Екипата на Париз Сен Жермен веќе работи на план Б за замена на Килијан Мбапе доколку се реализира неговото заминување во Реал Мадрид.

Според францускиот весник Екипа, спортскиот директор на ПСЖ, Леонардо, веќе им предложил на клубските челници да го доведат напаѓачот на Борусија Дортмунд,Ерлинг Халанд.

Оваа трансфер операција нема да биде лесна за ПСЖ, бидејќи како конкуренти за ангажман на норвешкиот голгетер се споменуваат Манчестер Сити, Барселона и Манчестер Јунајтед. Но според францускиот весник сопственикот на тимот Насер ал-Калаифи и Леонардо се во постојан контакт со менаџерот на играчот, Мино Раиола.

Напаѓачот на Баерн, Роберт Левандовски би можел да му се приклучи на Реал Мадрид. Фудбалерот се изјаснил дека би сакал кариерата да ја продолжи во мадридскиот клуб.

Левандовски би можел да го напушти Баерн претстојното лето. Се истакнува дека Реал Мадрид би можел да го реализира овој трансфер во случај на неуспех при купувањето на играчот на Борусија Дортмунд, Ерлин Халанд.

Договорот на Левандовски со Баерн е до летото 2023 година.

Извршниот директор на фудбалскиот клуб Барселона, Феран Ревертер, го извести денеска претседателот на каталонскиот клуб Жоан Лапорта за својата намера да поднесе оставка на должноста од семејни причини.

Ревертер беше назначен за извршен директор во мај лани и беше вклучен во реструктурирањето на клупскиот долг и намалување на трошоците за плати на фудбалерите.

Мина речиси една година откако ја напуштив Германија и се вратив во Барселона од семејни причини. Набрзо по враќањето ја прифатив понудата од претседателот на клубот да бидам извршен директор. Во текот на овие месеци вложив многу труд, но сега сакам да се фокусирам на причината поради која се вратив во Барселона, односно да посветам повеќе време на личните и семејни проекти, соопшти Ревентер.

Барселона објави дека неговата оставка ќе стапи на сила на денот на именување нов извршен директор.

Крилниот напаѓач на Интер, Иван Перишиќ не е задоволен од понудата на сопствениците на клубот за продолжување на договорот. Актуелниот договор на Хрватот истекува на лето и „нероаѕурите“ прават се за да го обврзат на долг рок. Сепак, според „Спортмедиасет“, преговорите меѓу двете страни не се одвиваат според планот.

Перишиќ (33) моментално добива 5 милиони евра годишно, но бара зголемување на 6 милиони за повторно потпишување. Сепак, Интер се обидува да го убеди да ја намали платата на 4 милиони евра годишно, со што Хрватот изгледа не се согласува. Така што нема да биде изненадување ако Перишиќ го напушти „Џузепе Меаца“ на лето, освен ако Интер не реши да ја зголеми својата понуда.
Хрватот игра уште една одлчна сезона за Интер, со 29 одиграни натпревари и постигнати 5 гола и 2 асистенции. За него постои интерес од Челзи и Баерн.

Популарна компанија Голдин која е специјализирана за размена и продажба на колекционерски предмети претежно од областа на спортот, ја определи можеби најскапата цена за билет од еден фудбалски натпревар. 

Станува збор за влезница од пријателскиот дуел помеѓу екипите на Порто и Барселона, кој е запишан како прв натпревар во кариерата на тогаш 16.годишниот Лионел Меси во дресот на Барселона.

Билетот за оваа средба која се одржа на стадионот Драгао во Порто, во далечната 2003 година достигна продажна цена од 43 илјади евра.

Алваро Мората игра на позајмица во Јувнтус од Атлетико Мадрид, а клубот од Торино има можност да го откупи неговиот договор за 35 милиони евра.

Досега информациите од Италија велеа дека Мората ја игра последната сезона во дресот на Јувентус затоа што не сакаат да го задржат. Сепак, сега новинарот Џакомо Јакобелис тврди дека Јувентус го сменил мислењето за Мората.

Наводно, Јувентус сака да го задржи Мората и покрај тоа што во клубот пристигна Душан Влаховиќ. Меѓутоа постои и еден услов, Атлетико мора да прифати оштета од 20-25 милиони евра место претходно договорените 35.

Ако двата клуба не се договорат тогаш Јувентус и дефинитивно нема да го откупи Мората.

Менаџерот на Арсенал, Микел Артета, се опиша себеси како „решение“ во врската со Пјер-Емерик Обамејанг откако напаѓачот од Габон рече дека го напуштил англискиот клуб бидејќи имал проблем со шпанскиот тренер.

Обамејанг со заедничка согласност го раскина договорот со Арсенал и се пресели во Барселона, со што стави крај на шпекулациите дека Артета во декември му ја одзеде капитенската лента поради „дисциплински проблеми“.

„Мислам дека се заврши на најдобар начин за сите. Сите носиме одлуки и најдоброто нешто беше да продолжиме понатаму“, вели тренерот на „топчиите“.