Напаѓачот на Реал Мадрид, Карим Бензема, побарал средба со претседателот Флорентина Перез во врска со евентуален трансфер на Ерлинг Халанд на „Сантијаго Бернабеу“. 

Францускиот напаѓач изразува загриженост дека ќе го загуби стартното место во тимот доколку Норвежанецот пристигне во Реал.

Бензема е во неверојатна форма оваа сезона постигнувајќи 24 гола на 28 натпревари. Сепак, клубот подготвува сериозно засилување во нападот, со обид за доведување на  Мбапе и Халанд.

Поради овие причини Бензема сака да ја разјасни ситуацијата околу својата позиција во тимот за следната сезона доколку ѕвездата на Борусија Дортмунд пристигне во Реал Мадрид.

Привремениот тренер на Манчестер Јунајтед, Ралф Рангник изјави дека нема конфликт меѓу него и Џеси Лингард по нивните наводни несогласувања кои се појавија низ медиумите.

Откако англискиот репрезентативец не успеа да направи трансфер надвор од клубот поради казната на Мејсон Гринвуд, Рангник изјави дека 29-годишниот фудбалер побарал малку време да се расчисти. Но, Лингард го негираше ова на социјалните мрежи, велејќи дека клубот одлучил да му даде пауза.

Рангник негира било какви проблеми меѓу него и играчот, најавувајќи дека Лингард ќе биде на располагање пред наредната средба во Премиер лигата.

„ Што се однесува до Џеси, имам многу добар однос со него, тој знае дека би сакал да го ставам во игра и пред да се појави проблемот со Гринвуд. Сите други работи се кажани, спомна некои лични прашања, но сега треба да гледаме напред. Нема никакви проблеми меѓу мене и Џеси, и обратно. Среќен сум што го имам во тимот и верувам дека ќе има повеќе настапи.“, изјави Германецот.

Македонскиот репрезентативец Енис Барди е осуден на затворска казна од четири месеци поради возење со фалсификувана возачка дозвола. Барди го признал делото по што судијата ја преиначил одлуката и ја сменил во условна казна во траење од две години.

Енис Барди во април минатата година беше запрен од полицијата во Валенсија, по што полицијата му побарала документи за идентификација и возачка дозвола.

 Еден од полицајците се посомневал дека дозволата е фалсификат и со дополнителна проверка било откриено дека недостасуваат безбедносни ознаки на истата.

Тренерот на Бордо, Владимир Петковиќ, доби отказ од управата на клубот, после понижувачкиот пораз од екипата на Ремс со резултат 0:5. 

Петковиќ, кој е поранешен швајцарски селектор, минатото лето потпиша договор со Бордо со важност до 2024 година. 

Тој ја остава екипата во незавидна положба, бидејќи Бордо се наоѓа на претпоследното 19. место од табелата во француската Лига 1, и му се заканува испаѓање од истата.

Во фудбалската јавност преовладува мислењето дека Килијан Мбапе кариерата по завршувањето на сезоната ќе ја продолжи во Париз.

Во таква насока одеа и изјавите на Мбапе и челниците на ПСЖ. Договорот на Мбапе завршува на крајот од сезоната. Сега Французинот тврди дека сепак, се уште ништо не решил за својата иднина и не донел никаква иднина.

„Немам донесено никаква одлука. Пред нас имаме мисија да го победиме Реал во ЛШ. Дури и да сум слободен да правам што сакам, сигурно нема да преговарам со противникот или нешто слично. Фокусот во овој момент е само на победата против Реал, потоа ќе видиме што ќе се случи“, изјави Мбапе.

Брендот за спортска опрема – „Најк“ се откажа од спонзорство на фудбалерот на Манчестер Јунаутед, Мејсон Гринвуд.

Напаѓачот на англискиот состав е уапсен под сомнение за сексуален напад и смртни закани. Гринвуд (20) беше ослободен со кауција минатата недела и засега е под истрага.

Раководството на „црвените ѓаволи“ веднаш го суспендираше играчот додека трае целиот процес. Гринвуд имаше договор со американскиот производител на опрема до летото во 2025 година.

Тренерот на Јувентус, Масимилијано Алегри, не го смета својот тим во листата на кандидати за титулата во Серија А, и покрај победата над Верона (2-0) и првиот пласман сезонава во Топ 4.

„Скудетото ќе се решава меѓу Интер, Милан и Наполи, засега ние сме надвор од борбата. Што се однесува до влезот во Лигата на шампионите, тука сè уште се е можно. Мора да одиме чекор по чекор. Аталанта има натпревар помалку и ќе се соочиме со нив в недела. Овие три екипи се во конкуренција за Скудетото. За жал ни недостасуваат четири бода кои би ни овозможиле да се бориме за титулата“, рече Алегри.

Интер и голманот Самир Хандановиќ преговараат за продолжување на договорот кој истекува ова лето, а според последните информации двете страни се многу блиску до договор. Новата соработка ќе биде за само една година до јуни 2023 година, а словенечкиот голман е подготвен да прифати и намалување на платата за да остане во италијанскиот клуб.

37-годишниот Хандановиќ е капитен на тимот. Тој игра за Интер од летото 2012 година, кога се пресели од Удинезе за 15 милиони евра. Оваа сезона тој учествуваше на 23 натпревари во италијанската Серија А, на кои прими 19 гола и заврши 10 меча со празна мрежа.