Новинарот Фабрицио Романо пренесува дека 22-годишниот Џанлуиџи Донарума наскоро ќе потпише договор со француски ПСЖ.
Францускиот вицешампион бесплатно ќе го донесе голманот на Милан, кој по крајот на овој месец станува слободен играч. Веќе се договорени лекарските прегледи во кампот на италијанската репрезентација, со која младиот голман е на подготовки за Европското првенство.
Донарума по сезона ќе заработува по 12 милиони евра. Во професионалниот фудбал е уште од 16 години и од тогаш е прв голман на Милан, за кој бранеше на 251 натпревар, од кои 215 во Серија А.
Менаџерот на Донарума, Мино Рајола ќе добие 20 милиони евра за овој трансфер, штом Донарума потпише за ПСЖ.
Во трка за неговиот потпис беше и Јувентус, но во Торино одлучија дека и понатаму ќе му веруваат на Шчешни.
Дејвис доби отказ од тренерското место во Веспрем
Откако тимот на Веспрем остана без титулата во домашниот шампионат со поразот од ПИК Сегед клубот го отпушти досегашниот тренер Давид Дејвис.
Поранешниот вардарец три сезони беше дел од Веспрем, но по ова разочарување си заминува. Клубот потроши многу пари за скапи засилувања, дел од нив беа од Вардар, меѓутоа и покрај тоа ПИК Сегед успеа да им ја земе титулата.
Дејвис имаше активен договор, меѓутоа резултатскиот дебакл придонесе тој предвреме да биде раскинат.
Добива вистинско богатство – Дончиќ со нов договор во Далас
Словенецот Лука Дончиќ летово ќе потпише нов договор со Далас, за нова соработка од пет години се очекува цифрата да изнесува повеќе од 200 милиони долари.
Дончиќ блеска кај Далас, има просек од 27,7 поени, 8,6 асистенции и осум скока по натпревар, статистика со која импресионира, и која на Далас му помогна да запише 43 победи.
Далас ги заврши настапите во плејофот откако беа елиминирани од Лос Анџелес Клиперс во седмиот натпревар од серијата, сега на ред е нов договор со Дончиќ кој ќе сруши рекорди.
Македонија ќе биде домаќин на претквалификациите за кошаркарскиот Мундијал
Бордот на ФИБА Европа донесе одлука Скопје да биде домаќин на еден од турнирите како дел од претквалификациите за пласман на Светскиот кошаркарски Куп во 2023 година.
Тоа значи дека во терминот од 12 до 18 август ќе бидеме домаќини на Швајцарија и Словачка. Ќе се игра по принципот секој со секого по два меча.
Првите две репрезентации од групата ќе заминат во квалификациите за Мундијалот. Другите три претквалификациски турнири ќе бидат одиграни во Португалија, Летонија и Црна Гора.
Подобрен договор до 2024 година му нуди Барса на Мемфис Депај
Раководството на Барселона му понуди на Мемфис Депај подобри услови за да може да се потпише договорот што е можно побрзо и да се избегне повторување на случајот со Жоржињо Вајналдум.
Поранешниот играч за врска на Ливерпул се согласи со Каталонците, но потоа на сцена стапи ПСЖ, кој ја удвои понудата за него и со тоа успеа да го привлече Вајналдум.
Според Фабрицио Романо, договорот што му го понудиле на Депај од „Камп Ноу“ е на три години, а новинарот не ги откри финансиските параметри.
Во Барселона сакаат сè да биде потпишано пред да започне Евро 2020. Депај ќе стане четвртото ново засилување за Каталонците по Серхио Агуеро, Ерик Гарсија и Емерсон.
Македонија и Финска најголеми аутсајдери на Европското првенство
Една од најпознатите и најголемите британски обложувалници – „Педи Пауер“ максимално ја потцени нашата фудбалска репрезентација со објавата дека ќе бидеме последни во групата –Ц.
– Најсигурен облог: Македонија ќе заврши на последното место во групата Ц, – велат од „Педи Пауер“ пред нашиот дебитантски меч против Австрија на 13 јуни.
Во групата се уште и Украина и Холандија. Мечевите ќе ги одиграме во Букурешт и Амстердам.
ЕУРО 2020 – 22. Унгарија одблиску
Тројниот олимписки победник се врати на европската фудбалска мапа!
Фудбалската репрезентација на Унгарија го претставува унгарскиот интернационален фудбал и е под раководство од фудбалската федерација на Унгарија. Оваа селекција има респектибилна фудбалска историја, освојувајќи три титули олимписки шампион, две финалиња на Светски првенства и тоа во 1938 и 1954 година, и едно трето место на Европското првенство во 1964 година. Унгарците спровеле револуција во овој спорт во 50-тите години која се засновала на тотален фудбал и доминација во меѓународниот фудбал со неповторливиот златен тим во кој играле легенди како Ференц Пушкаш, најдобриот стрелец во 20 век по кој ФИФА ја именувала наградата за најубав гол. Споредна улога во оваа ера е највисокиот ранкинг на ранг-листата на сите времиња со 2.166 бода во 1954 година, една од најдолгите низи без пораз во фудбалската историја, останувајќи непоразени на 31 натпревар во повеќе од четири години.
И покрај овие успеси, унгарската репрезентација доживеа огромен пад почнувајќи од елиминацијата на Светското првенство 1986 година, од кога триесет години не успеале да се пласираат на едно големо натпреварување. Во годините на пад го стекнале и најслабиот ранкинг на ФИФА ранг-листата – 87 позиција во 1996 година, како и завземање на последната шеста позиција во квалификациите за Европско првенство 2008 година. Во квалификациите за Европското првенство во 2016 година успеаја да изборат место на Европското првенство што е најдобар успех во последните 40 години.
Собослаи е најголемата унгарска надеж на Европското првенство!
20-годишниот Унгарец, Доменик Собослаи, кој има откупна клаузула од 25 милиони евра, важи за еден од најперспективните играчи во Европа, па подолго време е во бележниците на гигантите.
Последните информации велат дека тој го одбрал следниот клуб, Скај Германија објави дека Унгарецот продолжува во Бундеслигата, во редовите не РБ Лајпциг.
Спортскиот директор на РБ Салцбург, Криштоф Фројнд бил на гости кај сестринскиот клуб, начелно е постигнат договор и се чека играчот да стави потпис на документите.
Унгарскиот клупски фудбал во целосен застој!
Со една титула, пет финалиња и уште седум полуфиналиња, унгарскиот клупски фудбал од денешна перспектива изгледа како гигант во сенка. Но, последните 30-35 години нивната моќ е сведена на минимум, квалитетот не ги носи ни во златната средина на континентот и единствено што може да ги доближи кон напред се новите стадиони, одличната инфраструктура и добро организираниот шампионат. За финалиња и титули којзнае дали повторно ќе се изборат.
Луис Енрике повикана нови фудбалери по позитивниот ковид-тест на Бускетс
Откако репрезентативецот на Шпанија, Серхио Бускетс, се зарази со корона-вирус, селекторот Луис Енрике, повика дополнително пет фудбалери .
Tоа се Раул Албиол, дефанзивец на Вилјареал, централниот играч за врска на Вест Хем, Пабло Форналс, бекот на Валенсија, Карлос Солер, крилото на Лидс, Родриго Морено и членот на Селта, Брајс Мендез.
Бускетс сигурно нема да игра во воведните кола за „црвената фурија“ додека Адама Траоре ќе треба да направи дополнителни тестови.
У-19: Женската репрезентација на меѓународен турнир во Бугарија
Младата женска репрезентација на Македонија во периодот од 7 до 15 Јуни ќе земе учество на маѓународниот турнир „Bansko Pirin Womens Cup”, koj ќе се одржи во Банско, Бугарија.
Нашата репрезентација на овој турнир силите ќе ги одмери со домаќинот на турнирот, репрезентацијата на Бугарија и Албанија.
Првиот натпревар го играме против Албанија на 9 јуни, а вториот дуел го играме со Бугарија на 14 јуни.
Селекторот на Македонија, Астрит Меркo, за овој турнир ги повика следните фудбалерки:
ГОЛМАНИ: Берна Кабакчи, Јана Луба Зврлевска;
ОДБРАНА: Ана Ристовска, Анида Идризи, Едина Сулејмани, Викторија Недева, Ана Милчевска, Миа Головска, Теодора Бартон, Александра Јовановска;
Екипата на Евротип и Голд Слот помеѓу најдобрите на „Охрид ТрчаТ“
Викендов во Охрид
се одржа петтото по ред издание на „Охрид ТрчаТ“, на која покрај многуте
учесници, активно се вклучија и спортските обложувалници Евротип и Голд Слот
клубовите.
Екипата на
Евротип и Голд Слот трката ја заврши на десеттото место со време 01:56:36, а за
тимот составен од Даниел Спасевски, Илија Цветановски, Христијан Деловски, Стефан Трифуноски, и Николче Даскаловски најдобро време
имаше Спасевски кој делницата од 5 километри ја истрча за 26:25.
Во женска
конкуренција, најдобар претставник од екипата на Евротип и Голд Слот беше
Марија Дрогришка, која петкилометарската трка ја заврши со време 30:10, а на 51
место заврши Биљана Арбовска со време 33:55.
На 21-километарската
трка во машка конкуренција победи Милош Ранчиќ со време 1:18:27, додека кај
девојките првото место му припадна на Билјана Кираџиева, минувајќи ја патеката
долга 21 километар за 1:31.29.
На рекреативната
петкилометарска трка победи Муџахид Мислимоски со постигнато време 18:38
минути, додека во женска конкуренција прва на целта пристигна Николина Милевска
– Велјаноска 24:17 минути после стартот.
На јубилејното
петто издание на „Охрид трчаТ“ учествуваа околу 650 натпреварувачи, а бројот на
учесници беше ограничен поради протоколите за спречување на ширењето на
коронавирусот.
Евротип и Голд
Слот клубовите, како општествено-одговорни компании ја поддржуваат секоја
иницијатива за активно вклучување на младите во спортот.
Ова издание на
спортско-рекреативната манифестација помина во знакот на поддршка на лицата со
ретки болести, кои и самите беа дел од натпреварувањата.
Евротип и Голд Слот најавуваат активно учество и на
наредното издание на „Охрид трчаТ!“, како и на останати манифестации ширум
државата кои имаат за цел промоција на спортот и здравиот начин на живот.
