Јувентус наводно одбил голема понуда од Ливерпул за турскиот дефанзивец Демирал. Црвените се во потрага за стопер поради големиот број повредени дефанзивци, а раководството на тимот од Енфилд го контактирале Јувентус. За 22 годишниот Демирал понудиле дури 45 милиони фунти. Сепак, Јувентус таа понуда ја одбил бидејќи сметаат дека турскиот дефанзивец вреди повеќе. Останува да видиме дали Ливерпул ќе испрати нова понуда за дефанзивецот на Старата дама или до крајот на преодниот рок ќе се обидат да најдат друго решение.

Серхи Роберто веќе неколку дена тренира со првиот тим и е се поблизу до враќање во игра, пишува Марка. 28-годишникот се опорави од повредата на десниот бут заработена на мечот против Атлетико Мадрид во ноември и веќе се подготвува со полна брзина. Тренерот Роналд Куман дури сериозно размислува да го вклучи и за натпреварот кој следи со Билбао. Опоравувањето на Серхио Роберто е одлична вест за тренерот на Каталонците, кој во негово отсуство имаше сериозни проблеми со десната бековска позиција.

Стефан Ел Шарави се враѓа во Рома. Договорот на напаѓачот со кинескиот клуб беше со важност до летото 2022 година, но предвидуваше клаузула што му овозможува на Стефан Ел Шарави да ја напушти Кина пред предвидениот рок.„Кога дојдов во Рим за првпат, сфатив дека на овој град и на клубот не им треба многу време да станат сакани. Напуштајќи го клубот, сфатив дека тие засекогаш ќе останат во моето срце. Сега со нетрпение очекувам да се вратам на натпреварите во овој дрес“, изјави Ел Шарави за прес-службата на клубот. За потсетување, италијанското крило ја напушти Рома летото 2019 година. За „волчицата“ тој одигра 139 натпревари, постигна 40 гола и 26 асистенции. Неговата вредност во моментов се проценува на 8 милиони евра.

Јирген Клоп ги разочара навивачите на тимот со веста дека Џо Гомез нема да се врати во игра оваа сезона. Дефанзивецот кој се опоравува од операцијата, нема да биде способен за игра до следната сезона. „Опоравувањето на Џо оди добро, но тој е сè уште далеку од враќање. Тој не е подготвен да истрча на теренот, дури и да оди во теретана. Тој има сериозна повреда. Не мислам дека ќе се врати во игра оваа сезона. Би бил многу изненаден во добра смисла на зборот ако тој успее, но не верувам во тоа“, изјави Клоп.

Реал Мадрид и понатаму своите домашни натпревари ги игра во кампот Валдебебас, бидејќи на Сантијаго Бернабе трае реконструкцијата.
Таа би требало да биде завршена во август идната година, а Реал за истата ќе потроши повеќе од 500 милиони евра. Во минатите неколку дена, беше објавено дека теренот на реновираниот стадион ќе биде мултифункционален.
Имено, на него еден ден ќе биде одигран фудбалски натпревар, а веќе наредниот стадионот ќе може да биде домаќин на музички концерт или пак кошаркарски натпревар, иако стадионот се наоѓа во градот и околу него нема место за поместување и складирање на теренот.
Поради тоа, шпанската компанија која е изведувач на реконструкцијата замисли дупка длабока 30 метри во која стадионот ќе ги складира терените кои не се во употреба. Тие ќе се менуваат на системот како лента и ќе бидат сместени еден под друг.
Со тоа, под стадионот ќе поминува и метро, па така клубот ќе добие и своја метро станица.

Македонската репрезентација до 19 години убедливо со 4-0 загуби од соодветната селекција на Бугарија на пријателскиот натпревар во
турска Анталија. Без шестмина стандардни фудбалери (Лука Станковски, Методи Максимов, Димитар Тодоровски, Марио Илиевски, Кристијан Тасевски и Берат Калкан), кои поради клупски обврски не се вклучени на подготовките, македонската репрезентација не можеше сериозно да им се спротивстави на врсниците од Бугарија. Дополнителен хендикеп за селекторот Арслани беше и отсуството на Луан Абази кој заработи повреда на вчерашниот тренинг. Во 34. минута, Трифонов го отвори резултатот, а во второто полувреме истиот фудбалер зголеми на 2-0 по еден од игра. Двоен стрелец за Бугарија беше и Сираков.
Македонија до 19: Стефан Митрев, Филип Костовски, Славе Маркоски, Мартин Величковиќ Радуловиќ, Виктор Крстевски, Иван Николов, Зуфер Шајини, Бехар Фета, Октај Ракипи, Арда Окан, Фатон Адеми; Замени: Новаков, Николов, Ѓуровски, Фетаи, Терзиев, Рамани, Игњатов, Трајаноски, Арифи, Абази, Џемаили, Петејчук, Муше

Се чини дека Бока Јуниорс на самиот крај од трансфер периодот би можела да добие огромно засилување.
Откако клубот беше елиминиран во полуфиналето од Копа Либертадорес, Бока сака нова титула која ќе биде посветена на Диего Марадона, а според информациите, нов предводник на нападот на клубот би можел да биде Диего Коста.
Шпанските и аргентинските медиуми тврдат дека преговорите се движат во добра насока, Коста кој го раскина договорот со Атлетико има желба да игра за Бока, иако има понуди и од родниот Бразил.
Многумина веќе го замислуваат тандемот Диего Коста – Тевез, иако Тевез е веќе на крајот од својата кариера и не е стандарден во првиот состав.
Бока Јуниорс веќе го ангажираше Маркос Рохо, поранешниот фудбалер на Манчестер Јунајтед, а наводно блиску до потпис е и Гастон Хименез, поранешен играч на Сампдорија кој сега настапува во МЛС.

Според првичните информации, Хари Кејн ќе мора на подолга пауза.
Како што јавуваат англиските медиуми, повредата на Кејн не е наивна и тој би можел да паузира месец и половина.
Во тој период, Тотенхем ќе ги одигра клучните натпревари во борба за трофеи.
Доколку Кејн е надвор од теренот до втората половина од март, ќе ги пропушти натпреварите против Челзи, Манчестер Сити и Арсенал, како и уште пет натпревари во Премиерлигата, потоа двомечот со Волфсбергер во 1/16 финалето од Лига Европа и потенцијалното осминафинале, како и гостувањето кај Евертон во ФА Купот.
Се уште се чека официјална потврда, но според очекувањата Кејн го чека подолга пауза и тоа во клучниот период во кој Тотенхем може да ги заврти работите во своја корист.
Се поставува главното прашање – кој ќе го замени Кејн во тој период, ако Мурињо вели дека не го гледа Бејл на таа позиција, а Карлос Винисиус ја нема довербата на тренерот?

Аталанта е во напредни преговори за офанзивниот играч на врска на Шахтјор, Коваленко. Украинецот веќе ги договори личните услови со Аталанта, па останува да се договорат уште деталите помеѓу двата клуба за да се официјализира трансферот.
24-годишниот фудбалер има само 8 одиграни меча оваа сезона во првеството, но постигна 4 гола.
Цената на Коваленко во моментов изнесува околу 6 милиони евра, а во Аталанта доаѓа како замена за Папу Гомез, кој се пресели во Севиља.