Напаѓачот на Барселона, Ансу Фати, може да се врати на терените во почетокот на февруари. Фудбалерот кој во ноември имаше операција на менискусот на левото колено може да биде подготвен да заигра и еден месец порано од предвиденото. Каталонците се надеваат дека Фати ќе може да се појави на мечот со Пари Сен Жермен во Лигата на шампионите. 18-годишниот Фати на стартот на сезоната одигра 10 меча и постигна 5 голови.

Џини Вајналду ја одбил и последната понуда на Ливерпул за продолжување на договорот и сега е на чекор поблиску до трансфер во Барселона. Оваа вест ја пренесоа шпанските медиуми, но и реномираниот Ливерпул Ехо, кој истакнува дека Вајналдум смета дека неговата етапа на Енфилд е завршена и негова желба е да се пресели во Барселона. Не е тајна дека Вајналдум е најголема желба на Роналд Куман, кој и летото сакаше да го доведе, но Барселона немаше средства да го реализира тој трансфер. Сега ситуацијата е поразлична, па Барселона може да преговара со Вајналдум и бесплатно да го доведе на 1. јули. Вајналдум има 30 години, еден е од клучните играчи кај Клоп, но смета дека ова му е последна шанса во кариерата за уште еден голем трансфер.

Славен Билиќ е нов тренер на кинескиот клуб Беижинг Гуан. Потпиша двегодишен договор и го наследи Бруно Генесио, на кого клубот му се заблагодари на својата официјална страна. Билиќ неодамна доби отказ на клупата на Вест Бромвич Албион, но не чекаше долго на нов ангажман. Кинескиот прволигаш минатата сезона ја заврши со пораз во полуфиналето, додека во азиската Лига на шампиони како првопласиран се пласираше во нокаут фазата. Не е познато колку ќе заработува Билиќ, но со оглед на договорите на другите европски тренери во Кина, сигурно во прашање е голема цифра. Хрватскиот тренер пред ВБА, ги водеше Вест Хем, Бешикташ, Ал-Итихад, Локомотив Москва, Хајдук, како и хрватската А репрезентација и У21 репрезентација.

Шпанското радио „Копе“ објави нови информации во врска со судбината на капитенот на Реал Мадрид, Серхио Рамос. Рамос лично испратил порака до новинарот Маноло Лама, а истиот ја објави во својата емисија на ова радио. „Не сум добил службена понуда од Реал Мадрид и мојата плата не е 15 милиони евра.“ – вели капитенот на Реал. Во емисијата беше објавено дека Рамос не се сретнал со претседателот Флорентино Перез пред натпреварот против Елче на 30. декември минатата година. За потсетување, АС во понеделникот објави дека Реал понуди едногодишен договор на Рамос со можност за продолжување на уште една година со намалување на платата. Рамос таа понуда наводно ја одбил, велејќи му на претседателот на Реал дека ќе ги сослуша понудите од други клубови, со оглед на тоа дека на лето ќе стане слободен играч. Сепак, Копе јавува дека Рамос нема да слуша други понуди и дека неговата желба е да се пензионира во дресот на Реал.

Германскиот фудбалски тренер, Томас Тухел, сака да се пресели во Премиер-лигата и да биде нов менаџер на Челзи доколку Франк Лампард заработи отказ поради серијата на лоши резултати. „Сините“ нанижаа неколку порази а медиумите на Островот шпекулираат дека челниците од „Стемфорд Бриџ“ ќе немаат друг избор и ќе мораат да се разделат со Лампард иако засега му даваат поддршка. Според германскиот весник, „Билд“, Тухел откако си заминa од ПСЖ сака брзо да се врати на работа и внимателно ја следи ситуацијата во Челзи.

Фудбалерот на Челзи, Кристијан Пулишиќ, не е задоволен од перформансите на тимот и затоа апелира до соиграчите максимално да се насочат кон наредните предизвици. „Се наоѓаме во тежок период. Тоа може да му се случи на секого. Сега треба да работиме. Нема да биде лесно, но, мора да покажеме карактер. Ни претстојат значајни натпревари кои мора да ги добиеме за да влеземе во добра серија”, потенцираше Пулишиќ.

Карлес Алења ќе се пресели во Хетафе на позајмица до крајот на сезоната, пренесуваат каталонските медиуми. Во договорот помеѓу двата клуба нема опција за откуп на играчот од страна на Хетафе, па сигурно ќе се врати на „Камп Ноу“ на крајот на сезоната. Алења минатата сезона шест месеци помина на позајмица во Бетис, се врати во Барселона, каде не добива голема минутажа. 23-годишниот играч за врска оваа сезона има одиграно само 170 минути, па и самиот инсистираше да ја промени средината во потрага по поголема минутажа.

Тренерот на фудбалерите на Арсенал, Микел Артета, ќе се обиде да го ангажира играчот на Реал Мадрид, Иско. Шпанецот не влегува во плановите на тренерот, Зинедин Зидан и најверојатно ќе добие зелено светло да си замине од „Сантијаго Бернабе“. Според најавите, лондончани првично сакаат да го ангажираат Иско како позајмен играч до крајот на сезоната а потоа и да му го откупат договорот. Артета токму во младиот фудбалер гледа идеален заменик на Месут Озил кој набрзо треба да го напушти стадионот – „Емирати“.