ПСЖ нема намера да го откупи договорот на Алесандро Флоренци, кој беше ангажиран во Рома на позајмица оваа сезона. Клубот ги смени своите планови за играчот откако Маурисио Покетино ја презеде функцијата главен тренер. Износот предвиден за договор на трајна основа е 9 милиони евра, кој ПСЖ не сака да ги плати за Флоренци. 30-годишниот Италијанец има одиграно 30 натпревари за парижаните, на кои има 2 гола и 1 асистенција.

Формирањето на Суперлигата од дванаесет клубови од три земји не наиде на позитивна поддршка од фудбалска Европа. Навивачите уште на стартот најавија бојкот, а УЕФА, пак, одма реагираше, воведувајќи нов натпреварувачки формат во Лигата на Шампиони. Новиот систем на натпреварување не му се свиѓа на германскиот репрезентативец на Илкај Гундонган, кој рече дека, УЕФА повеќе мисли на мечеви, отколку на играчите. „Покрај за Суперлигата, ве молам, отворено да поразговараме за новиот формат во ЛШ. Се повеќе и повеќе натпревари, морам да прашам, дали некој се грижи за нас, играчите? Новиот формат во ЛШ е помали зло од Суперлигата“, напиша на социјалните мрежи Гундонган. УЕФА во понеделникот објави дека од 2024 година ЛШ ќе се прошири од 32 на 36 клубови. Групната фаза ќе биде замената со лига, во која ќе учествуваат сите клубови. Осумте најдобри автоматски ќе играат во нокаут фазата, а од деветто до дваесет и четвртото место ќе играат плеј-оф натпревари за осумте места, кои преостануваат.

Менаџерот на Вулверхемптон, Нуњо Еспирито Санто одговори на гласините за негова наводна преселба на кормилото на Тотенхем. Оваa информација се појави на Островот по отпуштањето на Жозе Мурињо на почетокот на оваа недела. „Имам договор со Вулверхемптон. Го потпишав минатиот септември. Тоа беше моја одлука и се држам до неа. Само тоа можам да кажам”, изјави Санто за Мирор.

Миланските гиганти Интер и Милан на лето ќе водат битка за потписот на дефанзивецот на Манчестер Јунајтед, Ерик Баи. Солскјер е во потрага по нов дефанзивец, а тоа значи дека минутажата на Баи додатно ќе се намали, па самиот фудбалер побарал трансфер. Баи на лето влегува во последната година од договорот па тоа е последна шанса Јунајтед да заработи на неговото заминување. Ситуацијата внимателно ја следат миланските гиганти Интер и Милан и сакаат да го донесат дефанзивецот во Милано. Интер има одлична соработка со Манчестер Јунајтед и во последните години донесе четворица фудбалери од „Олд Трафорд“.

Матео Ковачиќ нема да може да му помогне на Челзи во првиот натпревар од полуфиналето помеѓу Челзи и Реал Мадрид кој се игра во вторник. Одличниот 26 годишен играч за врска има проблеми со повреда и ќе биде единствениот играч на лондонските „сини“ на кој менаџеот Томас Тухел не ќе може да смета. Не е познато кога Ковачиќ ќе се врати на теренот, но веројатно би го пропуштил и натпреварот против Фулам на (1 мај), но и реваншот против Реал Мадрид на „Стенфорд Бриџ (5 мај).

Легендата на Манчестер Јунајтед, Рајан Гигс го загуби статусот селектор и нема да ја предводи селекцијата на Велс на Европското првенство летово, откако покренато е обвинение за присилна контрола и напад на својата поранешна девојка, Кејти Гревил по караница во неговиот дом во Манчестер на 3 ноември. 47-годишниот Гигс беше уапсен по инцидентот, а денеска е обвинет за физички напад и за присилна контрола над Гревил од декември 2017 до ноември 2020 година, објави полицијата од Салфорд, Манчестер. За нападот, Гигс може да добие 6 месеци затвор и казна до 5.000 фунти, но посериозно е обвинението за контрола, за кое може да добие дури 5 години затворска казна. Гигс и Гревил беа заедно од 2017 година, осум месеци по разводот од сопругата Стејси, кога се дозна дека осум години ја мамел со сопругата на неговиот брат, Родри Гигс. Гигс паузираше три меча од селекторското место во Велс, но се врати на клупата после истрагата. Селекција на Велс на ЕВРО 2020 ќе ја предводи Роберт Пејџ.

Илија Несторовски се повреди и сезоната за него во Серија А е завршена, а во прашање се доведува и неговиот настап на Европското првенство. Италијанските медиуми пренесуваат дека Нестор се повредил на вчерашниот тренинг, станувало збор за повреда на коленото и во наредните денови ќе биде позната точната дијагноза. По прегледите ќе се знае дали станува збор за истегнување, оштетување или кинење на лигаменти, до тогаш ние ќе се надеваме на најдоброто сценарио, а тоа е да биде спремен да и помогне на Македонија на ЕП.

Францускиот прволигаш Бордо е ставен под административна контрола откако инвеститорите од Кинг Стрит ја повлекоа финансиската поддршка, објави Лига 1. Причината за нивната одлука е пандемијата на ковид-19 и прекинатата претходна сезона, што доведе до големи загуби на жирондинците. Финансиската криза во Бордо се засили по банкротот на „Медијапро“, кој ги имаше телевизиските права за рекордни 780 милиони евра за сезоната помеѓу 2020 и 2024 година. Шпанскиот медиумски гигант ги откажа финансиските придонеси минатата година. Бордо беше шампион на Франција во сезоната 2008/2009, но оваа сезона е во лоша форма и ситуација и сега е на 16-то место во Лига 1 со пет бода над линијата за испаѓање.

Тренерот на Арсенал, Микел Артета, проговори за состојбата на напаѓачот Пјер-Емерик Обамејанг, кој се опоравува од маларија. „Многу разговарав со него. Вчера за прв пат влезе на терен на тренинг. Тој сè уште е под медицински надзор. Тој претрпе сериозно заболување, имаше неколку тешки моменти. Ние сакаме да му помогнеме брзо да се опорави и да се врати во форма, бидејќи ни е потребен. Вчера изгледаше подобро. Се надевам дека кога ќе ја врати претходната тежина, која ја изгуби поради болест, ќе може целосно да тренира“, изјави Артета. Во тековната сезона на англиската Премиер лига, Обамејанг одигра 25 натпревари, на кои постигна 9 гола и 1 асистенција.