Дефанзивецот на Ливерпул, Вирџил ван Дајк би можел во четврток на пријателскиот натпревар против Херта во Инсбрук да ги одигра првите минути по девет месеци надвор од теренот поради тешка повреда на коленото, која ја заработи на дерби натпреварот против Евертон.

„Ван Дајк изгледа доста добро на тренинзи, но се уште не сум сигурен дали ќе игра против Херта. Ако натпреварот го гледате како дел од опоравувањето, тогаш тоа има смисла. Тој би можел да одигра 20 минути, но мораме претходно да разговараме.“ – изјави Клоп за британските медиуми, кој првично беше против предвременото враќање на Ван Дајк на теренот.

Но, со оглед на тоа што добро се опорави од тешката повреда и добро тренира на подготовките во Австрија, Клоп го промени мислењето и би можел веќе во четврток да му даде минутажа на својот најдобар дефанзивец, кој беше еден од клучните играчи за Ливерпул во претходните сезони.

Џорџо Кjелини започна преговори со Јувентус за потпис на нов договор. Според медиумите во Италија барањата на Киелини се прилично високи.

Кjелини поради повреда го пропушти поголемиот дел од минатата сезона, но после одличното Европско првенство побара двегодишен договор од Јувентус со повисока плата.

Целта на капитенот на „Аѕурите“ на највиоско ниво да го дочека Мундијалот кој ќе се игра наредната година.

Претходната сезона Кjелини заработуваше 3.5 милиони евра, сега бара дополнителен еден ипол милион.

Поранешниот репрезентативец на Шпанија и напаѓач на Атлетико Мадрид, Фернандо Торес го одработи првиот тренинг како тренер во тимот каде ја започна својата кариера.

Популарниот „Ел Нињо“ се врати во клубот каде што се прослави како играч, за нив играше од 2001. до 2007. година, пред трансферот во Ливепрул.

Торес ќе работи во младинскиот „А“ тим како тренер, а се очекува наскоро да добие и посериозна улога во стручниот штаб на Симеоне.

Милан е блиску до потписот на Хвича Кварацхелија, или грузискиот „Меси“.

Грузиецот го сврте вниманието кон себе со добрите настапи во дресот на Рубин Казан и беше избран за најдобар млад фудбалер во руската лига.

Борусија Дортмунд и Јувентус подолго време го следат крилниот напаѓач, но Милан наводно успеал да ја победи конкуренцијата. Руските медиуми пренесуваат дека „росонерите“ постигнале договор со Рубин Казан, а агентот на Кварацхелија овие денови ќе пристигна во Италија за да го комплетира трансферот.

Финансиските детали не се познати, но се претпоставува дека Милан за неговиот потпис ќе плати 15 милиони евра.