feature

Кулушевски го повика Ибрахимовиќ, се чека неговиот одговор

Фудбалерот на Јувентус, Дејан Кулушевски го повика Златан Ибрахимовиќ да му се придруши во репрезентацијата на Шведска на претстојното Европско првенство. Се почести се шпекулациите дека Ибрахимовиќ би можел да се врати од репрезентативната пензија, а на тоа се надева и фудбалерот на Јувентус. „Се допишуваме. Тој е мој идол, тешко е да се најде некој друг што има слична кариера како неговата. Кога ги слушам неговите пофалби, тоа значи дека морам уште повеќе да работам на тренинзите, а тоа ме прави горд.“ – вели Кулушевски. Потоа, тој го повика својот идол да се врати во државниот тим. „Се надевам дека ќе ни се придружи во репрезентацијата на Шведска на Европското првенство. Тоа би било преубаво за мене и за сите швеѓани. Ајде, Ибра!“ – заклучи Кулушевски.


Богдановиќ има скршена коска во коленото, го чека подолга пауза

Повредата на српскиот кошаркар од екипата на Атланта е сериозна и тој ќе мора подолго време да биде надвор од кошаркарските терени. Богдан Богдановиќ, доживеа тешка повреда на коленото на мечот со Шарлот, а според последните медицински наоди, тој има фрактура на коска во десното колено. Ваквата фрактура не бара оперативен зафат, но рехабилитацијата може да трае и до шест месеци. Сега останува да се почекатаат новите лекарски прогнози, по извесен период од повредата, сметаат експертите. Богдановиќ пред почетокот на сезоната се преслеи од Сакраменто во Атланта за четиригодишен договор вреден 76 милиони долари.


Погледнете каков неверојатен кош е постигнат во Шпанија

Во 17. коло од шпанската лига, Бургос како гостин славеше против Бетис со резултат 85:76, а на тој натпревар е постигнат неверојатен погодок. Пред крајот на третата четвртина при водство на Бургос од 62:59, кошаркарот на Бетис Џером Рендл имаше три секунди да шутира под притисок на противнички играч. Од скоро невозможна позиција, шутираше со една рака преку целиот терен и погоди за израмнување. Бетис по 18 одиграни натпревари е на 17. место со скор 4-14, додека Бургос е петти со 13 победи.


Лопетеги го продолжи договорот со Севиља

Актуелниот тренер на Севиља, Јулен Лопетеги, го продолжи договорот со тимот до 2024 година. Тренерот кој има најголем процент на освоени бодови на клупата на тимот од Андалузија, доби нова соработка која ја потпиша вчера. Лопетеги минатата сезона стигна во Севиља, и во првата сезона дојде до пехарот во Лигата на Европа, со што тимот обезбеди пласман во Лигата на шампионите, и се пласираше во осминафиналето каде што ќе игра против Борусија Дортмунд.


Против сите правила, Анчелоти носи ново засилување!

Познатиот бразилски фудбалер Фелипе Андерсон, би можел во текот на зимскиот трансфер период да заврши во Евертон, бидејќи за него постои голем интерес кај Карло Анчелоти, кој го познава уште од Серија А. Бразилскиот офанзивец во моментот е на позајмица во Порто од Вест Хем, а Анчелоти го гледа како решение на плејмејкерската позиција. Во случај на доаѓање на Гудисон Парк, некогашниот фудбалер на Лацио ќе биде замена за Бернард, кој полека ги пакува куферите за заминување. Целиот трансфер се компликува бидејќи Андерсон е на позајмица во Порто, но Анчелоти има надеж со оглед на тоа што бразилецот е во втор план на „Драгао“. Андерсон сезонава настапи за Вест Хем и Порто, а и понатаму важи правилото дека еден фудбалер не може да го носи дресот на три различни клубови во иста сезона, па на потег е ФИФА која ги релаксираше правилата во вакви ситуации поради КОВИД-19.


Роналдо на чекор да стане најголем на сите времиња!

Асот на Јувентус, Кристијано Роналдо со погодоко против Сасуоло се израмни по бројот на голови со Јозеф Бикан, најдобриот стрелец во историјата на фудбалот.
Роналдо во втората минута од судиското надополнување ја потврди победата против Сасуоло, а овој погодок го стави рамо до рамо со легендарниот чешки фудбалер, кој постигна 759 голови во својата кариера (730 во клупската и 29 во репрезентативната).
Португалецот против Сасуоло го израмни рекордот стар 66 години, а веќе против Интер во наредното коло од Серија А има прилика да влезе во историјата.
Роналдо има помалку голови од Бикан во клупска категорија, но е далеку поуспешен во репрезентативната.


ПСЖ изби во преден план за потписот на Погба

Пол Погба на крајот на сезоната дефинитивно ќе си замине од „Олд Трафорд“, објавија дел од медиумите во Англија.
Според наведеното, францускиот фудбалски интернационалец и член на Манчестер Јунајтед се наоѓа на списокот на желби на новиот тренер на ПСЖ, Маурицио Почетино. Аргентинецот побарал од „светците“ да ангажира неколку нови фудбалери а на листата било заведено и мето на Погба.
Иако имаше одредени шпекулации дека црномурестиот играч може да се врати во Јувентус, сепак пореална е опцијата тој да са врати во татковината и тоа на „Паркот на принцовите“.


Упамекано ставен на трансфер листа во РБ Лајпциг

Бундеслигашот РБ Лајпциг е подготвен да го продаде Упамекано доколку добие добра понуда, објавија медиумите во Германија.
Извршниот директор на клубот, Оливер Минцлаф, отворено изјави дека 22-годишниот централен дефанзивец ќе биде ставен на трансфер листата и дека за него се заинтересирани екипите на: Челзи, Баерн Минхен, Манчестер Јунајтед, Ливерпул, Барселона и Реал Мадрид.
„Имаме многу квалитетен состав. Мислам дека тоа е разумен финансиски потег. Кога ќе помислам на Вернер, Куња, Кеита и Деме, јасно е дека заработивме многу пари и напредувавме како тим“, нагласи Мицлаф.


Дембеле одбива нов договор, Барса пред нов проблем

Барселона се наоѓа во голем проблем, бидејќи може да го загуби Осман Дембеле без обештетување.
Имено, како што пренесуваат шпанските медиуми Дембеле одбил да го продолжи договорот, а во Барселона претпоставуваат дека ќе го почека истекот на договорот за да си замине како слободен играч.
Договорот на Дембеле со Барселона истекува на 30. јуни 2022 година, но тој наводно ги одбил сите можности за продолжување на соработката.
Уште има доволно време да се променат работите и во Барселона веројатно ќе се обидат да го направат тоа, во спротивно ќе го стават на продажба на крајот на сезоната.


„Кралевите“ ги сменија плановите, не се враќаат во Мадрид, туку патуваат за Малага

Реал Мадрид нема да се враќа во Мадрид и од Памплона ќе лета дирекно во Малага. Ова беше одлучено денес поради хаосот кој настана на аеродромите во поголем дел од Шпанија поради снегот.
Во саботата „кралевите“ играа против Осасуна и се надеваа дека ќе успеат да се вратат во Мадрид после завршувањето на мечот, но не добија одобрение.
Проблемот не е во аеродромот во Памплона, туку на тој во Мадрид, каде поради снегот авионите можат само да полетуваат, а не и да слетуваат.„Кралевите“ ќе останат во хотел, а во понеделник ќе летаат во Малага, каде во четврток ги очекува меч против Атлетик Билбао во Суперкупот.