фудбалерот ги почитува росонерите.
Според договорот, Ибрахимовиќ ќе заработува околу 1,5 милиони евра, но ќе има бонуси за одиграни натпревари и постигнати голови.
Шведскиот фудбалер во октомври ќе наполни 41.година, а во моментот се опоравува од операцијата на коленото поради која нема да игра до крајот на годината.
Кошаркарската федерација на Македонија, соопшти дека спогодбено ја прекина соработката со досегашниот селектор на репрезентацијата Драган Бајиќ.
Според соопштението двете страни се разделија поради здравствени проблеми со кои во последниот период се справува Бајиќ, па поради тоа, тој нема да биде во можност професионално и во целост да се посвети на работата во селекцијата.
Драган Бајиќ ја водеше македонската репрезентација од април 2021 година, но не може да се каже дека направи некој забележителен резултат. За скоро време од федерацијата велат дека ќе го објават името на новиот селектор.
Барселона е еден од најактивните клубови на трансфер пазарот и денес го договори трансферот на Роберт Левандовски од Баерн Минхен.
Каталонците претходно ги донесоа Франк Кеси, Кристенсен и Рафиња, но не мислат да застанат и следен на списокот е Жил Кунде. Тренерот Чави сака да ја засили одбраната со врвен дефанзивец кој ќе биде долгорочен наследник на Жерар Пике, пренесува шпанскиот весник „АС“.
Поради тиа главните финансиски средства во летниот преоден рок Барселона може да ги насочи толку кон Жил Кунде.
Шпанските медиуми пренесуваат дека Барселона испратила понуда од 58 милиони евра плус бонуси, што е приближно на сумата која ја бара Севиља.
Ракометарите на Вардар и на Еурофарм Пелистер ќе се разминат во полу-финалето на СЕХА лигата доколку обезбедат место на завршниот Ф4 турнир кој ќе биде одигран во Задар.
„Црвено-црните“ во последниот елиминациски филтер на 23 август ќе бидат домаќини на хрватскиот состав Нексе додека битолчани на 25 август ќе се соочат со Мешков Брест во салата – „Боро Чурлевски“.
Двојки за полу-финалето: Татран Прешов – Веспрем/Еурофарм Пелистер – Мешков Брест и Вардар – Нексе Нашице/Војводина – Загреб.
Шели-Ен Фрејзер-Прајс постигна нешто неверојатно. 35-годишната спринтерка од Јамајка ја освои својата петта светска титула на 100 метри. Фрејзер-Прајс триумфираше на Светското првенство во Јуџин, Орегон со нов рекорд на шампионатот од 10,67 секунди (0,8 м/сек). Таа има златни медали на 100 метри од планетарните форуми во Берлин 2009, Москва 2013, Пекинг 2015 и Доха 2019 година.
Само легендата Сергеј Бубка има освоено повеќе светски титули во индивидуална дисциплина – шест.
Триумфот на Јамајка во ова финале беше комплетен бидејќи сите три места на подиумот ги зазедоа жените од оваа карипска земја. Шерика Џексон заврши втора со личен рекорд од 10,73 секунди.
Двократната олимписка шампионка на 100 и 200 метри Елејн Томпсон-Хера овој пат мораше да се задоволи со бронзениот медал со 10,81 секунди.
Медиумите на Островот тврдат дека 29-годишниот Англичанец Џеси Лингард ќе донесе одлука за својата иднина најдоцна до 22 јули.
Лингард е спремен да одбие понуди од клубови од Премиер лигата и американската МЛС и да се пресели во неименуван клуб во Саудиска Арабија, кој е подготвен да му плаќа 10 милиони фунти годишно.
Лингард стана слободен играч на почетокот на месецот, откако му истече договорот со Манчестер Јунајтед. Минатата сезона сезона тој настапи ан 21 меч на кои постигна 2 гола и запиша една асистенција. Лингард има понуди од неколку клубови од Премиер лигата, па доколку се пресели во Саудиска Арабија ќе биде шокантна одлука.
Легендарниот ракометен голман, Петар Ангелов е промовиран во нов тренер на Струга, информираат од овој клуб.
Ангелов своето деби како тренер на Струга ќе го има на 50.издание на познатиот ракометен турнир кој се одржува во овој град на средината на август. Тој на оваа позиција доаѓа од Вардар Неготино каде имаше улога на играч и тренер.
Во својата кариера Ангелов има брането за Тиквеш, Пелистер, Вардар и Металург, но има настапувано и надвор од нашата земја и тоа во Трембле од Франција, Анталија, Кремс и германскииот Ратинген.
