Огромна парична казна на Форест заради објава на социјални мрежи
Фудбалската асоцијација на Англија го казни Нотингем Форест со 750.000 фунти поради објавата што клубот ја направи на социјалната мрежа Х на натпреварот со Евертон во претходната сезона.
На официјалниот профил на Форест по крајот на натпреварот пишуваше следново: „Три крајно лоши одлуки – три пенали не беа досудени, што е едноставно недозволиво. Го предупредивме Судискиот комитет (PGMOL) пред натпреварот дека судијата на ВАР (во овој случај Стјуарт Атвел) е навивач на Лутон, но тие не го заменија.
Според ФА, текстот претставува „напад на судискиот интегритет од невидени размери“ а Атвел е жртва на неодговорниот пост на Форест.
Одегард ќе паузира дури до декември заради повредата на зглобот
Главниот организатор на играта на фудбалскиот состав Арсенал, Мартин Одегард, има потешка повреда и веројатно ќе паузира до последниот месец во годинава, најавија денеска медиумите во Англија.
Играчот од средниот ред заработи повреда на зглобот на мечот на Норвешка против Австрија во септември.
Тој од почетокот на сезоната одигра само три натпревари во Премиер лигата. Очигледно неговото закрепнување оди побавно од очекуваното.
Ериксен во јануари заминува од „Олд Трафорд“
Данскиот играч за врска Кристијан Ериксен индиректно потврди дека најверојатно ќе го напушти Манчестер Јунајтед. Договорот на играчот е само до крајот на сезоната а тој самиот изјави дека се уште не се разговарало за негово продолжување.
„Имам одредено искуство во фудбалот. Ако ја имате брзината, експлозивноста, способноста за трчање и се останато, тогаш мислам дека нема голема разлика помеѓу 29 и 32 години“ – вели Ериксен.
Тој со неговата Данска деновиве ќе игра против Шпанија и Швајцарија.
Милан состави листа на засилувања за оваа зима
Челниците на фудбалскиот состав Милан, планираат да ангажираат најмалку три нови имиња во текот на зимскиот трансфер период.
Првото име е Андреас Сков Олсен од Бриж кој има искуство во Серија А кога играше за Болоња. Потоа се разгледува можноста и за Ноа Ланг од ПСВ Ајндховен и за Исмаила Сар од Кристал Палас. Во исто време се претпоствува дека Чуквуезе, Окафор и Јовиќ ќе бидат понудени на трансфер-пазарот.
Тројцата не влегуваат во плановите на тренерот, Фонсека и затоа ќе мора да побараат друга средина.
Промоција на програмата за стипендирање на студенти на КС групација на правниот факултет – Битола
На 9 октомври 2024 година, претставници на КС Групација, вклучувајќи ја Елена Трајчевска – раководител на секторот за маркетинг, Томислав Дивјакоски – раководител на правниот сектор и Марија Бошевска – специјалист за човечки ресурси и координатор на програмата за стипендирање на студенти и средношколци, ја презентираа програмата за стипендирање пред студентите на Правниот факултет во Битола.
Оваа програма претставува клучна можност за младите студенти и средношколци да добијат финансиска поддршка за нивното образование, практично искуство и можност за вработување после завршувањето на образованието. Програмата за стипендирање и практиканство на КС Групација нуди уникатни придобивки, меѓу кои финансиска помош која ги покрива трошоците за школување, можност за учество во практикантски програми во рамките на групацијата, како и шанса за развивање на практични вештини преку работа во различни сектори на компанијата.
КС Групација со оваа иницијатива покажува висока општествена одговорност и искрена посветеност кон поддршката на образованието и развојот на младите луѓе. Компанијата не само што вложува во професионалниот раст на своите вработени, туку и активно работи на создавање на можности за младите генерации да се едуцираат и да напредуваат. Преку вакви иницијативи, КС Групација покажува дека е не само економски, туку и општествено одговорна компанија која активно придонесува кон развојот на заедницата.
Ретко кој очекуваше дека Чехот Томаш Махач ќе може да направи
сензација, но на крајот успеа да слави против Шпанецот, Карлос
Алкараз.
Уште од самиот старт на мечот беше јасно дека Махач ќе биде
незгоден противник за фаворитот во овој дуел. Иако во мечот
влезе нервозно, промашувајќи три последователни форхенди,
многу лесно најде ритам и не дозволуваше на Алкараз да го
наметне својот ритам.
Во првиот сет не видовме ниту еден брејк, па победникот се
решаваше во тај-брејк каде што Махач беше поуспешен.
Во вториот одлучувачки сет дојде до брејк со 2-1 кој во наредниот
сет го потврди, а Алкараз успеа да возврати со израмнувањето на
3-3. Одлучувачкиот брејк чешкиот тенисер го направи за водство
од 6-5 и во продолжение на свој сервис само го заврши мечот за
полуфинале во Шангај.
Џонатан Та прв пик за одбраната на Реал
Луѓето од Реал Мадрид ги направиле првичните контакти со претставниците на фудбалерот, Џонатан Та, пренесоа дел од медиумите во Шпанија.
„Кралевите“ се соочуваат со многу повредени играчи и затоа сакаат да обезбедат квалитетни засилувања. Се претпоставува дека евентуалниот трансфер на фудбалерот на Баер Леверкузен, може да се случи во зимскиот период.
Та во сезонава има одиграно четири средби. Неговата трансферна сума е околу 30 милиони евра.
Заради фалсификуван пасош Реал губи две титули?
Шпанскиот кошаркарски тим Реал Мадрид се соочува со сериозни проблеми поради нивниот поранешен кошаркар Маркус Слотер, кој наводно играл за екипата со фалсификуван пасош.
Шпанските власти објавиле налог за апсење на поранешниот кошаркар на „кралевите“ во сезоната 2014/15“, а поради тоа Реал би можел да изгуби пехари во Ендеса лигата и Купот на Кралот.
Медиумите пишуваат дека Слотер би можел да добие и 16-месечна затворска казна доколку на суд се потврди дека е виновен.
Доколку биде потврдена вината на Слотер, тогаш „кралевите“ би можеле да ги изгубат двете титули, кои би ѝ припаднале на Барселона.
Били Барон означи крај на професионалната кариера
Американскиот кошаркар Били Барон објави крај на својата кариера. Берон минатата сезона ја мина во Милано каде поради повреди одигра само три натпревари, а неодамна реши да замине Шангај шаркс и кариерата да ја продолжи во Кина, но се чини дека нема да остане таму.
Били Берон е син на Џим Барон, познатиот тренер НЦАА тренер и помлад брат на некогаш одличниот бек шуте Џими Берон. Били Берон ја започна својата колеџ кариера во Вирџинија.
Во Европа покрај за Црвена звезда и Милано, играше и за Литвос Ритас, Шарлоа, Мурсија, Ескишехир и Зенит Санкт Петербург.
Алисон скоро два месеци надвор од терените
Ливерпул ќе биде без првиот голман Алисон Бекер до крајот на репрезентативната пауза во ноември, откако се вратија тестовите за повредата што ја заработи при победата од 1-0 на гостувањето кај Кристал Палас викендов. Бразилскиот интернационалец беше принуден да го напушти натпреварот на Селхурст Парк поради проблем со тетивата. „Тајмс“ пишува дека поради сериозноста на проблемот тој нема да се врати на терените до крајот на репрезентативната пауза следниот месец. Позитивната вест е дека Алисон најверојатно ќе се врати навреме за натпреварите од Лигата на шампионите со Реал Мадрид на „Енфилд“ на 27 ноември и гостувањето кај шампионот Манчестер Сити на 1 декември.
