Кол Палмер одигра клучна улога во триумфот на Челзи од 4-1 над Бетис во финалето на Конференциската лига. Младиот офанзивен играч од средниот ред асистираше за головите на Енцо Фернандез и Николас Џексон, а по завршувањето на натпреварот заслужено беше прогласен за играч на натпреварот.

„Во второто полувреме го зголемивме интензитетот и игравме подобро. Бев уморен од враќање на топката или играње настрана. Го видов Енцо Фернандез како се вмешува и му ја подадов – истото се случи и за вториот гол“, рече Палмер.

„Покажавме карактер за да го свртиме натпреварот – горд сум на тимот“, додаде тој.

Баерн Минхен и официјално го објави трансферот на Џонатан Тах.

Гигантот од Минхен потпиша договор со 29-годишниот централен дефанзивец до 30 јуни 2029 година.

Тој се пресели во Баерн како слободен агент откако му истече договорот со Баерн. Како што објавија од клубот, тој во дресот на Баерн ќе настапи со бројот 4.

Тренерот на Челзи Ензо Мареска не криеше гордост после доминантната победата од 4 спрема 1 против Реал Бетис во финалето од Конференциската Лига, нагласувајќи дека оваа победа е голем чекор во создавањето на вистински победнички менталитет во клубот. Тој додаде дека големата инвестиција што клубот ја направи во млади таленти во последните неколку години создаде високи очекувања, а овој триумф е одлична основа за идни успеси. 

Со оваа победа, Челси стана првиот клуб кој успеал да ѓи освои сите четири три европски клубски натпреварувања – Лигата на Шампионите, Лигата на Европа и Конференциската Лига. Капитенот Рис Џејмс потенцираше колку ова е значајно достигнување, посочувајќи дека клубот едноставно не може да прифати ништо помалку од победа, особено со оглед на финансиските можности што ги има. 

Гледајќи кон иднината, Челси не запира. Клубот е близу до договор вреден 30 милиони фунти за потпис со напаѓачот на Ипсвич, Лиам Делап, а паралелно се разгледуваат и други засилувања. Сето тоа е дел од планот на Мареска за градење доминантен тим, кој ќе се потпира на млади таленти. Целта е јасна – да се задржи позитивниот замав и да се стремиме кон врвните титули и во домашните и во европските натпреварувања. 

Ливерпул поставил висока цена за Кванза, откако се појави интерес од клубови од Премиер Лигата и Бундеслигата. Дефанзивецот, кој оваа сезона има ограничена минутажа, привлекува внимание од неколку врвни тимови во Европа. Клубот на Енфилд сака да ја искористи неговата пазарна вредност и не планира да го пушти за пониска сума. 

Интересот само расте, што отвора можност за трансфер во текот на летото. Сепак, се чекаат понуди кои ќе одговараат на очекувањата на Ливерпул. Иднината на дефанзивецот останува неизвесна, а клубот е подготвен да ги разгледа сите солидни понуди. 

Ограничените настапи оваа сезона предизвикаа шпекулации за неговата улога во тимот. Иако од Ливерпул не потврдуваат официјални преговори, интересот што расте укажува дека трансферот е реална опција. Одлуката ќе зависи од понудите што ќе стигнат и од тоа како клубот го гледа неговиот потенцијал за иднината. 

Според Фабрицио Романо, Челси е на чекор до договор за трансфер на напаѓачот Лиам Делап од Ипсвич за сума од 30 милиони фунти. 22-годишниот напаѓач имаше одлична сезона во Премиер Лигата, постигнувајќи 12 голови и 2 асистенции во 37 настапи, што привлече внимание од неколку големи клубови како Манчестер Јунајтед, Њукасл и Евертон. Сепак, пласманот на Челси во Лигата на Шампионите им дава предност во трката за неговиот потпис. 

Трансферот дополнително го олеснува и фактот што Делап има претходна соработка со менаџерот на Челси, Ензо Мареска, со кој работел во младинскиот тим на Манчестер Сити. Мареска го опиша Делап како фантастичен играч и идеално решение за нападот на Челси. 

Лиам Делап веќе ја прифати понудата од Челзи и е подготвен за трансфер. Менаџерот на Ипсвич, Киран Мекена, јавно призна дека е свесен за интересот и му дозволи на Делап да ја разгледа опцијата за заминување. 

Ако трансферот се реализира, Делап ќе се приклучи на Чезси, клуб што сака да гради силен и млад тим под водство на Мареска, со јасна цел да го засили нападот за следната сезона. 

Баерн Минхен направи сериозен чекор на летниот трансфер пазар со ангажманот на Џонатан Тах. Германскиот репрезентативец, кој има 28 години, пристигна како слободен играч по речиси десет години поминати во редовите на Баер Леверкузен. Таму го доби статусот за еден од најсигурните и најконзистентните дефанзивци во Бундеслигата. 

Со тренерот Винсент Компани на чело, Баерн започнува процес на реконструкција, а Тах ќе има важна улога во стабилизирање на одбраната која минатата сезона се соочи со многу повреди и нестабилност. 

Баерн имаше потреба од искусен дефанзивец што добро го познава германскиот фудбал. Тах се вклопува совршено – стабилен, искусен и способен да ја организира одбраната. 

Потписот на Тах е дел од пошироката стратегија – тим кој не се потпира само на офанзивната моќ, туку има и цврста и сигурна дефанзивна структура. Сите очи ќе бидат вперени кон сезоната 2025 и прашањето – дали новиот Баерн е подготвен да доминира и дома и на европска сцена?

Според реномираниот италијански новинар, Матео Морето, Милан е блиску до враќање на Масимилијано Алегри како главен тренер. Италијанскиот стратег, кој го предводеше клубот од 2010 до 2014 година, е на прагот да потпише договор со Росонерите. 

Во својот прв период во Милан, Алегри остави силен впечаток – освои титула во Серија А во сезоната 2010/11 и донесе тактичка дисциплина комбинирана со младешка енергија, што им донесе нова надеж на навивачите. Иако имаше тешки моменти во последните години од тој мандат, неговите успеси останаа важен дел од историјата на клубот. 

Сега, Милан минува низ период на обновување, со цел да се врати на врвот на италијанскиот фудбал. Управата верува дека токму искуството и познавањето на клубот од страна на Алегри се она што им треба за да се постигнат амбициозните цели. Преговорите се во напредна фаза, а двете страни се оптимисти дека наскоро ќе има официјален договор. 

Доколку се реализира, враќањето на Алегри би можело да означи нов почеток за Милан – со неговата страст и докажани способности, тимот би можел да ја врати стабилноста и да се врати на победнички пат, како на домашната сцена така и во Европа. 

Шпекулациите околу иднината на Маркус Рашфорд повторно се во подем, откако шпанските медиуми објавија дека напаѓачот на Манчестер Јунајтед се наоѓа на списокот на потенцијални засилувања на Барселона. 

27-годишниот Англичанец неодамна ја заврши својата позајмица во Астон Вила, каде што покажа блесоци од старата форма. Но, неуспехот на Вила да обезбеди место во Лигата на Шампионите, наводно, ги закочи нивните планови за траен трансфер. 

Сега Рашфорд размислува за следниот чекор во неговата кариера. Иако сè уште има активен договор со Јунајтед, неговата нестабилна улога во тимот и лимитираната минутажа ги отворија вратите за нови опции. Извори блиски до играчот тврдат дека неколку европски гиганти го следат развојот на ситуацијата. 

Барселона, која продолжува со финансиско реструктурирање и освежување на составот, гледа кон поекономични решенија за летниот преоден рок. Доколку Јунајтед биде отворен за преговори, а играчот заинтересиран за промена, трансферот може да стане реална можност. 

Мислењата меѓу навивачите се поделени. Дел од нив сметаат дека Рашфорд би блеснал во пофлексибилниот офанзивен систем на Барса, додека други се сомневаат дали Барселона воопшто може да си дозволи ваква зделка и дали Рашфорд би се прилагодил на шпанскиот стил на игра. 

Раководството на Фиорентина денес беше шокирано од оставката на нивниот тренер Рафаеле Паладино, објавуваат “Скај Спорт Италија” и Џанлука Ди Марцио.

Според информациите, во овој момент клубот прави сè што може за да го убеди младиот стручњак да ја повлече својата одлука, бидејќи сè уште не е позната причината што доведе до ова шокантно решение.

Интересно е што на почетокот на овој месец Паладино потпиша нов договор со Фиорентина до крајот на јуни 2027 година. Тој пристигна на „Артемио Франки“ минатото лето по успешен период на чело на Монца.

Во дебитантската сезона во Фиренца, 41-годишниот тренер го изведе тимот до шестото место во табелата на Серија “А” со 65 поени по 19 победи, 8 нерешени и 11 порази во првенството. Така, “Ла Виола” си обезбеди четврто последователно учество во Лигата на конференциите, каде што оваа сезона стигна до полуфиналето.