После одземањето на организацијата за домаќинство на финалето од Лигата на шампионите кое требаше да се одржи во рускиот град Санкт Петерсбург, УЕФА се реши на уште еден чекор со што ќе го изрази своето незадоволство од руската воена акција во Украина.

Имено, од УЕФА бараат начин како да го раскинат спонзорскиот договор за Лигата на шампионите со компанијата „Гаспром“, која е еден од главните финансиери на натпреварувањето.

Оваа разрешница се очекува во наредните денови кога и ќе се дознае какви финансиски последици истата би предизвикала.

Антонио Рудигер би можел да направи сензационален трансфер на лето и да потпише за Манчестер Јунајтед, пренесуваат медиумите на Островот.

Договорот на Рудигер со Челзи истекува на лето, но се помали се шансите да ја продолжи соработката со „сините“ откако ги одби сите нивни понуди. ПСЖ и Реал Мадрид од поодамна се заинтересирани за Германецот, но сега во трката се вклули и Манчестер Јунајтед.

Англиските медиуми пренесуваат дека „црвените ѓаволи“ испратиле најдобра понуда до неговиот агент и во моментов се во пол-позицја за неговиот потпис.

Доколку вистина дојде до овој трансфер, тоа сигурно би било големо предавство и тоа навивачите на Челзи нема да му го простат.

Барселона во осминафиналето од Лигата на Европа ќе игра двомеч со турскиот гигант Галатасарај.

Каталонскиот тим секако е голем фаворит за пласман во помеѓу најдобрите тимови во ова натпреварување, но од истанбулскиот клуб јасно тврдат дека нема да се предадат во овие натпревари.

Тие сметаат дека Галатасарај може да ја исфрли Барселона, а изјавата на членот на Управниот одбор Нихат Кирмиз е прилично оптимистичка.

„Веруваме дека ќе ја исфрлиме Барселона. Не смееме да заборавиме дека ние сме Галатасарај.

Селекторот на фудбалската репрезентација на Бразил, Тите, најави дека ќе ја напушти функцијата по завршувањето на Светското првенство во Катар на крајот од оваа година.

Селекцијата на Бразил е петкратен светски првак и е една од фаворитите на првенството.

„Да бидам искрен, ќе останам селектор на тимот само до крајот на Светското првенство“, изјави 60-годишниот селектор во интервју за бразилска телевизија“.

Париз Сен Жермен планира финализирање на понудата за купување на Нуњо Мендеш. 19-годишниот лев бек во моментот настапува во дресот на ПСЖ како позајмен играч од португалскиот Спортинг Лисабон.

Очекувањата се дека клубот од Париз ќе испрати понуда од 40 милиони евра за откуп на правата за Португалецот.

„Напредокот на Нуњо е огромен. Ако продолжи да се развива на овој начин, ќе стигне далеку. Тој ќе биде меѓу најдобрите во екипата“, изјави тренерот на ПСЖ, Маурицио Почетино.

Тренерот на Брентфорд, Томас Франк, потврди дека фудбалерот од средниот ред Кристијан Ериксен ќе дебитира во 27. коло од англиската Премиер лига со Њукасл.

30-годишниот Данец беше претставен како играч на Брентфорд на крајот на јануари откако потпиша договор со тимот до крајот на сезоната.  Тој меч ќе биде прв официјален за Ериксен од јуни 2021 година кога на мечот со Финска на ЕП доживеа срцев удар.

Ериксен има вграден дефибрилатор, кој не смее да се користи во Италија по што мораше да го раскине договорот со Интер.

Тренерот на Париз Сен Жермен, Маурицио Почетино изјави дека одржувањето на финалето од Лигата на шампионите во Париз, ќе им даде дополнителна мотивација на неговите играчи да стигнат до него.

УЕФА потврди дека финалето на 28 мај поради тековната руска инвазија на Украина ќе биде преместено од Санкт Петерсбург на „Стад де Франс“ во Париз.

„Одржувањето на финалето во Париз е дополнителна мотивација за нас, но ни преостанува огромна работа за да стигнеме до него“ , изјави Почетино пред медиумите.