Членот на НБА тимот Голден Стејт Вориорс, Стеф Кари, 2021 година ја заврши со нов рекорд.
Тој во оваа календарска година погоди 495 тројки , што претставува историски рекорд во НБА лигата. Со ова постигнување тој го сруши сопствениот рекорд од 486 тројки во 2016 година.
Оваа година, Кари го турна и рекордот на Реј Ален по бројот на постигнати тројки во кариерата. Тој годинава успеа да ја постигне 2974 тројка во кариерата.
Шутерот на Голден Стејт стана и првиот играч кој постигнал преку 3 илјади тројки во кариерата.
Дејвид Бекам наскоро ја добива титулата „Сер“
Поранешниот капитен на англиската фудбалска репрезентација, Дејвид Бекам, ова лето би требало да ја добие престижната титула „сер“.
Причината поради која Бекам досега не ја имаше добиено оваа титула беа даночни проблеми кои играчот ги имаше во Англија, но сега тие се решени и тој е ставен на зелена листа.
Легендата на Манчестер Јунајтед, титулата ја заслужи не само поради неговите достигнувања во спортот, туку и поради неговата хуманитарна работа преку која досега има донирано 50 милиони фунти.
Лукаку незадоволен од тактиката на тренерот Тухел
Фудбалерот на Челзи, Ромелу Лукаку, даде изненадувачка изјава за „Скај Италија“велејќи дека не се чувствува среќен во Челзи каде пристигна како огромно засилување пред само четири месеци.
Лукаку истакнува и дека не му се допаѓа системот и тактиката на игра од страна на тренерот Томас Тухел.
Во моментот тој професионално ќе ги прифати сите задачи кои ќе му бидат доделени на теренот, но размислува за негово враќање во Италија во блиска иднина.
Оваа негова изјава ги разбранува медиумите во Англија и се очекува реакција од неговиот тренер,Томас Тухел.
Томасон ја освои титулата и си замина од Малме
Малме објави дека се разделува со тренерот Јон Дал Томасон. Тој беше назначен на функцијата пред речиси две години – во јануари 2020 година.
45-годишниот поранешен дански репрезентативец, кој има 123 натпревари за Данска, а играше и за Милан, ги освои последните 2 титули на Шведска со Малме. Сепак, тимот заврши на последното место во својата група во Лигата на шампионите и тренерот реши да си замине.
„Беше тешка одлука да се збогувам, но во исто време се чувствувам добро. Затоа што имам чувство дека го напуштам тимот на врвот“, изјави Томасон за клупската веб-страница.
Мауро Икарди како замена за Кавани во Манчестер Јунајтед
Манчестер Јунајтед подготвува план во случај Едисон Кавани да го напушти клубот во јануари. Во тој случај има информации дека од „Олд Трафорд“ ќе пробаат да го доведат Мауро Икарди од ПСЖ.
Кавани веќе извесен период се споменува како потенцијално засилување на Барселона и големи се шансите 34-годишниот Уругваец пред време да го раскине договорот со Јунајтед.
Мауро Икарди сигурно радо би пристигнал на „Олд Трафорд“ бидејќи со доаѓањето на Меси во ПСЖ, тој многу ретко добива шанси за настап и неговата кариера е во стагнација.
Кеирош ги вклучи сите египетски ѕвезди за Купот на Африка
Ѕвездата на Ливерпул, Мохамед Салах, ќе го предводи египетскиот тим кој ќе настапи на Африканскиот фудбалски куп на нации во Камерун.
Селекторот на „фараоните“, Карлос Кеирош, го повика и Трезеге кој по подолг период ја санираше повредата и се врати во Премиер лигата. Во тимот се вклучени и напаѓачот на Галатасарај, Мостафа Мохамед и играчот од средниот ред на Штутгарт.
Египет кој има седум рекордни титули е еден од фаворитите на турнирот закажан од 9 јануари до 6 февруари.
Анчелоти ќе го задржи Јовиќ до крајот на сезоната
Српскиот напаѓач Лука Јовиќ нема да го напушти Реал Мадрид во текот на зимскиот преоден рок.
Многу се шпекулира за иднината на Јовиќ и медиумите тврдеа дека сигурно ќе ја промени средината во јануари, бидејќи за него интерес покажуваат неколку клубови ширум Европа. Меѓутоа, ситуација се промени во последно време, бидејќи Анчелоти почна да му дава поголема минутажа, а Јовиќ ја оправда довербата.
Анчелоти сака да го има во тимот до крајот на сезоната и му порачал на раководството да не преговара за негова продажба.
Јовиќ има договор со „кралевите“ до 2025 година, а на лето готово сигурно ќе биде продаден.
Букајо Сака изразил желба да игра за Ливерпул
Медиумите во Англија излегоа со шпекулација дека младата Ѕвезда на Арсенал, Букајо Сака, изразил желба својата кариера да ја продолжи во Ливерпул.
Неколку европски гиганти веќе ја следат ситуацијата со Сака кој има актуелен договор со Арсенал до 2024 година, и сигурно е дека клубот од Лондон нема така лесно да се откаже од екстра талентираниот играч.
20-годишниот крилен напаѓач веќе се етаблира како еден од поважните поединци во Арсенал по што заигра и за англиската репрезентација.
Букајо Сака оваа сезона на 19 натпревари има постигнато 5 гола и 4 асистенции. Неговата вредност се проценува на 65 милиони евра.
Над 300 пакети со облека, храна и играчки, донирани од околу 800 вработени
Над 300 пакети со облека, храна и играчки, беа донирани до семејства од ранливи категории во пресрет на новогодишните празници.
Хумани граѓани, вработени во трите битолски фирми, Евротип, Голд Слот и Голд Фелициа, кои имаат претставништва во Битола, Скопје, Гевгелија, Охрид, Струга, Радовиш, Валандово, Куманово, Струмица, Штип, Тетово, Прилеп, Кавадарци, Гостивар, Кичево и Велес и останати помали градови, како и рурални средини, се здружија и покажаа дека она што за еден е малку, за друг е многу. Акцијата беше во соработка со Црвен Крст, а се донираше онаму каде што Црвениот крст одлучи дека тоа е најпотребно.
Под мотото „Подари среќа, подари радост“, беше организирана оваа акција, која заврши со одличен исход, а беше донирана во очи празникот Св. Никола.
Од Црвен крст истакнаа, дека оваа хуманитарна акција е една од најголемите која била спроведена во државата, се заблагодарија на соработката, и посочија и останатите компании, организации, поединци и останати хумани луѓе да донираат и да помогнат да нема гладни сограѓани.
„Секој заслужува радост и среќа особено за време на празниците. А ние сакавме да ја покажеме нашата хуманост и да ги поттикнеме останатите компании и ннивните вработени во Македонија да го следат нашиот пример. Затоа што добрите дела остануваат засекогаш, а среќните лица на оние кои се најранливи, се глетка која навистина ја топли душата. Токму заради ова, оваа хуманитарна акција ќе биде традиционална и ќе ја организираме секоја година. Им посакуваме на сите Среќна Нова година и Божиќни празници!“, посочи менаџментот на овие фирми.
Овие три фирми од Битола, донираат и помагаат во континуитет, до сега помогнале на бројни семејства и поедницни, како и инситуции, цркви и манастири, а успешно и секоја година организираат акција за дарување на крв, каде последниот пат беа собрани над 120 единици со крв.
Хуго Лорис после Тотенхем се враќа во Франција
Голманот на Тотенхем, Хуго Лорис има желба да се врати во Франција и да заигра за Ница после истекот на неговиот договор со клубот од Лондон следното лето.
Фудбалскиот клуб Ница е матичен клуб на Лорис, каде тој ја започна својата голманска кариера и од каде потоа премина во Лион.
Во Лион помина пет години за во 2012 година да се пресели во Лондон и Тотенхем.
Лорис влегува во последните 6 месеци од актуелниот договор со Тотенхем и веќе е извесно дека не планира продолжување на соработката со клубот и најверојатно ќе замине како слободен играч.
