Предводникот на Астон Вила, Унаи Емери, го коментираше поразот од Арсенал (4-1) во 19. коло од Премиер лигата.

„Многу сум задоволен од играчите. Денес игравме многу добро во првото полувреме, за разлика од натпреварот против Челзи. Се боревме напорно, дури и ја презедовме контролата и создадовме шанси. Не дозволивме многу шанси во близина на нашиот гол, а противникот немаше ниту еден корнер во првото полувреме. Но, во второто полувреме, првиот гол сè промени, а потоа тие го засилија притисокот. Плус, имавме повреда на Амаду Онана и изгубивме сè во средниот ред, додека тие ја покажаа својата сила. И на крајот, загубивме“, изјави Унаи Емери.

Дефанзивецот на Ал-Хилал од Саудиска Арабија, Жоао Кансело, најверојатно ќе го напушти клубот во јануарскиот преоден рок, објави новинарот и инсајдер Фабрицио Романо на социјалната мрежа X.

Според извор, Интер контактирал со Ал-Хилал во врска со условите за позајмица и можна структура на договорот. Барселона и Јувентус исто така контактирале со Ал-Хилал во последните 48 часа за да се распрашаат за ситуацијата на Кансело.

Кансело, (31 година), игра за Ал-Хилал од летото 2024 година. Оваа сезона, португалскиот репрезентативец одигра шест натпревари за клубот, постигнувајќи еден гол и имајќи две асистенции. Тековниот договор на Жоао Кансело со клубот е до крајот на јуни 2027 година. Неговата пазарна вредност на 10 милиони евра.

Претходно играше за Интер, Барселона и Јувентус. Покрај гореспоменатите клубови, Кансело играше и за Баерн Минхен, Манчестер Сити, Валенсија и Бенфика.

Голманот на Манчестер Сити, Џанлуиџи Донарума, ја одложи својата свадба за да биде целосно подготвен да игра за Италија на Светското првенство во САД, Канада и Мексико ова лето, изјави денеска неговиот менаџер Енцо Рајола.

Италија ги пропушти последните две светски првенства, 2018 во Русија и 2022 во Катар, и сè уште не се квалификуваше за Мундијалот 2026, но ќе игра во плејофот во март, против Северна Ирска, а потоа доколку победи против Велс или Босна и Херцеговина.

„Тој сакаше да се жени на лето, но го одложи тоа бидејќи неговите обврски со Италија се на прво место. Многу се грижи за Светското првенство, побара да остане концентриран и да се фокусира само на својот клуб и Италија, бидејќи сака да оди на тоа натпреварување со сето срце“, изјави Рајола за Радио Спортива.

Донарума се пресели од ПСЖ во Манчестер Сити ова лето, откако не ја продолжи соработката со францускиот клуб.

Крилниот напаѓач на Тотенхем, Бренан Џонсон, ќе го напушти клубот, но не и местото на живеење, потврди „Скај Спортс“.

Според овој извор, Тотенхем прифатил понуда вредна 40.000.000 евра, за напаѓачот кој не е во плановите на Томас Франк.

Џонсон оваа сезона одигра само 600 минути во Премиер лигата, најчесто влегувајќи од клупата, постигна два гола, од кои по еден во Лигата на шампионите и Лига купот.

Во споредба со минатата сезона кога одигра дури 51 натпревар во сите натпреварувања и помина над 3.000 минути на теренот, јасно е дека младиот напаѓач не можеше да биде задоволен од својот статус и логично е што реши да си замине.

Тотенхем ја прифати понудата на Кристал Палас од 40.000.000 евра. Договорот ќе биде потпишан кога Џонсон ќе го договорили финансиските услови со Палас.

Оливер Гласнер на тој начин ќе добие големо засилување во нападот, бидејќи Џонсон ќе биде опција покрај Јереми Пино, Исмаила Сара и Енкетија.

Кристал Палас се бори на неколку фронта, а главната цел е да го нападне трофејот во Конференциската лига.

Челзи не успеа да го победи Борнмут во 19-то коло, во Премиер лигата. Во терминот од 20.30 часот, Вест Хем повторно не успеа да победи, одигра 2-2 со Брајтон, Евертон триумфираше во Нотингем со 2-0, а Њукасл победи кај Барнли сo 1-3.

Одличен натпревар на „Стемфорд Бриџ“ одиграа Челзи и Борнмут, заврши без победник 2-2. Сите четири гола беа постигнати во првото полувреме, а Брукс го отвори резултатот во шестата минута.

Кол Палмер израмни во 15-та од пенал, а Енцо Фернандес им донесе пресврт на домашните во 23-та. Сепак, Џастин Клајверт израмни по четири минути и тој резултат остана на семафорот до рајот на мечот.

Челзи остана на петтото место со 30 освоени бода, додека Борнмут е на 15-та позиција со седум помалку.

Фудбалерите на Арсенал, во дербито на 19-то коло ја победија Астон Вила со 4-1. „Топџиите“ ја прекинаа неверојатната серија на Астон Вила, од 11 победи во сите натпреварувања, осум од ив забелеани во Премиер лигата. Во истиот термин, Манчестер Јунајтед уште еднаш ги разочара своите навивачи, откако одиграа 1-1 со најлошиот тим во лигата, Вулверхемптон.

Арсенал продолжува да доминира во Премиер лигата и суверено ја држи првата позиција во најсилната фудбалска лига во светот со 14 победи во 19 натпревари и 45 освоени бода.

Последниот триумф, петти во последните шест натпревари, дојде во вторник вечерта против Астон Вила.

Порталот „Трансфермаркт“ ги именуваше фудбалери со најголем пад на својата цена во 2025 година.

Фил Фоден, играчот од средниот ред на Манчестер сити, забележа најголем пад на вредноста. Неговата пазарна вредност на почетокот на годината беше 140 милиони евра, но до декември неговата вредност падна за 60 милиони евра.

Клупскиот колега на Фоден, Родри, е втор на оваа листа, откако неговата вредност се намали за 55 милиони евра, од 130 милиони евра на 75 милиони евра.

Напаѓачот на Реал Мадрид, Винисиус, е трет, со неговата трансферна вредност падна за 50 милиони евра, од 200 милиони евра на 150 милиони евра.

Египќанецот Калид Валид спогодбено раскина со Еурофарм Пелистер

Актуелниот македонски шампион Еурофарм Пелистер спогодбено го раскина договорот со египетскиот ракометар Мохамед Калид Валид.

„Двете страни беа согласни за промена и затоа оваа операција брзо е завршена“, соопшти попладнево битолскиот клуб.

Валид во дресот на Еурофарм Пелистер го освои Суперкупот на Македонија, а имаше и забележителни настапи во Лигата на шампиони.

Дваесетишестгодишниот кружен напаѓач на египетската репрезентација дојде во Еурофарм Пелистер пред стартот на сезоната, кога потпиша едногодишен договор.

Управниот одбор на Фудбалската федерација на Македонија, на денешната седница, донесе одлука за покренување дисциплинска постапка пред Дисциплинската комисија на ФФМ против поранешниот претседател на федерацијата, Муамед Сејдини.

Постапката се покренува поради основано сомнение за измама и доведување во заблуда на членовите на Управниот одбор, поврзано со авансната исплата во износ од 700.000 евра кон фирмата-изведувач задолжена за изградба на трибината на стадионот „Билјанини Извори“ во Охрид.

Исплатата, согласно достапната документација, била извршена самоиницијативно, спротивно на одлуката на Управниот одбор и спротивно на понудата и надлежностите и без да биде обезбедена банкарска гаранција.

Управниот одбор оценува дека постојат елементи на тешки повреди на службените обврски и делување спротивно на интересите на ФФМ, со што се нанесени негативни последици врз репутацијата и финансиското работење на федерацијата.

– Управниот одбор на ФФМ донесе одлука за формирање ад-хок комисија која ќе спроведе ревизија на едукативниот процес за носителите на тренерски лиценци издадени од Едукативниот центар на ФФМ.

Ревизијата ќе опфати проверка на тоа дали се почитувани роковите, процедурите и критериумите за посетување и учество на едукативните модули, како и постапката за издавање на тренерски лиценци.

Меѓу другото, ќе се испита и начинот на кој поранешниот селектор Игор Ангеловски ја добил својата ПРО лиценца, ревизија која тој самиот ја побара.