Фудбалерот од средниот ред на Баерн, Серж Гнабри и покрај интересот од лондонски Челзи и Реал Мадрид, потпиша нов договор со Баерн Минхен, според кој ќе остане во клубот до летото 2026 година, објави италијанскиот новинар Фабрицио Романо на својот Твитер.

Германскиот фудбалер имаше само една година од договорот, а неговата иднина во Баерн беше доведена во прашање. Претходно беше објавено дека раководството на Баерн Минхен би можело да го отстрани 26-годишниот фудбалер од главниот тим доколку Гнабри не сака да го продолжи договорот.

Играчот од средниот ред, пак, сакаше да остане во тимот, но беше незадоволен од односот на раководството на Баерн. Гнабри се пресели во Баерн Минхен во летото 2017 година од Вердер Бремен. За Баерн на 171 натпревар постигна 64 гола и имаше 40 асистенции. Гнабри постигна 20 гола на 34 натпревари за репрезентацијата на Германија.

Еден од стрелците за Манчестер Јунајтед во победата над Мелбурн Виктори со 4-1, Скот Мектоминеј, рече дека тој и неговите соиграчи се прилагодуваат на стилот на работа на новиот менаџер Ерик тен Хаг.

„Сè уште учиме и се прилагодуваме на начинот на кој тој сака да правиме се на теренот“, изјави Мектоминеј, кој го постигна првиот гол за Манчестер Јунајтед на пријателскиот натпревар на австралиско тло.

„Сите момци се среќни и ние тренираме навистина напорно, а добар настап доаѓа со многу работа, радост е да се игра за Манчестер Јунајтед, а исто така и со новиот менаџер“, додаде 27-годишниот фудбалер.

Фудбалерот од Сенегал, Калуду Кулибали и официјално стана нов играч на Челзи со кој потпиша четиригодишен договор.

Досегашниот играч на Наполи е второ засилување на Челзи ова лето откако клубот го презедоа новите сопственици. Претходно на Стенфрод Бриџ пристигна Рахим Стерлинг.

Медиумите во Англија наведуваат дека трансферот е вреден 40 милиони евра.

„Челзи е голем тим во светскиот фудбал и мој сон беше да заиграм во Премиер лигата. Челзи за прв пат ме бараше во 2016 година но тогаш трансферот не се реализира. Сега повторно се обидоа да ме доведат и јас ја прифатив понудата бидејќи нивната желба да настапувам за нив беше навистина голема“, изјави Кулибали.

31-годишниот капитен на Сенегал играше за Наполи од 2014 година и за италијанскиот тим запиша 317 настапи.

Според медиумите од Италија, актуелниот шампион на Серија А, Милан, покажува сериозен интерес за потпис со македонскиот репрезентативец Елиф Елмас.

Според информациите, гигантот Милан до Наполи веќе испратил понуда за Елмас тешка 35 милиони евра. 

Голема е веројатноста челниците на Наполи да ја прифатат понудата и Елмас од наредната сезона да заигра на Сан Сиро во дресот на росонерите.

Марио Балотели се уште не заиграл во шпанската Ла Лига, но тоа може да се промени сезонава.

Според информација на италијанските медиуми, новоименуваниот тренер на Валенсија, Џенаро Гатузо е многу заинтересиран да го доведе Марио Балотели во клубот.

Според медиумите, италијанскиот тренер веќе го повикал Балотели за да се распраша за можноста, но засега нема индикации дека има некаков договор. Балотели моментално е под договор со турскиот прволигаш Адана Демирспор, а за него се распрашува и швајцарски Сион.

Милан е во потрага по квалитетен дефанзивец кој ќе биде замена за Ромањоли, кој го напушти тимот ова лето.

Неколку имиња се поврзуваат со трансфер на „Сан Сиро“, но сепак најконкретен интерес „росонерите“ покажуваат за дефанзивецот на ПСЖ, Абду Диало.

25-годишниот Диало е дефанзивец, но може да игра и како лев бек, па токму поради тоа е прв избор на „росонерите“. Малдини веќе започнал преговори со ПСЖ, кој е спремен да го продаде, и за неговата слобода бара 20 милиони евра.

Милан ќе се обиде да ја намали таа сума преку преговори, или да го донесе на едногодишна позајмица со право на откуп.

Новиот тренер на Париз Сен Жермен, Кристоф Галтие планира да се одрекне од 11 фудбалери во овој преоден рок, известуваат француските медиуми.

На трансфер листата се најдоа дефанзивците Леон Курзава, Абду Диало и Тило Керер, играчите за врска Леандро Паредес, Данило Переира, Идриса Гаје, Андер Ерера, Жоржињо Вајналдум и Ерик Ебимбе, како и напаѓачите Дракслер и Икарди.

Раководството на клубот од Париз за овие играчи претходно плати 282 милиони евра, а тие сега вредат нешто повеќе од 160 милиони евра.

Француските медиуми тврдат дека на трансфер листата го нема Нејмар, кој и наредната година ќе игра во ПСЖ.

Судот за спортска арбитража ја одби жалбата на Русија, „зборнајата“ и клубовите од Русија нема да можат да играат во натпреварување под капата на УЕФА и ФИФА.
Одлуката клупскиот и репрезентативниот фудбал на овие две земји да биде „замрзнат“ ќе продолжи да важи.

Покрај тоа, тие ја продолжија одлуката со која странските играчи во руските клубови имаат можност еднострано да ги раскинат договорите со клубовите до 30 јуни 2023 година.

Барселона го објави назначувањето на Рафаел Маркез за нов тренер на вториот тим на Каталонците.

43-годишниот Мексиканец потпиша двегодишен договор со каталонскиот клуб. Минатата сезона Барселона Б под водство на Серхи Бархуан заврши на 8-то место во 3-та дивизија.

Маркез е легенда на клубот, кој играше на „Камп Ноу“ од 2003 до 2010 година.