Атлетик Билбао во период од само 13 дена ќе одигра две финалиња во Купот на кралот. Со победата над Леванте со резултат 2:1 по продолжението, Билбао се пласираше во уште едно финале на Купот. Доколку заборавивте, минатогодишното финале на Купот беше одложено за април 2021. година, бидејќи баскиските ривали, Билбао и Сосиедад побараа, доколку е потребно, да сочекаат и година дена, како би играле финале пред своите навивачи. Сепак, ниту година дена подоцна, Билбао и Сосиедад нема да играат пред навивачи, а одложеното финале од минатата година е закажано за 4. април. Значи, само 13 дена пред овосезонското финале од Купот во кое Билбао ќе се сретне со Барселона. Интересно е тоа што Билбао и Барселона во јануари играа и финале на Суперкупот на Шпанија, во кое баскијците славеа по продолжение со 3:2.

УЕФА може да ги исклучи Билбао, Даблин и Глазгов од списокот на градови за Европското првенство во 2020 година. Споменатите градови сè уште не дале гаранции во врска со бројот на навивачи што можат да бидат примени на стадионите до јуни. УЕФА сака да пополни најмалку половина од стадионите на Европското првенство. И официјалните лица на Билбао, Даблин и Глазгов сè уште не ја објавија својата подготвеност да го исполнат ова барање. Доколку се случи одложување, тогаш натпреварите од Даблин и Глазгов ќе се одржат во Англија, а средбите што треба да се одржат во Билбао ќе бидат во други градови на Шпанија. Да потсетиме дека поради пандемијата на коронавирусот, Еуро 2020 беше одложено за 2021 година. Првично, натпревари треба да се одржат во 12 градови – Санкт Петербург, Лондон, Минхен, Баку, Рим, Букурешт, Копенхаген, Амстердам, Билбао, Глазгов, Будимпешта и Даблин.

Дефанзивецот на Рома, Роџер Ибањес потпиша нов договор со римскиот тим, објави клубот од Рим на својата официјална веб- страница. Новиот договор на Бразилецот ќе го задржи на „Олимпико“ до 30 јуни 2025 година. Рожер Ибањес се приклучи на Рома од Аталанта во јануари 2020 година. Оваа сезона има 26 натпревари и 1 гол во сите натпреварувања. 22-годишниот централен дефанзивец има одиграно вкупно 36 натпревари за Рома по неговиот трансфер од Аталанта.

Тами Абрахам може да го напушти Челзи во летниот преоден рок. Овој 22-годишен напаѓач не се согласува со условите на новиот договор и се повеќе се зголемуваат гласините дека ќе го напушти „Стамфoрд Бриџ“. Притоа не е задоволен од статусот во тимот и ретко добива минутажа оваа сезона, па сака да ја промени средината. Ситуацијата будно ја следи италијанскиот гигант Милан, кој сака на лето да го донесе на „Сан Сиро“. Милан во јануари го донесе Томори на позајмица од Челзи, кој се покажа како одлично засилување и најверојатно ќе биде откупен на лето.

Мулти-функционалниот стадион во Охрид за кратко време ќе добие модерна трибина на источната страна, со капацитет од околу 1.000 гледачи. Трибината која започна да се гради ова време минатата година е во завршна фаза. Следуваат уредување на внатрешните простории и на просторот околу трибината. Финалната фаза од изградбата ја најави Фудбалската федерација на Македонија (ФФМ), која успешно заедно со Општините Охрид и Чаир аплицирше за средства во УЕФА. Во централниот дел од трибината предвидени се вип седишта, коментаторска кабина и простор за камери. Еден дел од трибината ќе биде наменет за инвалидизирани лица со посебни пристапни патеки. Еден дел од трибината ќе биде покриен, а согласно проектот предвидени се, просторија за вработени со санитарии, гардероба со санитарии за натпреварувачи, просторија за делегати со тоалет, просторија за судии со санитарии, просторија за допинг контрола со санитарии, простории за лекарски прегледи за играчи, судии и за посетители, магацински простории, технички и останати пропратни простории и комуникации.

Фудбалскиот состав Бетис внимателно ја следи ситуацијата со дефанзивецот на Барселона, Оскар Мингуеса, кој има договор до крајот на сезоната.
Клубот е задоволен од младиот играч и му понуди нов договор до 2023 година, но, играчот се двоуми дали да потпише. Тој сака да види кој ќе биде нов претседател на екипата од „Камп Ноу“ и дури потоа да ги открие неговите планови.
Во исто време, луѓето од Бетис контактирале со неговиот агент задолжен за трансфери за да видат дали имаат шанси да го купат. Тие процениле дека Мингуеса може да биде одлично засилување за екипата.

Англискиот фудбалски состав, Тотенхем, е заинтерсиран за крилото на Реал Мадрид, Лукас Васкез.
Договорот на Шпанецот ќе му истече на крајот на сезоната и тој нема намера да го продолжи по цели 11 години поминати на – „Сантијаго Бернабе“. Реал му понуди нова соработка на 29-годишиот играч кој сепак останува на ставот дека ќе бара нов предизвик во кариерата.
Васкез има одиграно 230 натпревари за Реал Мадрид. Тој два пати ја освои Ла Лига и три пати Лигата на шампионите.

Трикратниот норвешки првак Бран се најде во средината на скандал поради сексистичка порака испишана на маица која стои на ѕидот на просторија од која Вегард Форен даваше интервју за една ТВ станица.
„Женски фудбал, што е тоа? Ниту е фудбал, ниту е женствен.“ – е пораката која се виде за време на неговото јавување во видеоинтервјуто.
Снимката од тој разговор набрзо стана вирална, а со нејзиното споделување стигнаа и осудите. Се јави и норвешката репрезентативка Ингрид Рилан и вака го прокоментира случајот:
„Тоа сигурно беше некоја шега, но не е смешна. Нема извинување. Не можеш тоа да го ставиш на ѕидот во просторија на еден од најголемите фудбалски клубови во Норвешка.“
Веднаш потоа следеше извинување од клубот, а маицата беше симната од ѕидот.

Францускиот фудбалски интеранционалец, Пол Погба, нема намера да си замине од „Олд Трафорд“ иако во повеќе наврати се шпекулираше дека може да замине во Реал Мадрид или да се врати во Јувентус. Сега последните вести велат дека 27-годишниот играч е подготвен да ја продолжи соработката со Манчестер Јунајтед. Неговиот активен договор е валиден до 2022 година. Погба наводно е подготвен да седне на преговарачката маса со газдите на клубот за да издејствува продолжување на соработката.