Јувентус покажува сериозен интерес за играчот за врска на Барселона, Френки де Јонг, пренесуваат италијанските медиуми.

„Старата дама“ на лето сака да го засили средниот ред и најголема желба е токму Холанѓанецот, па веќе почнале да работат на негов трансфер во Торино.

Де Јонг во Барселона пристигна летото 2019 година за сума од 86 милиони евра. Во последно време многу често се поврзува со заминување и нема да биде чудо ако на крајот на сезоната го напушти „Камп Ноу“.

Френки Де Јонг е помеѓу фудбалерите кои Барселона ги стави на трансфер листата со цел да се подобри финансиската ситуација во клубот. Сумата која Барселона сака да ја добие од продажбата на Де Јонг е околу 75 милиони евра.

Мејсон Маунт, веројатно ќе се појави на неделното финале со Ливерпул во Лига Купот на Англија откако полека ја санирал повредата.

Натпреварот на стадионот –„Вембли“ е закажан за 27 февруари. Англискиот репрезентативец заработи повреда на скочниот зглоб во првото полувреме од финалето на Светското клупско првенство против Палмеирас.

Тој иако денеска учествуваше на тренингот на Челзи, сигурно ќе го пропушти утрешниот прв меч со Лил во 1/ 8 финалето во Лигата на шампионите.

Бруно Фернандеш го потенцира соиграчот од Манчестер Јунајтед со кого најмногу се дружел и од кого научил најмногу.

Португалецот истакна дека Хуан Мата е фудбалерот кој го смета за најдобар пријател во клубот. Бруно во последниве две години научил доста работи од 34 годишниот Шпанец.

„Како најдобар пријател во Јунајтед би го посочил Хуан Мата, бидејќи тој ме прави подобар играч и човек како на теренот така и надвор од него“, истакнува Фернандеш.

Голманот Мануел Нојер повторно им се врати на тренинзите со своите соиграчи од Баерн Минхен. Ова се случи само две недели по операцијата на коленото на десната нога. Шампионот на Германија на својата веб-страница објави кратко видео на кое се гледа дел од тренингот на капитенот Нојер.

35-годишниот голман се очекува да се врати на терените најрано до средината на март.

Со голови на Скамака и Распадори, Сасуоло го победи Интер со 2-0 и тоа на негов терен.

Берарди кој има 27 години, но важи за еден од поискусните играчи во тимот, има големи пофалби за младите Скамака и Распадори.

„Двајцата се големи фудбалери и подготвени се да направат чекор напред. Тие докажуваат од натпревар во натпревар за колку квалитетни играчи се работи и мора да продолжат да го прават тоа и на мечевите и на тренинзите“, вели Берарди.

Скамака се поврзува токму со Интер, а Распадори со Јувентус и Милан.

Берарди вели дека и тој би можел да замине во голем клуб. Претходно го одбил Јувентус, бидејќи не се чувствувал подготвен, но сега работите се сменети.

Пауло Дибала нема да биде во тимот на Јувентус за гостувањето кај Виљареал во првата осминафинална пресметка во Лигата на шампионите која се игра во вторник.

Напаѓачот заработил повреда на бутниот мускул за време на градското дерби со Торино. Медицинските прегледи покажаа дека повредата не е сериозна, но тренерот Алегри реши да не ризикува и ќе го изостави Аргентинецот од екипата.

Ѕвездата на Париз Сен Жермен, Нејмар, во интервју за бразилски медиум каде гостин беше и Луис Назарио Роналдо, кажа дел од своите планови околу својата фудбалска иднина.

Нејмар истакнал дека планира да игра фудбал додека ја чувствува страста и мотивацијата за играта, и дека најверојатно после епизодата во ПСЖ, ќе се пресели во Америка за да заигра во МЛС лигата.

„Не сум сигурен дека повторно ќе се вратам во Бразил и да заиграм за некој клуб. Моја желба е да се испробам во Америка и да одиграм барем една сезона во МЛС. Таа лига не е толку напорна како во Европа и би можел да играм уште некој период во кариерата“, вели Нејмар.

Швеѓанецот со македонско потекло Дејан Кулушевски одигра одличен меч во победата на Тотенхем против Манчестер Сити (2-3).

Тој го постигна првиот гол за водство, а потоа беше асистент при победничкиот гол на Хари Кејн во 95-та минута.

„Многу патев изминатите месеци и не се чувствував добро, меѓутоа тоа се промени. Постигнавме гол многу рано и тоа ни помогна да славиме. Немав потреба да размислувам за ништо, туку само да играм фудбал. Неверојатно чувство е да работите со Антонио Конте. Тој има победнички менталитет“, изјави Кулушевски.

Кулушевски во јануари се пресели во Тотенхем на позајмица од Јувентус со право на откуп.