Бразилецот постигна брилијантен гол со левата нога за да ја запечати победата од 2-1 за Бетис против Еспањол, испраќајќи ги навивачите во бурни прослави. 

„Многу сум среќен со победата, со неверојатниот гол на крајот од натпреварот“, изјави Антони за Мовистар Плус. Знаевме дека ќе биде многу тешко и сега можеме да уживаме во победата затоа што е многу важна“. 

25-годишниот бразилец сега има постигнато седум гола и асистирано четири откако се приклучи на Бетис во јануари преку позајмица – форма која цврсто ја врати неговата самодоверба по турбулентниот период на Олд Трафорд. 
 

Неговиот придонес ја поттикна желбата на клубот за трофеи. Бетис во четврток патува во Италија за реваншот од полуфиналето на Конференциската Лига против Фиорентина, откако го доби првиот натпревар со 2-1. 

Формата на Бетис во Ла Лига е исто така извонредна, тие се еден бод под место кое ќе им гарантира Лига Шампиони фудбал следната сезона. 

 
Крилниот напаѓач стана омилен на навивачите на Бетис, а легендата на клубот Хоакин неодамна се пошегува дека ќе го „киднапира“ Антони за да го задржи во Бетис. 

Позајмицата на Антони истекува во јуни. Бетис е отворен за продолжување на неговиот престој. Се очекува Манчестер Јунајтед да бара околу 40 милиони фунти за бразилецот. 

Трент Александер-Арнолд го информира Ливерпул за неговата намера да го напушти клубот ова лето по истекот на неговиот договор. 

26-годишниот скаусер ќе ја прекине својата дведецениска соработка со „црвените“, откако неговиот договор ќе истечи на 30 јуни 2025 година. 

Александар-Арнолд најави: „Прво сакам да кажам дека тоа не беше лесна одлука и имаше многу размислувања и чувства во неа. Јас сум овде 20 години, ја обожавав секоја минута од тоа, ги постигнав сите мои соништа, постигнав сè што некогаш сум сакал овде. 
 
„Давам сè од себе секој ден. Сега дојдов до точка кога чувствувам дека ми треба нова промена, нов предизвик за мене како играч и како личност. И мислам дека сега е вистинското време да го направам тоа“. 

Александер-Арнолд се приклучи во Академијата на Ливерпул кога имаше шест години и напредуваше низ ранговите на младинско ниво пред да го направи својот прв настап за главниот тим во 2016 година. 
 
Досега има одиграно 352 натпревари за црвените, постигнувајќи 23 гола и освојувајќи осум големи трофеи, вклучувајќи ја и титулата во Премиер Лигата оваа сезона. 
 
Обраќајќи им се директно на навивачите на Ливерпул, тој додаде: „Има многу што би сакал да кажам. Главно, мојата огромна благодарност. Вие ме поддржувавте од самиот почеток, бевте тука за мене“. 

Трент Александер-Арнолд се очекува да му се приклучи на Реал Мадрид за безплатен трансфер кога ќе му истече договорот. 

Како што најави Мундо Депортиво, Германецот го пофалил Педри за неговото уникатно влијание врз играта:

„Педри е играч чије отсуство може да се забележи кога не е на теренот. Тој не постигнува само голови или асистенции, тој нуди решенија. Да се ​​победи противникот не мора секогаш да биде со додавање, но Педри е еден од ретките играчи од средниот ред кој има дарба да ги дрибла  противниците во тесни простори“.

„Тој е речиси поважен од Ламин Јамал, Рафиња или Левандовски. Тие се оние кои ги одлучуваат натпреварите, но Педри им го овозможува тоа, Педри во моментот е најдобриот играч во светот на неговата позиција, според мене“.

Поранешната ѕвезда на Реал Мадрид, исто така го сподели неговото искуство за соочувањето со Педри: „Секогаш имав чувство дека не изгледа брз, но потоа почна да дрибла и си помислив: „Па, барем нека направи грешка“, но дури и тоа не се случуваше. Тој не е како Меси или други играчи кои јасно можете да видите дека се брзи. Педри се движи со неверојатна брзина, но изгледа дека не е посебно брз, неговото движење е многу чисто“.

Крајно, Крос даде уште еден комплимент за каталанецот: „Обожавам играчи кои не само што го подобруваат нивниот тим, туку и изгледаат елегантно и грациозно додека го прават тоа, и тоа е она што навистина го издвојува“.

Манчестер Сити е заинтересиран за играчот од средниот ред на Нотингем Форест, Морган Гибс-Вајт, тврди Фабрицио Романо. „Граѓаните“ се надеваат дека ќе постигнат напредок во преговорите за Англичанецот во наредните недели.

Се верува дека личните услови на 25-годишникот нема да бидат проблем. Можеби ќе има проблем во преговорите со Нотингем, затоа што клубот не сака да се раздели со еден од своите најдобри играчи.

Морган Гибс-Вајт има одлична сезона и е една од главните причини зошто Форест има шанси да се квалификува за Лигата на шампионите.

Реал Мадрид разгледува опции за продажба на напаѓачот Родриго за време на летниот преоден рок, објави „Релево“.

Според изданието, мадридскиот клуб е подготвен да слушне понуди кои ќе почнуваат од 100 милиони евра.

Манчестер Сити и Арсенал се заинтересирани за 24-годишниот Бразилец. Пред потенцијалното заминување, Родриго сака да разговара со Чаби Алонсо, кој би можел да застане на чело на Реал, за да разбере каква би била неговата улога во тимот.

Договорот на Родриго истекува во летото 2028 година. Порталот „Трансфермаркт“ ја проценува вредноста на играчот на 100 милиони евра.

Оваа сезона има 13 гола и 10 асистенции во 50 натпревари.

Поранешниот менаџер на Ливерпул, Јирген Клоп, жали што го одбил Реал Мадрид, објави „Марка“. Раководството на „белиот балет“ веќе постигна договор со Чаби Алонсо, кој моментално е на чело на Баер Леверкузен.

Во март, Реал Мадрид не успеал да го убеди Клоп да го предводи клубот по евентуалното заминување на Карло Анчелоти.

Клоп (57) беше тренер на Ливерпул од 2015 до 2024 година. Претходно, Германецот работеше во Борусија Дортмунд од 2008 до 2015 година.

Тренерот на фудбалерите на Јувентус, Игор Тудор, не крие дека е задоволен по ремито со Болоња во рамките на Серија „А“.

„Ова е добар бод, солиден резултат на тежок стадион каде што секој има проблеми. Имавме многу повредени и суспендирани играчи но, се снајдовме добро“ – рече Тудор.

„Создадовме шанси но, можеме да бидеме задоволни имајќи ги в предвид сите околности“ – рече тренерот на „Старата дама“ од Торино.