Челзи ќе испрати понуда до Реал за враќање на Азар
Eден Азар не се снајде најдобро во Реал Мадрид, но мора да се каже дека и повредите имаат големо влијание. Иако со бројни бонуси беше платен скоро 150 милиони евра лошата форма и повредите не му дозволуваат да ги оправда очекувањата кои навивачите ги имаа од него и сега се шпекулира дека би можел да си замине. Во дел од шпанските и островските медиуми сега се појави информација дека интерес за Азар покажал неговиот поранешен клуб Челзи. Според информациите понудата би изнедувала помеѓу 40 и 50 милиони евра.
Суарез: Куман ладно и в очи ми кажа дека не смета на мене
Роналд Куман по доаѓањето во Барселона отпиша неколку играчи, а меѓу нив беше и Луис Суарез што за многумина беше изненадување. Уругваецот ја напушти Барселона и игра фантастична сезона во која во овој момент со 14 гола е прв стрелец во Ла Лига, а Атлетико е на добар пат да стигне до титулата. Сега Суарез зборуваше за моментите кога одлучил да си замине. „Куман ме викна и ми кажа дека нема потреба од играч како мене. Го прифатив тоа, но му одговорив дека имам договор и дека ќе тренирам со тимот. Ми беше тешко да ја напуштам Барселона, меѓутоа почувствував дека клубот повеќе неме почитува како претходно“, изјаву Суарез. Суарез во Барселона играше од 2014 до 2020 година.
Евротип предлог тикет – Недела 07.02.2021
Еден од најдобрите спортски новинари во државата и регионот – Зоран Мишевски селектира дел од понудата за денешните натпревари и ни даде свое гледиште како би се одвивале истите. Украдете дел од идеите или преземете ги неговите типови, па се надеваме на добивки. Предлог тикетот во ЕВРОТИП носи околу 29 коефициент:
Тотенхем – ВБА 1-1
По кризата и трите порази во низа, Тотенхем има идеален противник за враќање на победнички стази. Иако нема да настапи Кејн, тимот на Мурињо не смее да си дозволи да загуби бодови против една од најскромните екипи во лигата.
Сент-Етјен – Мец 1
Иако Мец е незгодна и непредвидлива екипа, сепак домаќинот е неприкосновен на „Жофри Гишар“ и треба да ја наметна својата супериорност. Ако има вистински ритам домаќинот ќе ги прокнижи бодовите.
Беневенто – Сампдорија 3+
Супер-офанзивен фудбал негува Беневенто на Пипи Инзаги и постигнува и прима голови на скоро сите натпревари. Затоа против Сампдорија ќе игра пак за гол повеќе и веројатно ќе ја задржи тенденцијата.
Нови Пазар – Црвена Звезда 2-2
Засилената Црвена Звезда на јавноста треба да му го претстави новиот проект, кој се подготвува за дуелите против Милан во Лига Европа. Италијанецот Фалко ќе дебитира на незгодниот терен против Нови Пазар. Не би требало да дојде во прашање триумфот и бодовите во полза на „црвено-белите“.
Палмеирас – Тигрес 1
Победникот на Копа Либертадорес е јасен фаворит против мексиканскиот гигант. Жињак е најголемата опасност по тимот на Абел Фереира, но Бразилците во Доха дојдоа во одличен ритам и со еуфорија по освојувањето на Копа Либертадорес.
Белгија се откажа, Србија обезбеди пласман на ЕП во ракомет
Ракометната федерација на Белгија ја извести ЕХФ дека се откажува од квалификациските натпревари за настап на Европското првенство 2022 година во Унгарија и Словачка. Одлуката е поради лошата ситуацијата со Ковид-19, како и краткиот период за подготовки. Натпреварите требаше да се играат во текот на месец март и април. Со оваа одлука на Белгија, Србија ќе обезбеди директен пласман бидејќи има најповолна позиција во својата група.
Рамос мора на операција, Реал шест недели без капитенот
Капитенот на Реал Мадрид, Серхио Рамос ќе паузира во следните шест недели, откако денеска мораше да оди на операција. Според шпанските медиуми, дефанзивецот го повреди менискусот во полуфиналето на шпанскиот Суперкуп, а лекарите потврдија дека повредата мора да се санира со оперативен зафат. Рамос се обидуваше да закрепне без операција, но по вчерашниот тренинг стана јасно дека се работи за сериозна повреда. Се очекува тој да се врати на теренот на почетокот на април, што значи дека ќе го пропушти двомечот со Аталанта во осминафиналето од Лигата на шампиони.
Клубовите ќе можат да им забранат на играчите да играат за репрезентација?!
Фудбалските клубови ќе можат на своите играчи да им забранат да одат на репрезентативните собири идниот месец, одлучи ФИФА. Клубовите досега беа задолжени да ги пуштат своите играчи за репрезентативни обврски, но коронавирусот влијаеше на промена и на ова правило. Клубовите сега имаат можност да им забранат на играчите да одат во одредена држава, доколку при враќањето од таа држава мораат во карантин од барем пет дена. На пример, на црвената листа на земји во Велика Британија се наоѓаат Португалија и одредени афрички земји, па играчите кои би патувале таму ќе мораат во карантин по враќањето. Така, Манчестер Јунајтед ќе може да му забрани на Бруно Фернандеш да игра за Португалија, доколку оваа држава остане на црвената листа во Велика Британија.
Шок во Барселона, еден од најдобрите фудбалери тајно се оперирал!
Ансу Фати најверојатно ја заврши оваа сезона, бидејќи поради компликации со повредата на коленото мораше на нова операција. Оваа вест беше потврдена од лекарот Мигел Љобет, кој истакна дека Фати мораше на нова операција по болките во коленото. Тој доживеа повреда на менискусот на 7. ноември против Бетис, кога му беше предвидена пауза до март, но како што стојат работите, прашање е дали воопшто ќе се врати сезонава. Пред повредата, Фати беше најдобар фудбалер на Барса заедно со Меси, а на 10 натпревари постигна 5 погодоци и имаше четири асистенции. За потсетување, Барселона сезонава има доста проблеми со повреди, Кутињо се враќа дури во април, Серхи Роберто доживеа нова повреда и ќе паузира уште најмалку еден месец, додека Пике по тримесечна пауза треба да се врати овој месец.
Салах најдобар во Африка според ИФФХС, соиграчот Мане на второто место
Меѓународната федерација за историја и статистика на фудбалот (ИФФХС) објави рангирање на најдобрите фудбалери во оваа деценија во Африка. На врвот од оваа листа се најде напаѓачот на Ливерпул и египетската репрезентација Мохамед Салах. На второ место е неговиот клупски партнер, напаѓачот на репрезентацијата на Сенегал и Ливерпул, Садио Мане. Ријад Марез, играчот за врска на Манчестер Сити и репрезентацијата на Алжир е на третото место. Да потсетиме дека Салах игра за Ливерпул од 2017 година. Египетскиот напаѓач оваа сезона одигра 21 натпревар за Ливерпул во англиската Премиер лига, постигнувајќи 15 гола и 3 асистенции. Актуелниот договор на играчот со Ливерпул е до летото 2023 година. Од 2011 година, Салах е дел од репрезентацијата на Египет.
Јунајтед ќе му понуди нов договор на Бруно Фернандеш
Манчестер Јунајтед започнал преговори со Бруно Фернандеш за продолжување на неговиот договор, тврдат неколку медиуми во Англија повикувајќи се на извори од клубот. Португалецот кој пред само една година пристигна на „Олд Трафорд“ веднаш стана голема ѕвезда во составот на Оле Гунар Солскјаер. Шефовите на „црвените ѓаволи“ се свесни дека тој заслужува многу подобри финансиски услови со оглед на неговиот ефект на теренот. Сегашниот договор на Фернандеш е валиден до 2025 година.
Деби во Франција за У21 репрезентацијата во квалификациите за ЕП
Нашата фудбалска репрезентација У21 го дозна распоредот за квалификациите за Европското првенство во 2022 година. Ние сме во групата со Франција, Србија, Украина, Фарски острови и Ерменија. Новиот циклус ќе го започнеме на 2 септември на теренот на „триколорите“ а ќе го завршиме кај Украинците на 7 јуни догодина. Еве го комплетниот распоред за македонските фудбалери кој го одреди УЕФА.
