Најдобрата светска тенисерка Арина Сабаленка на импресивен начин го освои ВТА турнирот во Бризбејн. Во денешното финале, по речиси два часа игра, Сабаленка ја совлада Полина Кудерметова со резултат 2-1 во сетови.
Интересно, на патот до финалето Сабаленка не загуби ниту еден сет, а ги доби средбите против Рената Заразуа, Јулија Путинцева, Марија Бузкова и Мира Андрејева со по 2-0.
И прволигашот Воска Спорт донесе нови засилувања во зимскиот преоден рок. Како што објавија денеска од клубот, три нови имиња го засилуваат тимот од Охрид кој ќе се бори за опстанок во елитата.
Филип Валенчиќ, интернационалецот од Словенија кој има преку десет настапи за младинските репрезентации на Словенија е првото ново име во Воска, а со него пристигнаа и играчот за врска Туре Сира од Финска, како и Оива Лаксонен, кој што исто како и Сира доаѓа од Финска од екипата на Хака.
Англискиот шампион Манчестер Сити подготвува изненадувачка понуда за дефанзивецот на Јувентус, Николо Савона.
Пеп Гвардиола и неговиот тим се заинтересирани за бекот и ќе направат се за да го обезбедат неговиот потпис во текот на зимскиот преоден рок.
Дефанзивниот настап на Сити оваа сезона беше кошмар. „Граѓаните“ примија вкупно 27 гола, повеќе од која било друга екипа во Топ 6 во Премиер лигата.
Се чини дека клубот се подготвува да се раздели и со искусниот Кајл Вокер, кој најверојатно ќе се упати во Саудиска Арабија, ако не во јануари, тогаш секако по крајот на сезоната.
Луѓето во клупската телевизија на Реал Мадрид имаа навистина големи испади за време и по натпреварот во кој критикуваа за црвениот картон на Винисиус Жуниор.
Реал Мадрид во 80. минута остана со играч помалку откако Винисиус го удри нашиот Столе Димитриевски и заработи исклучување. До крајот Реал сепак постигна два гола преку Модриќ и Белингем и ја победи Валенсија со 2:1.
Во клупската телевизија на „кралевите“ исклучувањето на Винисиус го сметаат за удар врз клубот, па дури и побараа веднаш раководството да се повлече од лигата.
„Клубот треба веднаш да се повлече од лигата, првенството е одвратно. Секоја посета на овој стадион носи некаков циркус. Вакви работи му се случуваат само на Реал Мадрид, целиот систем е против нас. Вечерва ја победивме Валенсија и покрај оваа валкана игра, сами против сите“, објави клупската телевизија.
Мајами Хит го суспендираше Џими Батлер на седум натпревари, откако нивната ѕвезда на прес-конференција јасно стави до знаење дека сака да го напушти клубот.
Батлер тврди дека ја изгубил радоста да игра под обрачите и може да ја врати само на друго место.
„Сакам да ја вратам радоста од играњето кошарка. Среќен сум овде надвор од теренот, но би сакал повторно да бидам доминантен, да играм и да му помогнам на тимот да победи, а не го правам тоа во моментов”. рече Батлер, а на новинарско прашање дали може да си ја врати радоста од играњето во Мајами, одговори: „Мислам дека не е така“.
Хит го суспендираше Батлер на седум натпревари поради „повторените случаи на однесување штетно за тимот во текот на сезоната, особено во последните недели“, известува инсајдерот Шамс Шаранија. Толку време помина откако почнаа гласините дека Батлер сака да замине. Здружението на играчи на НБПА ја нарече одлуката на Хит „прекумерна и несоодветна“ и најавија жалба. За време на суспензијата, Батлер ќе загуби 2,35 милиони долари или 336.543 долари по пропуштен натпревар.
Атлетико Мадрид релативно се измачи за да го исфрли третолигашот Марбеља (0-1) во шеснаестинафиналето на Купот на кралот.
Избраниците на Диего Симеоне само со еден гол се радуваа на гостувањето кај ривалот кој се натпреварува во третиот ранг на шпанскиот фудбал.
Човек на одлука беше Антоан Гризман. Французинот во 16 минута од средбата ја проследи акцијата и по ударот на Симеоне ја дочека одбиената топка и ја претвори во гол за 0-1. Атлетико успеа да го одбрани ова водство и на крајот се пласира меѓу шеснаесетте најдобри.
Бразилецот Касемиро пристигна во Реал Мадрид како големо засилуваање, но не ги оправда очекувањата на „Олд Трафорд“ и сега е пред заминување.
Според последните информации Касемиро до крајот на овој месец би можел да ја промени средината. Најавите се дека ќе следи трансфер во Саудиска Арабија каде и што би ја заврши кариерата.
Од друга страна Манчестер јунајтед на тој начин би се ослободил од неговата голема плата која изнесува 350.000 фунти неделно, што секако е големо оптоварување на клупскиот буџет.
Се поврзуваше Касемиро со преселба и во летниот преоден рок, меѓутоа на крајот остана на „Олд Трафорд“.
Екипата на Тотнем загуби на домашен терен против Њукасл (1-2), а натпреварот го одбележа спорен момент.
Њукасл дојде до израмнување откако украдената топка дојде по игра со рака на Жоелинтон. Потоа тој додаде до Гимараеш, а на крајот акцијата во гол ја претвори Гордон.
По натпреварот своето незадоволство не го криеше тренерот Анге Постекоглу кој не сакаше директно, ама индиректно кажа сè што требаше за судењето.
„Навистина сум лут, мислам дека никогаш досега не сум бил вака лут во кариерата. Одигравме фантастично, меѓутоа останавме со празни раце. Капа до под за моите фудбалери. Знам што посакувате сите да кажам. Сепак, само ќе го искоментирам ова. На било кој друг ден, во фер услови и сè беше регуларно – ќе победевме“, изјави Постекоглу.
Поранешниот светски шампион на 100 метри и освојувач на два олимписки медали, американскиот атлетичар Фред Керли е приведен по расправија со полицајци во Мајами.
Инцидентот се случил додека полицијата работела на случај, а Керли се приближил до областа и се обидел насилно да влезе во своето возило, кое било паркирано во близина.
Полицијата тврди дека Керли „се обидел насилно да помине низ двајцата полицајци“ и покрај нивните барања тој да ја обиколи областа. На снимката од камерите на телото објавена од полицијата на Мајами Бич се гледа како американскиот спринтер со својата девојка се расправа со група полицајци. Неговото однесување станувало сè поагресивно, што доведе до пресметка со полицијата.
Четворица полицајци се обиделе да го приведат Керли, кој пружил отпор, па полицијата употребила тизер за да го смири.
„И покрај напорите на полицајците да ја деескалираат ситуацијата, пријавениот заземал борбен став и продолжил да ги игнорира нивните законски наредби. Кога полицајците се обиделе да го уапсат, тој активно им се спротивставил“, соопштија од полицијата.
Керли е обвинет за злоставување, отпор на полицаец и непристојно однесување, а неговата девојка Клео Рахман, диџеј позната како Dj Sky High Baby, исто така се соочува со обвинение за давање отпор на полицаец. „Ова изгледа како целосно недоразбирање“, изјави неговиот бранител Јеил Санфорд за локалните медиуми.
„Господин Керли е спортист кој соборува рекорди. Тој се натпреваруваше на Олимпијадата, тој е модел на граѓанин во нашата заедница. Ова не е ништо повеќе од преголема реакција на полицијата“, додаде тој.
Керли освои бронза на 100 метри на Олимпијадата во Париз минатата година и сребро на Олимпијадата во Токио. Тој исто така освои шест медали на Светските првенства, вклучувајќи го и светското злато на 100 метри во 2022 година во Јуџин.
Според медиумите на Островот, во случај Мохамед Салах навистина да си оди од „Енфилд“ тогаш Ливерпул и тоа како ќе тргне по ѕвездата на Баерн Минхен, и тоа по Лирој Сане.
На германскиот репрезентативец во јуни му истекува договорот со “баварците“ па така тој во Ливерпул би дошол бесплатно што се однесува до отштетата.
Сане е добра опција за “Редси“ и поради фактот дека офанзивецот веќе играше во Премиер-лигата и тоа во Манчестер Сити од 2016 до 2020.
