Штутгарт го обнови договорот со тренерот, Пелегрино Матарацо до 30 јуни во 2024 година. 43-годишниот специјалист пристигна кај популарните „шваби“ на крајот на 2019 година и успеа да го однесе тимот во Бундес-лигата. Штутгарт во тековнава сезона е десетти и далеку од зоната за испаѓање. Матарацо е роден во Њу Џерси, а пред да стане тренер играше во пониските дивизии на Германија. Тој пред да го преземе кормилото на Штутгарт му беше помошник на Јулијан Нагелсман во екипата на Хофенхајм.
Тодоров по поразот од Русија: Да ги кренеме главите и продолжиме понатаму
На прес-конференцијата по одигрувањето на средбата со Русија, говореше селекторот Александар Тодоров. Како најава за пресот, Тодоров го потенцираше оној психолошки момент присутен во тимот откако имале прилика да ја видат играта и резултатот на првиот меч во „балонот“ во Перм, во кој Естонија ја изненади Италија и се приближи до пласман на ЕП. А нашата селекција, по овој втор пораз, ја стави во една императивна форма. Да победи на наредните два, прво во недела против Италија, а ден подоцна, и против Естонија. „Тешко беше да се сконцентрираме и психолошки да се подготвиме, не толку во однос на нашиот противник, колку што нè изненади првиот меч на програмата програма, меѓу Естонија и Италија. Мислевме дека одлучувачки ќе биде нашиот дуел со Естонија, но додека се подготвувавме во соблекувалната, ја дознавме лошата вест, дека ќе ни требаат две победи за да се пласираме на Европското првенство. Втор важен момент беа скоковите, а трет повредата на Дамјан Стојановски поради што моравме да ротираме тројца кошаркари на таа позиција во преостанатите 36 минути. Противникот имаше 24 скока повеќе од нас, 17 само во првото полувреме кога ја оствари клучната разлика. Без оглед на сè, мораме да ги кренеме главите и да продолжиме понатаму. Ни претстои слободен ден, а потоа два натпревари во два дена кои ќе одлучат. Играме за нашата земја и тоа е најголема мотивација што може да ја добиеме. За жал, лошо ги почнавме овие квалификации (против Естонија во Скопје) и сега поради еден лош натпревар го губиме целиот циклус“ – изјави Тодоров.
Обрван именуван за нов селектор на БиХ во ракомет
Поранешниот селектор на Македонија, Ивица Обрван ќе ја води репрезентацијата на Босна и Херцегговина. Обрван на селекторот столче во БиХ седнува откако си замина Билал Шуман. Шуман беше сменет од Управниот одбор на бсанската ракометна репрезентација. Селектор на Македонија Обрван беше три години (2013-2016) и ја водеше Македонија на две Европски првенства (2014 и 2016) и едно Светско (2015).
Евротип предлог тикет – Сабота 20.02.2021
Еден од најдобрите спортски новинари во државата и регионот – Зоран Мишевски селектира дел од понудата за денешните натпревари и ни даде свое гледиште како би се одвивале истите. Украдете дел од идеите или преземете ги неговите типови, па се надеваме на добивки. Предлог тикетот во ЕВРОТИП носи над 110 коефициент:
Ливерпул – Евертон 1, ГГ
Победата над РБ Лајпциг го врати Ливерпул во победнички ритам, а она што повеќе радува е победата без примен гол. Градското дерби е посебен натпревар, а контроверзиите од првиот натпревар го мотивираат тимот на Клоп за одмазда. Очекувам голови и домашен триумф.
Сент-Етјен – Ремс 1
„Зелените“ на Клод Пуел играат многу променливо и тешко е да се улови нивен континуитет. Навидум се фаворити, имаат добра традиција против Ремс, играат со најсилниот состав и ова е идеална шанса да докажат дека не се непредвидливи.
Шалке 04 – Борусија Дортмунд 2, ГГ
Борусија Дортмунд е во транс по триумфот во Севиља и на тие крилја гостува кај најлутиот ривал. Иако овој натпревар е дерби и Шалке се засили зимава, сепак разликата во квалитет е огромна. Не верувам дека Шалке има решение за Халанд и Санчо.
Атлетико Мадрид – Леванте 1-1
Во средата Атлетико не успеа да победи на дуелот кај Леванте. Сега двете екипи се соочуваат во Мадрид. Пред гостувањето на Челзи на „Ванда Метрополитано“, на момците на Симеоне очајно им треба триумф.
Лацио – Сампдорија 1, 3+
Теоретски, римјаните треба да ги чуваат најважните фудбалери за дуелот со Баерн. Но, по поразот во Милано од Интер, тимот на Симоне Изнаги не смее да си дозволи нов кикс и од прва минута ќе го нападне гостинот од Џенова.
Премиерлигата подговена за најголемиот „домашен“ трансфер во историјата!
Според последните информации на англиските медиуми, Хари Кејн сака да го напушти Тотенхем ова лето! Како што можеше и да се претпостави, Кејн е свесен дека мора да го напушти Тотенхем ако сака да се бори за најголемите клупски трофеи – Премиерлигата и Лигата на шампионите, а иако не е познато каде сака да оди, сите веруваат дека Манчестер Сити ќе биде главен кандидат да го доведе. Даниел Леви ја одреди и цената, астрономски 170 милиони евра, што ќе биде убедливо најголемиот „домашен“ трансфер во Англија и трет најскап на светот уште од Нејмар и Мбапе, за кои ПСЖ плати 222 и 180 милиони евра. Кејн ќе полни 28 години, се наоѓа во најдобриот период од неговата кариера, а јасно е деак со Тотенхем нема да успее да испише историја како најдобар напаѓач во Премиерлигата и Европа. Истовремено, се појави информација и за евентуален „наследник“ на Кејн во Тотенхем, прв на листата е Доминик Калверт-Луин, кој се наметнува и како најлогично решение, а тука е и Дени Ингс од Саутемптон. И двајцата имаат одлични сезони во Евертон и Саутемптон, но прашање е дали можат да го достигнат нивото на Кејн, но сигурно е дека се достојни имиња да се обидат да го заменат.
Агуеро го најави следниот чекор, се знае со кого сака да игра
Серхио Агуеро се уште нема понуда да го продолжи договорот со Манчестер Сити и се поизвесно е дека ќе го напушти клубот по цели 10 години. Аргентинецот оваа сезона е во втор план, најпрво поради повреди, а и поради тоа што се бореше со коронавирусот. Сепак, Сити и без него покажа дека е најдобар тим во Премиерлигата, а веќе некое време се шпекулира дека Гвардиола е во потрага по нов напаѓач, се почесто се зборува за Хари Кејн, а алтернативи се Ромелу Лукаку, Лаутаро Мартинез, како и Ерлинг Халанд. За тоа време, Агуеро најави дека сака да заигра со Лионел Меси. „Се уште не знам каде ќе играм од јуни. Меси? Кој не би сакал да игра со Меси?“ – реторички праша Агуеро и со тоа ги подгреа шпекулациите за трансфер во Барселона и задржување на Меси во каталонскиот клуб. Оваа сезона покажа дека на Барса и е потребен напаѓач од класата на Агуеро, а бидејќи на лето ќе стане слободен играч, извесно е дека ќе тргнат по него. Сепак, за почеток е потребно Меси повторно да има желба да остане во Барселона, бидејќи поразот од ПСЖ влијаеше на неговото расположение и вербата во каталонскиот клуб.
Се повреди и Бензема, неизвесен неговиот настап во Бергамо
Реал Мадрид загуби еден од своите клучни играчи, напаѓачот Карим Бензема , пренесуват шпанските медиуми. 33-годишниот Французин го пропушти тренингот и нема да му помогне на тимот на следниот натпревар. Денес Реал Мадрид игра со Ваљадолид натпревар од 24. коло на шпанскиот пример. Натпреварот ќе се одржи Ваљадолид со почеток од 21 часот. Според информациите, под знак прашање би било и учеството на Бензема на првиот натпревар од осминафиналето во Лигата на шампионите со Аталанта следната недела. Средбата ќе се одигра на 24 февруари на стадионот „Атлети Азури“ во Бергамо. Бензема играше на последниот натпревар на Реал Мадрид со Валенсија и помина 78 минути на теренот и постигна гол.
Сити спреми петгодишен договор за Лео Меси
Манчестер Сити подготви нова понуда за напаѓачот на Барселона, Лионел Меси. Од Манчестер Сити сè уште очекуваат да потпишат со Аргентинецот, но тие ги скратиле условите за договорот за плата. Во 2020 година, Манчестер Сити му понуди на Меси 693 милиони евра за пет години, но сега клубот ја намали понудата на 496 милиони евра, со објаснување дека финансиската клима е променета. Забележано е дека Манчестер Сити сака Меси да помине најмалку две години во клубот, по што ќе се пресели во нивната филијала – Њујорк Сити, кој игра во МЛС лигата на САД. Како дел од зделката, тој исто така треба да служи како амбасадор во „Сити фудбал груп“, која опфаќа десет клуба на четири континенти. Договорот на Меси со Барселона важи до 30 јуни 2021 година. Минатото лето, аргентинскиот напаѓач се обиде да го напушти каталонскиот клуб, но на крајот реши да остане.
Февр нов светски првак во велеслалом, Французинот доминантен во Кортина
Метју Февр ја освои титулата во велеслалом на трката од Светскиот шампионат во Кортина Д’Ампецо. Французинот иако не беше меѓу фаворитите, сепак стигна до златен медал, а до тоа дојде откако го искористи киксот на фаворитите. Зад Февр, заврши Де Алипрандини од Италија, кој исто така не беше фаворит за подиумот. Бронзениот медал од оваа трка му припадна на Марк Шварц од Австрија, додека зад него заврши Филип Зубчиќ од Хрватска. Разочарувачки настап имаше Кристоферсен кој заврши деветти, додека водечкиот од првата трка Алексис Пинтро не ја заврши втората трката.
Европската ракометна федерација (ЕХФ) го одложи натпреварот од деветтото коло на групата Д во Лига Европа помеѓу Еурофарм Пелистер и Рајн Некар Левен. Причината е неможноста германскиот клуб да допатува во Битола, а целосно да ги испочитува мерките за заштита во ковид-криза донесени од германската влада. Рајн Некар Левен мора во рок од 48 часа да пристигне во Македонија со негативен ковид-тест, да го одигра натпреварот и да се врати дома. Клубот од Бундеслигата не пронајде таква опција и побара од ЕХФ одложување. РК Еурофарм Пелистер ја прифаќа одлуката на Европската ракометна централа и очекува информации за нов термин за одигрување на натпреварот. Во меѓувреме клубот и тимот ќе се насочи на следните натпреварот против Татран Прешов во СЕХА Гаспром лигата и против Кадетен Шафхаузен во Лига Европа.
