Шпанскиот гигант Реал Мадрид, а особено главниот тренер Карло Анчелоти, сакаат да го купат дефанзивецот на Наполи, Калиду Кулибали, пренесува „Фудбал Италија“.
Се пишува дека Наполи не е подготвен да се раздели со Сенегалецот за сума под 60 милиони евра. Реал Мадрид има потреба од нов искусен дефанзивец по продажбата на Рафаел Варан во Манчестер Јунајтед. Кулибали е на листата на приоритетни цели за Реал Мадрид. Договорот на Кулибали трае до јуни 2023 година.
30-годишниот фудбалер беше интересен и за ПСЖ, Манчестер Јунајтед, Манчестер Сити и Евертон. Кулибали е во Наполи од 2014 година. Пред тоа, тој играше за белгиски Генк и француски Мец. Минатата сезона Кулибали учествуваше на 26 натпревари од италијанската Серија А.
Вајли: Да ја однесеме Македонија во светските квалификации!
Даниел Џејкоб Вајли е повторно во Скопје и што е најважно, како што и самиот вели, максимално подготвен го чека приклучувањето во тренажниот процес со останатите свои репрезентативни соиграчи.
Од моментот кога си замина кон САД, се случија доста работи. Најважната беше промената на играчката средина. По играњето во Гран Канарија, следуваше преселба во Сарагоса. А ова лето, играњето во црвениот дрес го замени со она во „сино-белиот“ на екипата на Будуќност од Подгорица.
„Реков пред некое време, полека но сигурно станувам ‘балканец’. Претходно добив македонски пасош, сега ќе играм за екипата на Будуќност од Подгорица, тоа е доста блиску до Скопје, и искрено ме радува што е така. Решив да играм во екипа која има одличен тренер, исто таков ростер, која секогаш се стреми да биде при врвот на европската кошарка. Ќе играме во Еврокупот, во АБА лигата во националниот Куп и шампионат. Тоа се доста обврски, но подготвен сум за новиот предизвик“- вели Вајли по слетувањето на скопскиот аеродром.
Но, за нас многу поважен е оној претквалификациски предизвик. Да бидеме подобри од селекциите на Швајцарија и на Словачка.
„Свесен сум за тежината која со себе ја носи играњето во дресот на националниот тим на Македонија. Би додал дека подготвен го дочекувам влегувањето во сала. Тоа ќе биде само продолжение- континуитет на мојата индивидуална работа која ја реализирав во изминатиот период во некои ‘домашни услови’. Пред себе си поставив една цел, заедно со соиграчите да ја однесеме Македонија во оној поважен сегмент од квалификациите за Светскиот куп“.
ПСЖ ќе го позајми Алфонс Ареола во Вест Хем
Голманот на ПСЖ, Алфонс Ареола, кариерата ќе ја продолжи во англиската Премиер лига.
Французинот ќе оди во Вест Хем Јунајтед на позајмица. Договорот ќе вклучува опција за откуп на 28-годишниот голман. Договорот на Ареола со Парижаните важи до 30 јуни 2023 година. Трансфермаркт го проценува голманот на 17 милиони евра.
Алфонс Ареола потекнува од школата на ПСЖ, а од 2013 година, голманот настапуваше со позајмица во Ленс, Бастија, Виљареал и Реал Мадрид. Ареола играше за Фулам минатата сезона каде бранеше на 36 натпревари во Премиер лигата, на кои прими 48 гола.
Српскиот претседател се сретна со Дарко Панчев
Претседателот на Србија, Александар Вучиќ, кој е во официјална посета на нашава земја, вчера имаше средба со легендарниот македонски фудбалер, Дарко Панчев.
Првиот човек на нашиот северен сосед објави фотографија со вардаровата икона, која со белградска Црвена Ѕвезда стана европски и светски шампион и воедно ја освои престижната награда -„златна копачка“ на Европа.
„Со македонската и југословенската легенда Дарко Панчев. Чест ми е што можев да се сретнам со голем шампион“, објави Вучиќ на социјалните мрежи.
Расел Вестбрук се сели во Лејкерс!
Расел Вестбрук од наредната сезона ќе настапува за Лос Анџелес Лејкерс. Веста ја пренесува и официјалната страница на лигата, додавајќи кој ќе се пресели во спротивен правец.
Вестбрук, кој беше најкорисен играч во лигата во 2017. година и кошаркар кој четири сезони, вклучувајќи ја и минататата во Вашингтон, завршуваше со просек трипл-дабл, ќе биде потврден како нов играч на Лејкерс по 6. август, кога се може да стане официјално.
Познато е дека во спротивен правец ќе одат Кајл Кузма, Кентавиус Колдвел-Поуп, Монтрезл Харел и Ајзеа Џексон, како и 22. избор од драфтот одржан синоќа.
Леброн Џејмс и Ентони Дејвис со оваа размена добија соиграч со кој ќе можат да се надеваат веќе наредната сезона повторно да атакуваат на титулата.
Абрахам ставен на трансфер пазарот, Арсенал е заинтересиран
Младиот 23-годишен напаѓач на Челси, Тами Абрахам би можел да го промени клубот ова лето само доколку некој од заинтересираните плати 40 милиони фунти.
Ова е одлуката на управата на „Сините“ од Лондон, откако Абрахам побарал да биде ставен на трансфер листата.
За неговите услуги сериозен интерес има од Арсенал, но и од Тотенхем во случај Кејн да го напушти клубот до крајот на летниот преоден рок.
Абрахам е незадоволен од статусот во Челси и бара итна преселба во екипа каде ќе добива поголема шанса.
Евертон спремен да слуша понуди за Ричарлисон
Англискиот фудбалски состав Евертон може да го продаде во текот на летово, Ричардсон, кој влегува на радарот на Реал Мадрид, објавија неколку медиуми во Шпанија.
„Кралевите“ сакаат да го донесат 24-годишниот фудбалер на „Сантијаго Бернабе“ иако Евертон одреди висока трансферна цена од 90 милиони евра.
Ричардсон одигра прилично слаба сезона со скромни 13 гола на 40 мечеви во сите конкуренции. Напаѓачот на Бразил деновиве настапува на Олимписките игри во Токио.
Тешки преговори, но Баерн не се откажува од Горецка
Актуелниот шампион на Германија, Баерн Минхен се уште верува дека ќе го задржи Леон Горецка во тимот и наредната сезона.
Преговорите за нов договор се во тек, моменталната соработка со креативецот завршува во јуни идната година и поради ова репрезентативецот на Германија е достапен на трансфер пазарот за 30 милиони евра.
Горецка има понуди од повеќе тимови од Премиер лигата и од Серија А, но „баварците“ уверуваат дека тој и Кимих наскоро ќе потпишат нови договори и со тоа ќе стават крај на сите шпекулации.
Премиер лигата е идната дестинација на Лоренцо Инсиње
Лоренцо Инсиње би можел кариерата да ја продолжи во Премиер лигата.
Инсиње одигра одлична сезона и игра добро на Европското првенство, но преговорите за продолжување на соработката со Наполи не одат во добра насока. Крилниот напаѓач влезе во последната година од договорот, па Наполи јасно му порача дека ако не стави потпис на нов договор ќе биде продаден ова лето.
Ливерпул и Тотенхем внимателно ја следат ситуацијата со Инсиње и сакаат да го донесат во своите редови.
Наполи е спремен да го продаде бидејќи не сака да го загуби играчот без обештетување и за неговата слобода бара 30 милиони евра, сума која споменатите клубови се спремни да ја платат.
Барса не добила никаква понуда за Гризман
Барселона сè уште не добила никаква официјална понуда за напаѓачот Антоан Гризман, пренесува „Марка“. Каталонците бараат купувач за 30-годишниот фудбалер, кој во моментов прима најголема плата на „Камп Ноу“, откако Лионел Меси стана слободен играч.
Во оваа фаза, сепак, клубот сè уште нема добиено ниту една понуда за Французинот. Каталонците итно треба да го намалат буџетот за плати за новата сезона, со цел да ги исполнат барањата за Финансиски фер-плеј и да можат да ги пријават своите нови засилувања. Затоа сакаат да го продадат Антоан Гризман. Тој не ги оправда големите очекувања што ги имаше за него по неговиот трансфер од Атлетико Мадрид во 2019 година за 120 милиони евра.
Во исто време, тој добива огромна плата, од која сакаат да се ослободат на „Камп Ноу“. Гризман беше на чекор да се врати во Атлетико, но во последен момент двата клуба не се договорија и зделката пропадна. За него се заинтересирани Јувентус, Манчестер Сити, Манчестер Јунајтед и Челзи, но никој од нив сè уште не испратил официјална понуда до канцелариите на „Камп Ноу“. Гризман има договор со Барса до 2024 година.
