Луис Суарез и две недели по неговиот 34. роденден потврди дека годините се само бројка, но и дека Барселона направи огромна грешка што го ослободи минатото лето.
Неговиот Атлетико, водечката екипа на Ла Лига, киксираше во 22. коло како домаќин ремизирајќи против Селта со 2:2, екипата од долниот дел на табелата, но Суарез повторно беше фантастичен.
Со двата гола за неговата екипа, Суарез дојде до 16 погодоци во првите 17 натпревари за Атлетико. Така, тој стана играчот кој најбрзо постигнал 16 погодоци во шпанската Ла Лига во 21. век.
Суарез го сруши досегашниот рекордер Кристијано Роналдо, кој во првите 17 натпревари за Реал во сезоната 2009/10, постигна 15 погодоци.
Со дватаа погодоци против Селта, Суарез стигна до 419 голови во својата клупска кариера, одигрувајќи 636 натпревари.

Милан игра одлично оваа сезона и се бори за Скудетото, па се очекува после неколку години конечно да се врати во Лигата на шампиони.
Раководството на „росонерите“ сака на лето да донесе нова ѕвезда во тимот, а прв на листата желби е Филипе Кутињо од Барселона. Бразилецот оваа сезона се врати на „Камп Ноу“ и добро ја отвори сезоната, но заработи тешка повреда и ќе биде надвор од терените до април.
Каталонците сакаат да го продадат на лето, а Милан е еден од најзаинтересираните клубови за неговиот потпис.

Атлетико Мадрид може да биде домаќин на Челзи на „Националната Арена“ во Букурешт. Во моментов во Шпанија е забрането да пристигнуваат патници од земјите со брзо распространета нова верзија на ковид-19, вклучувајќи ја и Велика Британија и таа забрана трае до 16 февруари. Доколку оваа мерка се продолжи, тоа може да влијае на пресметката со лондончани во осминафиналето во Лигата на шампионите која е закажана за 23 февруари.
Одлуката на владата за укинување или продолжување на забраната треба да се донесе денеска. Во Букурешт, Атлетико го освои својот прв трофеј под водство на Диего Симеоне, совладувајќи го Атлетик Билбао со 3-0 во 2012 година во финалето на Лигата на Европа.

Борусија Дортмунд веќе се помири дека ова лето ќе мора да го продаде Џејдон Санчо, но германските медиуми пишуваат дека може да им се случи егзодус на напаѓачите. Рафаел Гереиро, Џулијан Брандт и Џовани Рејна ја прават екипата од тројца напаѓачи, од кои најверојатно барем еден ќе го напушти клубот. Германскиот клуб е присилен да продава играчи како би ги покрил загубите, а се очекува истите поради пандемијата годинава да се искачат на 75 милиони евра. Сепак, најголемата ѕвезда на клубот, Ерлинг Халанд најверојатно нема да биде продаден до 2022. година, кога му се активира клаузулата според која може да си замине за 75 милиони евра.

М’Баје Нианг се сели во Саудиска Арабија. Поранешниот напаѓач на Милан, кого Болоња го бараше но не успеа да се договори во последните неколку дена од трансфер пазарот, е нов играч на Ал- Ахли. Ова го соопшти клубот доцна синоќа. Според извештаите на „Л’Екип“, договорот со Рен бил постигнат врз основа на заем за сума од околу 1,5 милиони со опција за купување. Нианг во последната сезона одигра 35 меча и постигна 11 гола во дресот на Рен.

Поранешниот селектор на Македонија, Никола Илиевски-Џиџи на една недела до почетокот на пролетниот дел од шампионатот на Македонија, седнува на кормилото на Вардар. Во обид да се пронајде спас на сезоната, Џиџи доаѓа во Вардар каде веќе од денеска ќе ги започне подготовките со преостанатиот тим кој го има на располагање за вториот дел од сезоната. Илиевски ќе биде именуван за нов тренер на екипата, а ќе му асистираат Бобан Грнчаров, Златко Таневски и Никола Глигоров. Вардар во првиот дел од сезоната финишираше на петтото место на табелата со 25 освоени бода.

Тимо Вернер има големи проблеми оваа сезона, Челзи летоска го плати 53 милиони евра и требаше да биде еден од ударните играчи на оваа млада и талентирана екипа. Сепак, германецот барем досега не ги оправда очекувањата. Во 21 лигашки настап сезонава има само четири погодоци, а највпечатлив дел од неговата досегашна кариера во Англија се бројните промашувања и лошите игри, поради што навивачите и медиуите се прашуваат дали неговото доведување беше вистинско промашување. Лошата форма на Челзи со отказ ја плати Френк Лампард, а новиот тренер Томас Тухел прави се да го врати Вернер во живот. Се појави видео на социјалните мрежи кое ги воодушеви навивачите на Челзи. На снимката од тренинг се гледа како Вернер постигнува погодок, а целата екипа му аплаудира и го охрабрува, обидувајќи се на тој начин да изрази поддршка во овие тешки голгетерски моменти за германецот.