Барселона се обидува да направи се за да го продолжи договорот со Лионел Меси, а таа „операција“ како што јавуваат шпанските медиуми трае веќе подолго време, притоа откривајќи и детали од понудата која се наога во рацете на аргентинскиот фудбалер.

Меси целата професионална кариера е врзан за Барселона, а клубот со сите сили се труди така и да остане, па за таа цел на маса му дале договор во траење од 10 години, кој се состои во три фази. Првата од нив се однесува на продолжување на играчката кариера, а доколку се одлучи да го прифати, Меси би настапувал во каталонскиот клуб уште две години.

Познато е дека договорот трае уште еден месец, како и дека го сакаат најбогатите европски клубови, но и дека би можел од Европа да се пресели во САД. Токму тоа е една од опциите вклучена во договорот на Барселона.

Каталонскиот клуб во договорот со Меси ставил и идеја тој да биде евентуален амбасадор на Барселона во САД, при евентуално заминување во МЛС, а потоа по завршувањето на американската авантура да се вклучи во работата на управата на клубот.

Меси се уште не одговорил на понудата на клубот, затоа како што потврди и претседателот на клубот, Хоан Лапорта, чека проект кој ќе се бори за сите трофеи.

Одборот на клупските натпреварувања на УЕФА одлучи целосно да го укине правилото за гол во гости, кое во на натпреварите од нокаут фазата во случај на израмнет резултат, им дава предност на тимовите кои ќе дадат повеќе голови на гостински терен, пренесува новинарот на Тајмс, Мартин Циглер.

Правилото за гол во гости е старо 56 години и сега е на чекор до укинување. Се чека само уште потврда од Извршниот одбор на УЕФА, како би се спровела револуционерната промена во фудбалската игра.

За потсетување, уште во април годинава почнаа шпекулации дека УЕФА би можела да го укине ова правило, ама само во случај на продолженија. Се чини дека сепак европската куќа на фудбалот се одлучила за уште поригорозна промена.

Младата репрезентација на Македонија предводена од селекторот Благоја Милевски пред два дена ги започна подготовките за претстојниот контролен дуел со селекцијата на Словенија. Натпреварот ќе биде одигран на 3. јуни во словенечки Терме Чатеж.

Еден од клучните играчи на Македонија до 21, Филип Антовски вели дека во самата репрезентација владее одлична атмосфера и се надева на победа во Терме Чатеж.

„Не очекува тежок натпревар против силен противник. Очекуваме да одиграме добар меч, идеме во Словенија по победа. Подготовките се во тек, во одлично расположение го очекувамет овој дуел. Атмосферата во екипата е на едно високо ниво, ги слушаме советите од нашиот селектор. Очекувам од мене и моите соиграчи да дадеме максимум на тренинзите и натпреварот со Словенија, и добро да се подготвиме за предизвиците што не очекуваат во иднина”, вели Филип Антовски.

Агон Елези, фудбалерот на Вараждин и член на младата репрезентација на Македонија очекува победа над Словенија.

„Веруваме во нашите квалитети, имаме одлична комуникација со нашиот селектор, подготовките течат во најдобар ред. Словенија е одлична репрезентација, но нашата цел е да одиграме добар натпревар и да оствариме победа. Ги слушаме советите на нашиот селектор, функционираме како една целина и се надевам дека тоа ќе го покажеме и на мечо со Словенија.”, вели Агон Елези.

Подготовките на нашата млада репрезентација ќе бидат поделени во два дела. Селективна фаза по која селекторот Милевски ќе одлучи кои 24 фудбалери ќе бидат дел од главната подготвителна фаза и натпреаврот со Словенија на гостински терен.

Фудбалската федерација на Македонија ја започна продажбата на билети за пријателскиот натпревар на македонската репрезентација против Словенија кој ќе се одигра на 1. јуни на Националната арена „Тодор Проески“ во Скопје.

Влезниците чинат 300. денари за јужната трибина и 200 денари за источната трибина од Националната арена „Тодор Проески“.

Капацитетот на Националаната арена е ограничен на 30 %.

Строгите здравствени ограничувања и протоколите на УЕФА за заштита од КОВИД-19 се причините поради кои на северната трибина ќе биде дозволено присуство само на лица од двете репрезентации, лица од ВИП секторот и службата за организација на натпреварот.

Фудбалската федерација на Македонија билетите од западната трибина ќе ги распредели за верните навивачи на Македонија од навивачките групи кои покажаа интерес за присуство на натпреварот.

Од ФФМ ги повикуваат сите љубители на фудбалот и поддржувачи на македонската репрезентација да ги почитуваат мерките за заштита од КОВИД-19 и да им бидат поддршка на „Рисовите“ за натпреварите од ЕУРО 2020.

Интер ризикува да се раздели со некои од клучните играчи ова лето, но Алесандро Бастони нема да биде меѓу нив. Централниот дефанзивец потпиша нов договор со Интер до 2024 година. Бастони стана столб на одбраната под водство на Антонио Конте и ја имаше главната заслуга за освојувањето на титулата минатата сезона. Преговорите за неговиот нов договор беа одложени за некое време, но на крајот сепак се е договорено. Бастони одигра 33 натпревари оваа сезона во Серија А, а од влегувањето во првиот тим на Интер има 74 настапи на официјални натпревари. Тој е исто така репрезентативец на Италија. 22-годишниот дефанзивец го привлече интересот на многу клубови со своите редовни настапи. Се сметаше дека Баерн Минхен ќе даде понуда за него, но Баварците веќе го купија Упамекано од Лајпциг.