Маурисио Покетино е во потрага по играчи со кои дополнително би го засилил Париз Сен Жермен откако го презеде францускиот клуб, а најголемото име кое се поврзува со клубот од Париз секако е Лионел Меси.
Меѓутоа, во приказната влегува уште еден аргентинец. Станува збор за Серхио Агуеро, напаѓачот на Манчестер Сити. Така барем тврди фудбалскиот менаџер Бруно Сатин, кој тоа го изјави за францускиот медиум Канал +.
Засега, се чини дека Агуеро нема да добие нов договор од Сити, па ПСЖ доколку навистина е заинтересиран, би можел да го доведе целосно бесплатно.

Чекор по чекор, темелно и без премногу брзање, Руд ван Нистелрој продолжува да ја гради својата тренерска кариера. Далеку од јавноста тој работи како асистент во ПСВ, клуб во кој се грижи и за играчи до 18 години.
Руд апсорбира знаење и го собира искуството што еден ден ќе му биде потребно кога ќе заземе работа како главен тренер. Во клубот во кој експлодираше и од каде го направи својот прв меѓународен трансфер во Манчестер Јунајтед, Ван Нистелрој прави чекор напред кон нова кариера.
Ван Нистелрој од следната сезона ќе го преземе клупскиот У21 тим, каде го чекаат многу лица кои тој веќе ги предводеше.

Црвена Звезда овој јануари би можела да добие големо засилување.
Имено, желба на српскиот клуб е Квадво Асамоа. Левиот бек од Гана после раскинувањето на договорот со Интер во октомври минатата година е слободен агент.
Најдобрите денови од кариерата Асамоа ги помина во Јувентус со кој освои шест скудета, но како член на „старата дама“ имаше неколку тешки повреди.
Искусниот 32 годишен играч претходно го носеше дресот на Удинезе од 2009 до 2012. Платен на Белинцона беше еден милион евра, а подоцна продаден на Јувентус за 18.

Месут Озил веќе некое време е на излезните врати од Арсенал бидејќи не е во плановите на Микел Артета, но се уште не го пронајде клубот во кој ќе ја продолжи кариерата.
Голем проблем кога е заминувањето во прашање претставува неговиот договор од 350 илјади фунти неделно кој трае до 2023. година, па германецот не мора да се брза со промена на средината.
Сепак, англискиот „Сан“ пишува дека Озил е подготвен да го напушти клубот, доколку Арсенал се согласи до 2023. година да ја исплаќа онаа разлика до 350 илјади фунти која останува кога некој од заинтересираните клубови ќе му понуди договор. Никој не може да го плати, но тој се надева дека Арсенал би можел да помогне.
Се верува дека Озил ќе потпише со турски Фенербахче договор на три и пол години, а Фенербахче за него ќе извои 10 милиони евра.

Фудбалскиот клуб Чорли го постигна најголемиот успех во историјата на клубот. Англискиот шестолигаш се пласираше помеѓу најдобрите 32 екипи во ФА Купот, откако со 2:0 го елиминираше Дерби Каунти во третото коло.
Последен пат клуб од шестата лига во таа фаза се пласираше во 2008. година, кога Хавант беше поразен со 5:2 од Ливерпул, а за Чорли многу коцки се поклопија да стигне до тој успех.
Имено, целата екипа на Дерби Каунти остана во изолација поради коронавирусот, па на теренот беа јуниори кои лесно беа совладани од „постарите“ момци на Чорли.
По победата тие со песна прославија, а го избраа големиот хит на Адел „Someone Like You“, па воодушевија многумина со изведбата. На Твитер, ова видео има повеќе од шест милиони прегледи.

Џеси Лингард е отпишан во Манчестер Јунајтед, па е во потрага по нов клуб каде би можел да ја продолжи својата кариера, а како што јавуваат англиските медиуми, тоа би можел да му го понуди италијански Интер.
Антонио Конте прави се што може да се ослободи од Кристијан Ериксен во овој трансфер рок, а добрите односи на Јунајтед и Интер се забележуваат и во претходните трансфер како оние на Санчез, Јанг и Лукаку, па италијаните се надеваат дека по истата линија би можеле да го доведат и Лингард.
Не е познато дали би се работело за позајмица или трансфер, но сигурно е дека Лингард веќе не е фудбалер на кого Солскјер сериозно смета, па трансферот би требало да ги задоволи трите страни.

Главна трансфер цел на Милан следното лето ќе биде напаѓачот на Торино, Андреа Белоти. Милан во 2017 година понуди 60 милиони евра за Белоти, но Торино тогаш ја одби понудата и напаѓачот се уште го носи дресот на „биковите“. Торино оваа сезона се бори за опстанок, а Белоти е единствена светла точка во тимот, но веќе го известил раководството дека сака да ја промени средината. Познато е дека Белоти е голем навивач на „росонерите“, а Милан се уште покажува интерес за неговиот потпис.

Мадридски Атлетико оваа сезона е главен фаворит за титулата во шпанската лига. Тимот на Диего Симеоне игра фантастично. Први се на табелата со два натпревари помалку од конкуренцијата, а во остатокот од сезона ќе влезат уште посилни. Нов играч на шпанскиот великан наскоро треба да биде напаѓачот на Лион, Муса Дембеле. Преговорите за негов трансфер се блиску до реализација и се треба да завршено многу брзо. Дембеле во Атлетико ќе дојде на позајмица до крајот на сезоната, а Јорганџиите ќе имаат опција за откуп на неговиот договор по крајот на сезоната.