feature

Меси му се „поклони“ на големиот Луис Скола

Лионел Меси се огласи по повод крајот на репрезентативната кариера на Луис Скола.

Легендарниот кошаркар во својата 41. Година одлучи да стави крај на играњето за националниот тим и да им ја препушти шансата на помладите. Луис Скола е вистинска легенда на Аргентина, не само поради спортските успеси, туку и поради однесувањето кон дресот.

Меси за него имаше само пофални зборови.

„Твојата импресивна кариера те претвори во голем претставник на аргентинскиот спорт и целиот свет. Ти благодарам“, гласи пораката на Меси.

Лукаку побарал Интер да ја прифати понудата на Челзи

Напаѓачот на Интер и репрезентацијата на Белгија, Ромелу Лукаку, би требало да се врати во Челзи во овој преоден рок.

28-годишниот фудбалер се обратил до раководството на Интер со барање да ја прифатат понудата на лондонскиот клуб. Интер веќе двапати ја одби понудата од Челзи, но сумата од 110-120 милиони евра може да ги убеди. Претходно беше објавено дека Лукаку се договорил личните услови со Челзи со плата од 15 милиони евра годишно. Тоа е двојно повеќе од неговата плата во Интер.

Ромелу Лукаку му припаѓаше на Челзи од 2011 до 2014 година, а игра за Интер од 2019 година. Минатата сезона, напаѓачот одигра 36 натпревари во Серија А, постигна 24 гола (шест од пенал) и даде 11 асистенции.

Охриѓани ги започнаа подготовките за новата сезона

Ракометниот клуб Охрид со тренинг и состанок официјално ги стартуваше подготовките за новата сезона во Супер лигата.

„Гладијаторите“ деветтата сезона во суперлигашкото друштво ќе ја започнат со мали измени но значајни измени во ростерот. Нови ракометари се Алекса Петровиќ (десен бек), Мице Шилегов (десно крило), Филип Грубор (пивот) и Никола Ристески кој е приклучен од младинските категории. Ростерот ќе биде затворен со голман кој ќе му прави друштво на Јагош Брауновиќ.

„Најпрво да ви посакам добро здравје, а потоа добра и успешна сезона со РК Охрид. Ќе одиме чекор по чекор, ќе работиме по план и програма, опфаќајќи ги сите сегменти“, им се обрати на ракометарите тренерот Раде Стојановиќ.

Стојановиќ рече дека екипата ќе одигра пет или шест контролни средби со македонски екипи. Ако испадне прилика клубот ќе отпатува на некое гостување каде ќе се одигра двомеч со екипа од странство.

Финалето во Токио ќе го суди македонскиот судиски тандем Начевски-Николов

Финалниот дуел во ракомет на Олимписките игри во Токио ќе се одигра во утре, Сабота помеѓу Франција и Данска. Но, покрај атрактивноста на овој натпревар она што за нас е многу позначајно е тоа што македонска судиска двојка ќе го суди финалето.
Ѓорѓи Начевски и Славе Николов се избрани за главни судии на финалето на машкиот ракомет во Токио.

Ова е огромно признание за најдобриот македонски ракометен судиски тандем. Тоа не им успеало ниту на Марјан и Драган Начевски.

Начевски и Николов беа дел и од Олимписките игри во Лондон 2012 и Рио 2016, а финалето во Токио го добиваат веднаш по финалето на Европското првенство кое исто така беше под нивна арбитража.

Туанзебе од Манчестер Јунајтед се сели на „Вила Парк“

Астон Вила ја доби битката со Њукасл за 23-годишниот играч на Манчестер Јунајтед, дефанзивецот Аксел Туанзебе. Според информациите кои беа објавени, Астон Вила ќе го земе играчот на позајмица.

Во исто време, Манчестер Јунајтед ќе го продолжи договорот со фудбалерот до 2023 година. Туанзебе претходно играше на позајмица во Астон Вила во 2018/2019 година.

Во завршената сезона на англиското првенство, Туанзебе одигра 9 натпревари за Манчестер Јунајтед (4 во стартниот состав) и доби два жолти картони. Порталот Трансфермаркт го проценува играчот на 8 милиони евра.

Баерн купува уште еден фудбалер од РБ Лајпциг

РБ Лајпциг нема да го задржи играчот за врска Марсел Забицер, за кого Баерн е сериозно заинтересиран.

Според одредени натписи во медиумите, РБ Лајпциг е подготвен да го пушти својот капетан да оди во Баерн Минхен доколку платат 15-18 милиони евра. Марсел Забицер е капетан на РБ Лајпциг. Игра за германскиот клуб од 2014 година. Во текот на кариерата, тој ги бранеше и боите на РБ Салцбург, Рапид и Адмира.

Договорот на Марсел со Лајпциг важи до летото 2022 година. Минатата сезона играчот од средниот ред учествуваше на 27 натпревари од германската Бундеслига, во кои постигна осум гола (четири од пенал) и даде три асистенции.

Ремзи е можна замена за Чалханоглу во Милан

Милан продолжува да се поврзува со разни имиња за позицијата плејмејкер по заминувањето на Хакан Чалханулу во градскиот ривал Интер.

Според „Газета дело Спорт“, најновото можно засилување на оваа позиција е Арон Рамзи од Јувентус. Репрезентативецот на Велс пристигна во клубот како слободен играч пред две години и никогаш не успеа да стане клучен играч за тимот. За ова се одговорни и неговите чести повреди.

„Бјанконерите“ се надеваат дека ќе се засилат со Мануел Локатели од Сасуоло и Миралем Пјаниќ од Барселона на средината на теренот и ќе се обидат да се ослободат од големата плата на 30-годишниот играч, чиј договор е до 2023 година. Осто така постои опција Милан д аго добие Рамзи на позајмица од Јувентус, но во последните денови се пишува дека Милан може д аго привлече Никола Влашиќ од ЦСКА Москва, Иско од Реал Мадрид и Хамес Родригез од Евертон.

Баерн постигна согласност за нов договор на Кимих

Џошуа Кимих ќе го продолжи договорот со Баерн Минхен. По неколкумесечни шпекулации на оваа тема, универзалниот фудбалер е подготвен да потпише нов договор со германскиот гигант.

Договорот ќе биде 5 години, а платата на Кимих ќе се зголеми двојно. Во моментов, германскиот репрезентативец добива 10 милиони евра, но со новиот договор неговата плата ќе биде еднаква на онаа на Томас Милер и Мануел Нојер, а само Роберт Левандовски ќе добива поголема плата.

Самиот Кимих никогаш немал намера да го напушти Баерн. За него цело време приоритет беше да се договори со клубот за нов договор. Последниот дел од разговорите ќе се одржи во понеделник. Минатата сезона, Кимих одигра 27 натпревари во Бундеслигата, постигнувајќи 4 гола и 10 асистенции.

Јованоска деветта на олимпискиот карате турнир

Македонската каратистка Пуликсенија Јованоска рано наутро го имаше својот настапот на Летните Олимписки Игри (ЛОИ) во кати, но не успеа да ја помине првата рунда откако во својата група каде имаше пет учесници заврши како петта.

Нашата каратистка на ЛОИ во Токио дојде благодарение на „вајлд-карта“ и настапи во карате кој кој за првпат беше на едни ЛОИ, успеа да освои вкупно 23.80 поени за првата ката и уште 24 поени за втората ката, по што се извади просек од 23.90, кој, за жал, не беше доволен за да се мине првиот круг во групата. Пуликсенија Јованоска, во вкупниот пласман заврши на претпоследното место во конкуренција на десет натпреварувачки.

Милан му ја нуди капитенската трака на Симон Кјаер

Симон Кјаер доби понуда од клубот за нов договор. Неговиот актуелен договор со „росонерите“ истекува во јуни 2022 година.

Сепак, искусниот централен дефанзивец брзо стана важна фигура за тимот предводен од Стефано Пиоли. Милан понуди зголемена плата на 32-годишниот Данец, од 1,2 на 1,5 милиони евра, објави „Газета дело Спорт“. Покрај тоа, Кјаер е фаворит за капитенската лента.

Капитенот Алесио Ромањоли често остануваше на клупата по трансферот на Томори на „Сан Сиро“ во јануари. Симон Кјаер се приклучи на Милан во јануари 2020 година, и досега има одиграно 58 натпревари и 1 гол за Милан.

«< 1482 1483 1484 1485 1486 >»