Екипата на Удинезе соопшти дека го разреши од должноста досегашниот тренер на екипата, Лука Готи.
Одлуката за отказот паднала после поразот на домашен терен од Емполи со 1:3, со што Удинезе остана на само една победа во последните 13 кола од Серија А.
„Упатуваме искрена благодарност до нашиот досегашен тренер кој ја водеше екипата во претходниот период. Клубот му посакува се најдобро на Готи во неговата професионална кариера“, стои во соопштението на Удинезе.
54-годишниот Лука Готи беше тренер на Удинезе од 2019 година.
Мбапе: Лесно е да играш со Меси
Париз Сен Жермен оствари победа од 4:1 против Бриж во последниот натпревар од групната фаза во Лигата на шампионите.
Стрелци на по два гола за ПСЖ беа Килијан Мбапе и Лионел Меси а тимот од Париз обезбеди учество во осминафиналето од ЛШ.
По завршетокот на дуелот со гостите од Белгија, свое размислување даде и ѕвездата на тимот Килијан Мбапе.
„Лесно е да се игра со Лионел Меси, тој е најдобриот фудбалер во светот. Пред само неколку дена Ја освои Златната топка. Денес постигна два гола. Среќен е и се надевам дека ќе ни помогне во иднина”, изјави францускиот репрезентативец Мбапе за својот соиграч.
Нагелсман: Против Барселона ќе настапиме со најдобрите играчи
Тренерот на Баерн Минхен, Јулијан Нагелсман, изјави дека на натпреварот против Барселона ќе излезе со најдобриот состав кој го има на располагање. Со оваа изјава тој ги смири фановите на Бенфика кои стравуваа дека Нагелсман на вечерашниот натпреварот ќе игра со „втората“ постава на екипата.
Тренерот на „баварците“ поради повреди, нема да може да смета на Леон Горецка, Кимих, Гнабри и Чупо-Мотинг.
„Мануел Нојер и Роберт Левандовски ќе стартуваат против Барселона, не грижете се. Ќе одиграме најдобро што можеме“. порача Јулијан Нагелсман.
Американците најавија дипломатски бојкот на ЗОИ во Пекинг
САД соопштија синоќа дека нема да испратат владини претставници на Зимските олимписки игри (ЗОИ), закажани во периодот од 4 до 20 февруари идната година во Пекинг, по што Кина вети „контрамерки“ на таквиот дипломатски бојкот.
„САД објавија дипломатски бојкот на ЗОИ во Пекинг
Претседателот Џо Бајден минатиот месец изјави оти размислува за таков дипломатски бојкот како израз на критика за состојбата со човековите права во Кина, вклучувајќи го и тоа што официјален Вашингтон го нарекува „геноцид врз муслиманското малцинство во западната кинеска провинција Ксинџијанг“.
Администрацијата на Бајден нема да испрати дипломатски или официјални претставници на Зимските олимписки игри и Параолимписките игри во Пекинг 2022 имајќи го предвид геноцидот што се врши во Народна Република Кина и злосторствата против човештвото во Ксинџијанг, како и другите случаи на кршење на човековите права, изјави портпаролот на Белата куќа, Џен Пекси.
Портпаролот на кинеското Министерство за надворешни работи претходно денеска на брифинг во Пекинг повика поттикнувачите да не заговараат дипломатски бојкот на ЗОИ „со цел да не влијаат негативно врз дијалогот и соработката меѓу Кина и САД во важните подрачја“.
Инаку, САД треба да бидат домаќини на Летните олимписки игри 2028 во Лос Анџелес.
Николов со гол првенец во Лигата на шампиони
Членот на македонската фудбалска репрезентација, Бобан Николов постигна гол за Шериф Тираспол на гостувањето против Шахтјор во Лигата на шампиони.
Нашиот Николов влезе на натпреварот во второто полувреме кога резултатот беше 1:0 за домаќинот Шахтјор и може да се каже дека прикажа солидна игра во тимот на Шериф, која на крајот од натпреварот ја круниса со постигнување на гол за израмнување 1:1.
Тој во самиот финиш на натпреварот, односно во третата минута од судиското продолжување, прими топка пред противничкиот гол и со вешт удар успеа да ја смести во голот Шахтјор.
Бобан Николов и екипата на Шериф Тираспол, своето учество во Лигата на шампионите го заврши на третото место во групата Д, зад гигантите Интер и Реал Мадрид, со што обезбеди пласман во Лига Европа.
Жоао Феликс во јануари заминува од Атлетико Мадрид
Деновите на Жоао Феликс во Атлетико Мадрид се изброени.
Атлетико оваа сезона не бележи добри резултати, реална е шансата да испаднат од Лигата на шампиони, а во Примера моментално се на четврттото место на табелата.
Финансиската загуба од испаѓањето во Лигата на шампиони може да го натера клубот да продаде некои од своите играчи, а прв на листата е Жоао Феликс.
Португалецот падна во втор план кај Диего Симеоне откако пристигна Гризман, па неговата минутажа значително ќе се намали оваа сезона. „Јорганџиите“ за неговата слобода бараат најмалку 70 милиони евра, а неколку клубови веќе покажуваат интерес за Португалецот.
Жоао Феликс во 2019 година пристигна во Атлетико за рекорден трансфер од 127 милиони евра, но не ги опрадва очекувањата.
Вујовиќ: Овој натпревар мора да го победиме и ние и Загреб
Ракометарите на Вардар денес гостуваат во Хрватска против ППД Загреб во рамките на Лигата на шампионите.
Тренерот Веселин Вујовиќ вели дека ова ќе биде натпревар кој, како што рече „и тие и ние мораме да го добиеме“, бидејќи преку него ќе ги зголемиме шансите за пласман во осминафиналето.
„Нè очекува Загреб, една млада екипа која е комбинирана со искусни играчи, во прв ред Гојун, Муса, Чупиќ. Младите играчи навистина многу напредуваат, тука се Црнак, Радица, Вистороп. Ќе биде навистина тежок натпревар, доаѓаме и двата тима од некои позитивни ситуации, тие одиграа одлично во Монпелје, ние во Кил. Ова ќе биде натпревар кој и тие и ние мораме да го добиеме, бидејќи преку него ќе ги зголемиме шансите за пласман во осминафиналето“, изјави Вујовиќ.
Тренерот на „црвено-црните“ смета дека Вардар ја подигна играта.
„Мислам дека Вардар се крена, дека Вардар игра добро и дека дојдовме до моментот да играме натпревари кои се близу нашиот квалитет, Загреб, Мешков, Елверум и дека преку тие натпревари ќе извлечеме добар резултат и ќе ја оствариме целта, а тоа е пласман во следната рунда“, изјави Вујовиќ.
Ова е второ гостување во низа за Вардар, кое носи бодови важни за двата тима, а дуелот е закажан за вечерва во 20:45 часот.
Тен Хаг подготвен за нов предизвик, ја мерка клупата на Манчестер Јунајтед
Тренерот на Ајакс, Ерик тен Хаг е подготвен да преземе нов предизвик во кариерата и да води голем клуб од странство.
51-годишниот тренер беше споменуван како еден од фаворитите за нов менаџер на Манчестер Јунајтед од следното лето, кога му истекува договорот на привремениот тренер Ралф Рангник. Холанѓанецот призна дека е подготвен да прифати таква понуда.
„Мислам дека сум подготвен да одам во странски клуб. Со задоволство ќе пробам нов предизвик. Но, не го барам по секоја цена. Ако тоа никогаш не се случи, сепак не би ја кажал дека мојата кариера беше неуспех. Но, верувам дека ги имам потребните квалитети за да се справам со таква задача“, изјави самиот Ерик тен Хаг.
Тен Хаг го предводи Ајакс од декември 2017 година, а досега со клубот освои две титули во Холандија и два купа. На кормилото на гигантот од Амстердам има 139 победи од 188 натпревари.
Обамејанг без постигнат гол шест натпревари по ред
Пјер-Емерик Обамејанг пропушти да постигне гол на шест последователни натпревари во Премиерлигата, што е негова најлоша серија во оваа натпреварување.
Најдолгата серија без голови на интенационалецот од Габон беше 14 натпревари од февруари до август 2014 година, кога играше за Борусија Дортмунд.
Оваа сезона Обамејанг има 14 настапи во Премиерлигата, 4 гола и една асистенција. Последен пат капитенот на Арсенал постигна гол во 9. коло од шампионатот против Астон Вила на 22 октомври. Лондонскиот клуб тогаш победи со 3-1. По 15 кола, Арсенал се наоѓа на 7. место на табелата со освоени 23 бода, а синоќа загубија со 2-1 од Евертон, Обамејанг во финишот од натпеварот пропушти шанса да постигне гол за својата екипа за израмнување на резултатот.
Четири европски гиганти со интерес за Закарија
Екипите на Јувентус, Баерн, Барселона и Ливерпул покажуваат голем интерес за играчот на Борусија Менхенгладбах, Денис Закарија.
25- годишниот репрезентативец на Швајцарија, игра во извонредна форма од стартот на сезоната во Бундеслигата и со право го заработи интересот од овие клубски гиганти.
Договорот на играчот со Борусија Менхенгладбах истекува во јуни 2022 година и мали се шансите тој да го продолжи истиот. Големи е веројатноста Закарија да ја промени средината веќе во јануари.
Денис Закарија кој е играч од средината на теренот, од почетокот на сезоната настапи на 12 натпревари и постигна 2 гола и 1 асистенција.
