Бразил одби опција за игра пријателски меч со Русија
Директорот на Бразилската фудбалска конфедерација, Фабио Сеишас објави дека оваа јужноамериканска репрезентацијата нема планови да игра против руската репрезентација во 2026 година.
„Таков натпревар не е во нашата програма, бидејќи веќе имаме закажано пријателски натпревари со европски репрезентации на стадионите во САД во март и јуни следната година, што ќе биде дел од подготовките за Светското првенство. Натпревар со руската репрезентација е невозможен“, изјави Сеишас.
Истиот извор посочи дека во моментов нема преговори меѓу Бразилската фудбалска конфедерација и Рускиот фудбалски сојуз.
Руската репрезентација и клубови имаат забрана за меѓународни натпревари од ФИФА и УЕФА од февруари 2022 година. Оттогаш, руската репрезентација игра само пријателски натпревари.
Ертел поднесе тужба против Барселона
Сè се случи во првите денови од тековната календарска година, кога Ертел практично се договорил за сите услови со Барселона, но веднаш по слетувањето во Каталонија, го пречекале непријатни вести бидејќи клубот го прекршил својот збор.
За да ја прифати понудата од Барселона, Ертел го одбил Асвел поради што и решил да го тужи клубот од Каталонија.
Од друга страна, Барселона инсистира дека не е формализиран никаков договор меѓу двете страни, односно дека нема докази дека клубот го измамил играчот. Овие тврдења кошаркарот ќе мора да ги докаже на суд.
Како што е наведено, првото рочиште треба да биде закажано наскоро.
Тарковски доби нов договор во Евертон
Централниот дефанзивец на Евертон, Џејмс Тарковски, потпиша двегодишно продолжување на договорот со клубот, со што ќе остане во клубот до јуни 2028 година, соопшти клубот.
32-годишниот дефанзивец се приклучи на Евертон во 2022 година со слободен трансфер од Барнли и има 128 настапи во сите натпреварувања.
„Среќен сум што продолжувам да играм за Евертон. Беа луди неколку години, со подеми и падови. Поминавме низ многу и се надевам дека ќе има уште позитивни работи што доаѓаат“, беше изјавата на Тарковски за веб-страницата на клубот.
„Ги покажуваме нашите амбиции од почетокот на оваа сезона. Нашиот менаџер има јасна идеја што треба да направиме. Нашите резултати и нашите перформанси се подобруваат и сите се движиме во иста насока. Потпишав нов договор затоа што сакам да бидам дел од тоа“, додаде Тарковски.
Суспензија за Конор Мекгрегор
Поранешниот шампион во мешани боречки вештини на УФЦ, Конор Мекгрегор, беше суспендиран на 18 месеци поради кршење на антидопинг правилата. Ирецот пропуштил три допинг тестови.
Телото за антидопинг на боречките спортови соопшти дека иако Мекгрегор не бил достапен, тој се опоравувал од повреда и не се подготвувал за претстојната борба.
„Мекгрегор целосно соработуваше со истрагата, ја прифати одговорноста и обезбеди детални информации за кои утврдивме дека придонеле за пропуштените тестови.
Како резултат на тоа, стандардната казна од 24 месеци беше намалена за шест месеци“, се вели во соопштението.
Од студентска клупа до работно место – приказната на Анамарија со програмата за стипендисти на КС Групација
Замислете да сте студент кој сонува за успешна кариера, а уште додека студирате ви се отвораат вратите кон вистински работни искуства. Тоа не е само идеја, туку реалност што веќе третата година по ред ја нуди КС Групација преку својата Програма за стипендисти – во соработка со образовните институции.
Програмата на КС Групација им овозможува на најдобрите студенти не само финансиска поддршка за време на студиите, туку и летна пракса во една од нашите компании. Таму, теоријата од факултетските клупи се претвора во реална практика – со вистински луѓе, вистински проекти и вистински предизвици. А најдобрите приказни не завршуваат со праксата – тие продолжуваат со вработување.
Интервју со Анамарија – од студент до дел од тимот на Евротип
На кој факултет студираше и во која насока?
“ Студирав на Меѓународен Славјански Универзитет, на Факултетот за економија и организација на претприемништво, насока менаџмент и претприемништво.”
Колку од тоа што го учеше на факултет успеа да применеш во пракса?
“ Голем дел од теоретското знаење што го стекнав на факултет ми помогна полесно да се вклопам во практичната работа.”
Какво беше чувството првиот ден во Евротип и како изгледаше твоето искуство за време на праксата?
“ Првиот ден бев возбудена и со мала трема, но тимот на Евротип многу топло ме пречека и ми помогна брзо да се прилагодам. За време на праксата имав можност да се запознаам со реалното функционирање на една голема компанија,со различни оддели и процеси. Секој ден носеше нови предизвици и нови знаења.”
Што најмногу научи и што ти остави најсилен впечаток?
“ Најмногу научив колку е важна тимската работа и комуникацијата во една компанија. Секој вработен има своја улога и кога сите заедно функционираме како тим, резултатите се далеку подобри. Најсилен впечаток ми остави професионалниот однос и посветеноста на колегите, кои и покрај големиот обем на работа секогаш беа подготвени да помогнат.”
Како изгледаше процесот од пракса до вработување?
“ Процесот од пракса до вработување беше многу мотивирачки. За време на праксата имав можност да се запознаам со работните процеси и со тимот на компанијата, а исто така работев и на реални задачи. Тоа ми помогна побрзо да се прилагодам и без проблем да продолжам како дел од тимот.”
Во кој сектор работиш денес и која е твојата улога во компанијата?
„Работам во маркетинг секторот, каде што сум одговорна за анализа и следење на резултатите од кампањите. Тоа ми овозможува секојдневно да ги применувам аналитичките вештини што ги развив за време на студиите.“
Што би им порачала на идните стипендисти кои ќе ја започнат својата пракса преку програмата на КС Групација?
“Би им порачала да бидат отворени за нови искуства. Практичната работа е најдобар начин за учење и развивање на вештини кои не се стекнуваат од книги. Да бидат посветени, активни и да ја искористат оваа можност максимално, затоа што праксата може да им отвори врати кон нивната идна кариера.”
Порака до идните генерации
Приказната на Анамарија е доказ дека младите таленти имаат простор да растат и да блеснат тогаш кога ќе им се даде вистинска шанса. А ние во КС Групација веруваме дека вложувањето во младите е најдобрата инвестиција за иднината – и на компанијата, и на заедницата.
Затоа, ако сте студент кој сака да го претвори учењето во искуство, аплицирајте. Можеби токму вашата приказна ќе биде следната што ќе ја раскажеме.
КС Групација – семејство на компании
КС Групација е динамична и растечка бизнис заедница составена од повеќе компании кои делуваат во различни области:
Компаниите што ја сочинуваат КС Групација се: Агроброд, Евротип, Голд Слот Клуб, Голд Фелициа, Премиум Сејфти Солушн, 77 Софт и 77 Ентертејмент.
Наместо само програма, ова е патување. Наместо само пракса, ова е приказна што веќе пишува нови поглавја.
Македонија до 17 години одигра реми против Унгарија на квалификацискиот турнир
Македонија до 17 години го започна квалификацискиот турнир со реми против Унгарија 2-2, во меч во кој двапати се враќаше од негатива и покажа голем карактер во борбата за пласман меѓу двете најдобри селекции во групата.
Унгарците први дојдоа до водство во 23. минута преку Ноел Полонкаи, но нашите млади репрезентативци не се предадоа. До крајот на првото полувреме, по една мешаница во шеснаесетникот, најдобро се снајде Јаков Стојковски и ја испрати топката во празната мрежа за 1-1.
На почетокот од второто полувреме капитенот на Унгарија, Левенте Бошзе, со прецизен удар од слободен удар повторно донесе предност за својата селекција. Сепак, избраниците на Влатко Колев покажаа карактер и во 67. минута дојдоа до ново израмнување. Исламовиќ одлично асистираше со атрактивно додавање до Мартин Џангаровски, кој смирено реализираше за конечни 2-2.
Во второто коло, во сабота, Македонија ќе се сретне со Чешка, која во првиот натпревар убедливо го совлада Гибралтар со 13-0.
Македонија: Амин Суловиќ, Никола Митев, Марко Иванов, Грегоријан Михајловски, Филип Цветковски, Бленди Љачка, Андреј Цветковски, Мартин Џангаровски, Васко Папалиски (Лука Кнежевиќ 63’), Јаков Стојковски (Ердин Мамути 90’), Фадил Исламовиќ (Михаил Митревски 90’).
Битола трет домаќин на ракометниот караван на РФМ
Ракометната федерација на Македонија сака да го доближи овој спорт до најмладите. Затоа организир Ракометниот караван кој се очекува да ја обиколи земјата. Првиот настан беше во Охрид, а следниот (14 октомври) е во Прилеп.
Сега од ракометната централа информираа дека третата дестинација ќе биде Битола. Градот на актуелниот македонски првак и претставник на Македонија во Лигата на шампионите ќе биде домаќин на караванот на 18 октомври (сабота). Централниот настан кој ќе започне во 14:30 часот ќе биде закажан за во салата „Боро Чурлевски“.
Како главни гости на караванот ќе бидат актуелните лидери на Еурофарм Пелистер, капитенот Филип Кузмановски и искусниот голман Николче Митревски, како и голманската легенда Гордана Нацева.
Нашата федерација најави дека во следниот период ќе ги открие следните дестинации на караванот.
Реал размислува да го промени името на стадионот
Реал Мадрид размислува за промена на името на својот стадион, „Сантијаго Бернабеу“.
Според изданието, името на стадионот може да се скрати на „Бернабеу“, со што ќе се отстрани името на легендарниот фудбалер, тренер и претседател на шпанскиот тим, Сантијаго Бернабеу. Овој потег би го направил името на стадионот полесно за запомнување, што би довело до проширена база на навивачи и финансиски раст за брендот. Сепак, некои членови на клубот и навивачи ја отфрлаат кратенката.
За потсетување, во 2019 година започна реконструкцијата на арената на Реал Мадрид, при што беа потрошени над 1,3 милијарди евра. Реновираниот стадион има капацитет за 85.454 гледачи.
Деко: Оваа Барса не е така енергична како ланската
Спортскиот директор на Барселона, Деко, го критикуваше тимот за прикажаните игри во тековната сезона.
Перформансите на Барселона не се како минатата сезона кога ја освоија Ла Лига.
„Не сме така добри и енергични како што изгледавме минатата сезона. Ние сме тим кога работиме заедно и тешко е да не победат затоа што имаме квалитет. Но, ако мислиме дека класата е поважна од напорната работа, ние сме во проблеми. Не можам да им кажам на луѓето што да очекуваат. За да ја освоите титулата во Лигата на шампионите или да се натпреварувате за неа, прво мора да се покажете најдобро што можете. Имаме потенцијал да се натпреваруваме. Пред две или три години, главната цел беше повторно да се натпреваруваме и да обезбедиме стабилност. Бидејќи нема смисла да се освои трофејот без континуитет. Можеби, со поголемо почитување на финансискиот фер-плеј, можевме да направиме повеќе трансфери, но тоа не беше приоритет. Бидејќи идејата е да се има основа“, изјави Деко.
Каталонскиот фудбалски гигант по осум кола во Ла Лига е втор со 19 бода, два помалку од лидерот Реал Мадрид.
Во Лигата на шампионите, Барселона е 16-та со една победа и еден пораз по првите две кола.
Турски судија ќе го води дуелот Белгија – Македонија
Македонската фудбалска репрезентација отпатува за Белгија, веќе е во Гент каде ќе го одигра својот шести натпревар од квалификациите за Светското првенство 2026 година.
За натпреварот во Гент главен судија ќе биде турскиот арбитар Халил Умут Мелер,
Негови асистенти ќе бидат сонародниците Абдура Бора Озгара и Берсан Дуран, додека четврти судија е Али Палабијик.
По пет одиграни натпревари, Македонија се наоѓа на врвот на табелата со освоени 11 бодови.
