Челните луѓе во италијанскиот гигант Милан, ќе се насочат кон доведување на Ренато Санчез од Лил, доколку преговорите со Франк Кеси дојдат до мртва точка.

Во моментов преговорите на „росонерите“ со менаџерот на Кеси се во застој бидејќи играчот инсистира на плата од 9 милиони евра, додека Милан останува на својата понуда од 6,5 милиони евра.

За Португалецот Санчез кој имаше одлична сезона во францускиот Лил со кого успеа да стане и шампион на Лига 1, е заинтересиран и лондонски Арсенал.

Фудбалскиот клуб Рома е блиску до доведување нa Ејнсли Мејтланд-Најлс, кој настапува за Арсенал.

Тренерот на Рома, Жозе Мурињо, одлично ги познава квалитетите на 24-годишниот играч и се надева дека реализацијата на трансферот ќе се случи многу брзо. 

Наводно, понудата на клубот од Италија би била Мејтланд-Најлс да пристигне во екипата од Рим како позајмен играч до крајот на сезоната, а потоа да биде откупен за 10 милиони евра.

Доколку играчот ја засили Рома, тој би бил третиот Англичанец во тимот на Мурињо, после Крис Смолинг и Теми Абрахам.

Шпанскиот весник „Марка“ информира дека Реал Мадрид има намера во јануари да продаде неколкумина свои играчи. Меѓу нив најчесто споменувани се Иско и Герет Бејл. Договорите на двајцата играчи со клубот од Мадрид истекуваат во летото 2022 година.

Останати фудбалери кои можат да се најдат на листата за јануарска продажба се Марсело, Маријано Дијаз, Лука Јовиќ и Еден Азар.

Од Реал Мадрид доаѓаат информации дека се отворени за разгледување на понуди за овие играчи.

„Кралскиот клуб“ со евентуална продажба на наведените фудбалери би собрал доволно финансии за летната трансфер кампања со која се планира доведување на нови засилувања во екипата.

Играчот од средината на теренот во екипата на Челзи, Жоргињо, постигна два гола од пенал при победата на неговиот тим над Астон Вила со 3:1, во рамките на 19.коло од Премиер лигата.

Репрезентативецот головите ги постигна во 34. и 93.минута од натпреварот и со десет голови од пенал реализирани во 2021 година, тој го собори рекордот на легендарниот Стивен Џерард кој за Ливерпул во 2014 година постигна 9 голови од белата точка.

Менаџерот на Манчестер Јунајтед, Ралф Рангник потврди дека 26-годишниот француски напаѓач сака да си замине од клубот.

„Ентони ми објасни дека е во Манчестер Јунајтед седум години и веќе чувствува дека е дојдено време за да направи промена. Можам да го разберам. Од она што го знам, додека немало понуди за него. Се додека нема интерес, тој ќе работи со тимот“, изјави Рангник.

Во редовите на Манчестер Јунајтед Марсијал дојде во 2015 година од Монако за сума од 60 милиони евра. Сезонава за Јунајтед Марсијал настапи на 10 натпревари и постигна еден гол.

Њукасл сериозно размислува да го ангажира напаѓачот на Барселона Осман Дембеле. Од Њукасл се подготвени на францускиот напаѓач да му понудат добра парична понуда за да дојде во тимот како слободен играч следното лето, објави „Мундо Депортиво“.

Според истите информации, Њукасл подготвува договор за 24-годишниот Дембеле со плата од 15 милиони евра по сезона, како и 15 милиони евра како бонус за потпис. Се наведува дека условите на Њукасл се подобри од оние на Барселона.

Дембеле оваа сезона имаше две асистенции во пет натпревари од шпанското првенство. Неговата пазарната вредност се проценува на 50 милиони евра.

Англиските медиуми ја пренесуваат информацијата дека постои можност Кристијан Пулишиќ да го напушти неговиот сегашен клуб Челзи.

23-годишниот Американец, пристигна во тимот од Лондон во 2019 како огромно засилување од Борусија Дортмунд. Меѓутоа од неговото доаѓање па до сега тој со своите игри не успеа да се наметне како кандидат за првата екипа. Тренерот на Челзи, Томас Тухел има голем број на играчи кои настапуваат на истата позиција со Пулишиќ, кои добиваат поголема минутажа на теренот од него. Поради оваа причина, играчот има план да прејде во клуб каде би бил стандарден играч со редовни настапи.

Наводен интерес за купување на Кристијан Пулишиќ покажуваат тимови од Бундеслигата како и италијанските великани Милан и Интер.

Италијанскиот калчолигаш Аталанта ќе го засилува тимот со доведување на играчот Џереми Бога од Сасуоло.

34-годишниот африкански играч од средината на теренот одлично би се вклопил во играта и тактиката на тренерот Гасперини, и се очекува тој да биде од голема корист во борбата на Аталанта за задржување при врвот од табелата во Серија А.

Џереми Бога е поранешен играч на лондонски Челзи, а неговите одлични игри во Сасуоло очигледно ја зголемија и неговата вредност на пазарот. Неговиот трансфер во екипата од Бергамо би изнесувал приближно 22 милиони евра.