Ветеранката Серена најавува нов обид да биде најдобра во светот

Серена Вилијамс објави нова објава на социјалните мрежи со која најави дека се чувствува подготвена за да учествува на „Вимблдон“. Отвореното првенство на Велика Британија ќе се одржи од 27 јуни до 10 јули, а Вилијамс веќе доби „вајлд-карта“ за турнирот на трева во Лондон.

„Работам од утро до мрак. Се чувствувам доволно самоуверена за да се осмелам повторно да бидам најдобра“, напиша Американката, која има седум титули во британската престолнина.

Вилијамс (40) минатата година се здоби со повреда на тетивата на тетивата на мечот од првото коло на Вимблдон против Александра Саснович од Белорусија и оттогаш нема одиграно ниту еден натпревар.

Александар Ѓорѓевиќ ја напушти клупата на Фенербахче

Од турскиот кошаркарски шампион Фенербахче ја потврдија веста дека ја прекинаа соработката со српскиот тренер Александар Ѓорѓевиќ.

Познатиот стратег неодамна со Фенербахче го освои трофејот во турската лига после победата во финалната серија над европскиот шампион Анадолу Ефес.

Според информациите големи се шансите Ѓорѓевиќ да го замени Истанбул со Мадрид, и да биде тренер на Реал.

Лука Јовиќ заминува на позајмица во Фиорентина

Италијанскиот весник „Кориере дело Спорт“, пренесува дека напаѓачот на Реал Мадрид, Лука Јовиќ ќе замине на едногодишна позајмица во калчолигашот Фиорентина.

Според договорот меѓу двата клуба, Јовиќ ќе го напушти Реал бесплатно, а Фиорентина ќе има обврска да ја покрие половина од годишната плата на напаѓачот која изнесува 6 милиони евра.

24-годишниот Јовиќ во Реал Мадрид пристигна во 2019 година од Ајнтрахт Франкфурт, и минатата сезона најчесто беше резерва во тимот. Неговиот договор со кралскиот клуб истекува во 2025 година.

Довчерашниот тренер на Борусија Дортмунд го презема Галатасарај?

Поранешниот тренер на германска Борусија Дортмунд Марко Розе е фаворит за тренерското место во турски Галатасарај.

45-годишниот Розе го напушти клубот од Дортмунд по завршувањето на сезоната во Бундеслигата кон крајот на мај. Галатасарај заврши на 13. место во турскиот шампионат, со 29 бода помалку од Трабзонспор. По лошиот настап, гигантот од Истанбул бара нов тренер со кој ќе се врати на старите позиции.

Меѓу имињата за кои се разговара за тренер кој ќе го преземе Галатасарај следната сезона се Италијанецот Роберто де Черби, Хрватот Игор Тудор, Аргентинецот Марсело Гајардо и Турците Кенан Кочак и Окан Бурук. Со Марко Розе на кормилото, екипата на Борусија Дортмунд заврши на второто место во Бундеслигата оваа сезона, зад Баерн Минхен.

Емил Рајковиќ е нов тренер на ЦСКА Москва

Московјаните денес со официјална информација дека потпишаа договор со нашиот Емил Рајковиќ.

Емил Рајковиќ, тренер кој во последната сезона одлично го водеше Автодор од Саратов, ќе добие големо признание за својата повеќедецениска работа.

Со оваа промоција Рајковиќ го има најголемиот ангажман во кариерата.

Емил Рајковиќ е прогласен за најдобар тренер на ВТБ лигата во 2019 година, кога од клупата ја водеше Астана. На балканската кошаркарска публика и е најпознат како тренер на МЗТ Скопје во АБА лигата во сезоната 2016/17.

Садио Мане дефинитивно се сели во Баерн

Бројни спортски медиуми ја пренесуваат веста дека Ливерпул и Баерн Минхен постигнаа договор за трансферот на Садио Мане во баварскиот гигант.

Мане веќе ги договори личните услови и ќе потпише договор на три години. Како што се наведува во информациите, целата трансфер зделка ќе изнесува 41 милиони евра. Баерн веднаш ќе плати 32 милиони евра а остатокот ќе се исплаќа во вид на бонуси кои ќе зависат од бројот на настапи, како и од личните и тимските успеси.

Садио Мане на Енфилд помина шест години и вкупно постигна 120 гола на 269 натпревари.

ЕХФ го објави идеалниот тим на сезоната

Викендов започнува завршниот турнир во ракометната Лига на шампиони. По тој повод ЕХФ го објави идеалниот тим на сезоната во ова натпреварување.

Ол-стар тимот од клупата го предводи тренерот на Кјелце, Талант Душебаев. Голман е Никлас Ландин од Кил, крила се Гомез од Барселона и играчот на Фленсбург, Ване.

На бековската линија се најдоа Дика Мем од Барселона, како и играчите на Веспрем, Мае и Ненадиќ. Најдобар дефанзивен играч е Пекелер од Кил, а пикер е Камил Шипшак од ПСЖ.

За најдобар млад играч во ЛШ е прогласен Тобијас Грендал од Елверум.

Барселона пронајде замена за Пике

Екипата на Барселона преговара со дефанзивецот Жил Кунде од Севиља, за негов трансфер на Камп Ноу.

За неговите услуги од Барса се подготвени да издвојат 60 милиони евра. На 23-годишниот француски фудбалер се гледа како замена за Жерар Пике кој за екипата настапува од 2008 година.

Според информациите, 35-годишниот Пике не е воодушевен од идејата да биде резерва во екипата, но смената на генерациите во тимот е логичен потег на управата на клубот.

Тевез ја започнува својата тренерска кариера

Легендарниот аргентински напаѓач, Карлос Тевез неполн месец откако ја заврши својата играчка кариера, планира да започне со тренерска работа.

Медиумите во Аргентина пренесуваат дека 38-годишниот Тевез наскоро ќе седне на клупата на Розарио Централ.

„Одлучив и сакам да бидам тренер. Многу сум возбуден и со нетрпение ја очекувам новата кариера“, изјави Тевез пред медиумите.

Тимот на Розарио Централ освои само два бода во првите три кола од аргентинското првенство.

Англиските гиганти го сакаат Кукуреља од Брајтон

Челниците на фудбалскиот состав, Манчестер Сити, набрзо ќе ја испратат првата понуда за дефанзивецот на Брајтон, Марк Кукуреља, кој во претходната сезона одигра 35 натпревари и постигна гол против Манчестер Јунајтед.

Се верува дека Брајтон за потписот на 23-годишниот Шпанец бара најмалку 50 милиони фунти што не треба да претставува проблем за богатите сопственици на клубот од – „Етихад“.

За Кукуреља се заинтересирани уште неколку англиски екипи пред се Челзи и Тотенхем.

feature