feature

Се повеќе заразени во НБА, се воведуваат нови правила!

НБА лигата одложи уште два натпревари поради коронавирусот. Синоќа требаше да играат Далас и Њу Орлеанс, а вечерва Чикаго и Бостон. Претходно, беше одложен и натпреварот помеѓу Мајами и Бостон.
Според протоколот на НБА, натпревар ќе се одигра ако една екипа има минимум осум кошаркари на располагање, а Далас и Бостон тоа го немаат, бидејќи мнозинството од екипата им е заразена или во изолација.
Раководството на лигата е загрижено поради се поголемиот број на кошаркари кои се позитивни на коронавирусот, но не размислуваат за прекин на натпреварувањето. Поради тоа, се разговараше со генералните менаџери на сите НБА клубови за воведување на нови правила.
ЕСПН тврди дека ќе се воведат нови забрани кои ќе се однесуваат на тренинзите, загревањето, дружењето на играчите пред и по натпреварите, на поздравите помеѓу нив, како и на задолжителното носење на маски во салите.

Дракслер е сонот на Малдини за зимскиот преоден рок на Милан

Германските медиуми пренесуваат дека Милан е силно заинтересиран за ѕвездата на ПСЖ и германски репрезентативец, Јулијан Дрекслер.
Милан е во потрага по засилување на крилните позиции, а една од најголемите желби на „росонерите“ е токму Јулијан Дрекслер. Германецот не добива голема минутажа во Париз покрај Нејмар и е спремен да ја промени средината.
Милан сака да ја искористи таквата ситуација, а познато е дека Леонардо е во одлични односи со својот поранешен клуб и со претседателот на ПСЖ.

Маркус Турам се сели кај „граѓаните“ на Гвардиола!?

Напаѓачот на Борусија Мехенгладбах, Маркус Турам го привлече инетресот на европските гиганти.
„Билд“ пренесува дека на лето неколку европски гиганти ќе се борат за потписот на 23-годишниот напаѓач.
Ливерпул ова лето покажа интерес за Турам, но „црвените“ на крајот се одлучија да се насочат кон Диого Жота од Вулверхемптон. Меѓутоа следното лето конкуренцијата за неговиот потпис ќе биде многу голема.
„Билд“ тврди дека главната битка за потписот на Французинот ќе ја водат Манчестер Сити и Милан.

Македонија со победа ги отвори квалификациите за ЕП

Нашите најдобри одбојкари со победа ги стартуваа квалификациите за Европското првенство. Тие во СЦ Борис Трајковски во Скопје славеа против селекцијата на БИХ со 3-1 по сетови: 27-25, 25-21, 23- 25, 25-19.
Во првиот сет аутсајдерот во групата пружи силен отпор и моравме да се измачиме за стартна предност. Во вториот рутинирано дојдовме до 2-0 , но, во третиот попуштивме а противникот тоа го искористи за да внесе неизвесност во мечот. Во последниот сет Македонија одигра колку што требаше за да ги прокнижи првите бодови. Утре ние сме слободни додека в среда од 18:00 часот ќе излеземе на мегдан со фаворизираната Турција.
Двата турнир од групата Ц ќе бидат во Скопје во краток временски период бидејќи Данска се откажа од учеството. Пласман на ЕП ќе обезбеди вкупниот победник во групата како и петте најдобри второпласирани селекции од седумте квалификациски групи.

Бонер потшиша за израелскиот Елуџир Рамла

Девана Бонер, најголемиот адут на нашата женска селекција во обидот да се стигне до победа во февруарскиот квалификациски циклус, се сели во Европа.
Искусната Американка со македонски пасош, се согласи на договор со израелската екипа Елицур Рамла, и во 2021 година ќе игра во ФИБА Евро Купот.
Уште подобра опција за стручниот штаб на нашиот женски национален тим, ако се земе в предвид „близината“ на Израел, но и натпреварувачката форма во која ќе биде Бонер пред последните две квалификациски средби во „балонот“ во Рига.
Инаку, Елицур Рамла е водечката екипа во израелската женска кошарка. Во овој момент имаат максимални седум победи во исто толку одиграни натпревари. Но со помош на Бонер, и нејзините американски колешки Тифани Мичел и Бетанија Лејни, очекуваат напад и на титулата во Еврокупот.

Победа во првиот меч на Лина Ѓорческа во новата година

Нашата најдобра тенисерка на ВТА листата, Лина Ѓорческа, успешно ја започна новата сезона. Таа во 1. коло на ИТФ фјучерсот во Хамбург, Германија, успеа да ја победи италијанката Татијана Пиери со 2-1 по сетови (1-6, 6-2, 10-2).
Ѓорческа во наредната рудна ќе ги одмери силите со домашната претставничка, Ела Шајдел, која патем кажано доби „вајлд-карта“ за да настапи на турнирот.
Победникот од тој меч ќе си обезбеди место во главната шема на собирот во Хамбург кој се игра за награден фонд од 25.000 американски долари.

Нема ниту еден настап, а Гвардиола го нарекува капитен!

Се сеќавате ли на Скот Карсон? Тој веќе втора сезона по ред е трет голман на Манчестер Сити. Тој се пресели во Манчестер како позајмен играч од Дерби Каунти, а Пеп Гвардиола сака да го задржи 35-годишниот чувар на мрежата во својата екипа, што дојде како изненадување за многумина, бидејќи англичанецот нема ниту еден настап за клубот. Карсон е резерва на бразилецот Едерсон и американецот Зек Стефен, но шпанскиот стратег тврди дека Карсон е важен за низа други причини. „Имаме еден играч, голман кој ни е многу важен. Тоа е Скот Карсон. Тој е капитен зад сцената. Не се провлекува низ медиумите, го нема на теренот, но во соблекувалната тој е како капитен. Тој е важен за нас и се надевам дека ќе остане уште долго.“ – вели Гвардиола. Во својата кариера, Карсон бранеше за Лидс, Ливерпул, Шефилд Венсдеј, Чарлтон, Астон Вила, ВБА, Бурсаспор, Виган и Дерби.

Леверкузен купува во Манчестер, позната и цената

Младиот фудбалер на Манчестер Јунајтед, Тимоти Фосу-Менса е на чекор од трансфер во германски Баер Леверкузен за обештетување од милион и пол фунти, пренесуваат англиските медиуми. Холандскиот фудбалер, кој може да покрива повеќе позиции во дефанзивната линија, неодамна одби да го продолжи договорот со клубот поради слабата минутажа кој ја добива сезонава. 23-годишниот фудбалер роден во Амстердам, пристигна како тинејџер во младинската категорија на Јунајтед од Ајакс, за првиот тим дебитираше уште во февруари 2016. година кога едвај беше полнолетен, а досега собра 30 настапи за тимот на Солскјер.
Во последните пет години колку што поминаа откако дебитираше за првиот тим, беше позајмуван на Кристал Палас и Фулам.

Кулушевски го повика Ибрахимовиќ, се чека неговиот одговор

Фудбалерот на Јувентус, Дејан Кулушевски го повика Златан Ибрахимовиќ да му се придруши во репрезентацијата на Шведска на претстојното Европско првенство. Се почести се шпекулациите дека Ибрахимовиќ би можел да се врати од репрезентативната пензија, а на тоа се надева и фудбалерот на Јувентус. „Се допишуваме. Тој е мој идол, тешко е да се најде некој друг што има слична кариера како неговата. Кога ги слушам неговите пофалби, тоа значи дека морам уште повеќе да работам на тренинзите, а тоа ме прави горд.“ – вели Кулушевски. Потоа, тој го повика својот идол да се врати во државниот тим. „Се надевам дека ќе ни се придружи во репрезентацијата на Шведска на Европското првенство. Тоа би било преубаво за мене и за сите швеѓани. Ајде, Ибра!“ – заклучи Кулушевски.

Богдановиќ има скршена коска во коленото, го чека подолга пауза

Повредата на српскиот кошаркар од екипата на Атланта е сериозна и тој ќе мора подолго време да биде надвор од кошаркарските терени. Богдан Богдановиќ, доживеа тешка повреда на коленото на мечот со Шарлот, а според последните медицински наоди, тој има фрактура на коска во десното колено. Ваквата фрактура не бара оперативен зафат, но рехабилитацијата може да трае и до шест месеци. Сега останува да се почекатаат новите лекарски прогнози, по извесен период од повредата, сметаат експертите. Богдановиќ пред почетокот на сезоната се преслеи од Сакраменто во Атланта за четиригодишен договор вреден 76 милиони долари.

«< 1472 1473 1474 1475 1476 >»