ФК Работнички ги потврди термините кога ќе ги игра контролните натпревари кои се дел од подготовките за новата сезона во ПМФЛ. Клубот од Дебар Маало има амбиција да избори излез во Европа наредната сезона, веќе доведе неколку засилувања, а ги очекува и напорно лето во обидот за успех.

„Работнички во Пехчево стартува со пријателските натпревари во текот на летните подготовки. Српскиот тим Напредак Крушевац ќе биде првиот ривал за избраниците на Александар Влахо, а потоа на секои три или четири дена ќе следува нов тест. В сабота Работнички ќе одигра пријателски меч со Македонија ЃП во Ѓорче Петров, на 7 јули противник ќе биде Тиквеш, а три дена подоцна „романтичарите“ ќе тестираат против Академија Пандев.

На 16 јули Работнички ќе замине на подготовки во Охрид, каде засега се закажани три пријателски натпревари, против Ренова, Охрид и против албанскиот тим Игнатиа.“ – стои во соопштението на клубот.

Барселона е во потрага по квалитетен дефанзивец, а италијанските медиуми пренесуваат дека е силно заинтересирана за капитенот на Милан, Алесио Ромањоли.

Преговорите помеѓу Милан и Ромањоли за продолжување на договорот не одат во добра насока, па дефанзивецот влезе во последната година од договорот.

Ромањоли е ставен на трансфер листа, а најсилен интерес за него покажува Барселона, која веќе стапила во контакт со неговиот агент Мино Раиола. Од друга страна Милан е заинтересиран за Кутињо, во кого гледа идеална замена за Чалханоглу, па дбвата клуба можат да договорат трампа, пренесува „Тутоспорт“.

Барселона сака да се ослободи од Кутињо и е спремна да ја прифату трампата, но проблем претставува високата плата на Бразилецот.

За да се реализира оваа трампа Кутињо ќе треба да прифати помала плата на „Сан Сиро“.

Александар Коларов ќе го продолжи договорот со Интер од Милано до 2022 година. Ова го објави новинарот Николо Скира на својот профил на Твитер.

Според изворот, платата на 35-годишниот играч во клубот ќе биде 1,5 милиони евра по сезона. Претходно беше објавено дека фудбалерот е интересен за Болоња и лично тренерот на тимот Синиша Михаиловиќ. Болоња беше подготвена да му понуди договор на играчот до 2022 година со можност за продолжување на уште една сезона.

Во завршената сезона, Коларов играше за Интер, во кој одигра 11 натпревари и направи една асистенција. Договорот на играчот со клубот од Милано истекува на 30 јуни. Во мај, фудбалерот беше подложен на операција за отстранување на хернија на лумбалниот диск, по што започна со рехабилитација. Коларов игра во Интер од 2020 година. Претходно играше за Рома, Манчестер Сити и Лацио.

Златан Ибрахимовиќ на својот Твитер профил ја објави најавата за филмот кој ќе излезе подоцна годинава, а во кој се открива неговиот пат во фудбалскиот свет.

„Јас сум Златан“ е името на филмот за кој ИМДБ тврди дека е вистинска приказна за шведскиот фудбалер кој кариерата ја започна во Малме, а потоа преку Ајакс, Јувентус, Интер, Барселона, Милан, ПСЖ, Манчестер Јунајтед и ЛА Галакси, повторно се врати во Милан каде се уште настапува на прагот на својот 40. роденден.

Во филмот базиран на автобиографијата „Јас, Ибра“, која Ибрахимовиќ ја напиша со помош на Дејвид Лагеркранц, ќе биде прикажан и неговиот однос со агентот Мино Рајола.

Ѕвездата на Барселона, Осман Дембеле денес беше успешно опериран во Финска и тоа кај докторот Ласе Лемпнаинен, соопштија од клубот.

Дембеле се здоби со повреда за време на Европското првенство, а прегледите покажаа дека ќе мора да биде опериран. Сега му претстои пауза од четири месеци, па на терените ќе се врати на почетокот на ноември.

Дембеле во Барса дојде во 2017 година за 135 милиони евра, но не ги оправда очекувањата најмногу поради честите повреди.

Tимот на македонскиот репрезентативец Енис Барди се соочува со финансиски проблеми.

Уште пред 20-тина дена беше најавено дека Леванте може да го продаде Барди за 16 милиони евра со цел да го покрие минусот. Оваа информација денес повторно е актуелна во шпанските медиуми.

Дел од шпанските медиуми објавија дека Леванте д оовој момент не добил официјална понуда меѓутоиа дека за Барди интерес покажале Фенербахче, Галатасарај, Арсенал…

Иднината на Барди веројатно не беше тема во претходниот период затоа што македонскиот репрезентативец беше на Еуро 2020 со Македонија, сега кога го заврши настапот може да се посвети на клупските планови.

Леванте на официјалната веб-страница го објави потпишувањето на договор со напаѓачот Роберто Солдадо. Договорот со 36-годишниот фудбалер важи до јуни 2023 година.

Солдадо се приклучува на Леванте бесплатно, откако во Ла Лига беше исплатена сума од 1 милион евра за да го раскине тековниот договор со Гранада. Во сезоната 2020/21, Солдадо одигра 43 натпревари, постигна 14 гола и даде две асистенции. Напаѓачот играше за Гранада од 2019 година. Претходно играше за Виљареал, Тотенхем, Валенсија, Хетафе, Осасуна и Реал Мадрид.

Во шпанското првенство што заврши, Леванте го зазеде 14-то место со 41 поен, додека Гранада го освои деветтото место со 46 поени. Во минатата сезона од Лигата на Европа, Гранада стигна до четвртфиналето каде беше елиминирана од Манчестер Јунајтед.