Де Геа се израмни со Шмајхел и влезе во историјата на Јунајтед
Голманот на Манчестер Јунајтед, Давид де Геа успеа да ја сочува својата мрежа на заостанатиот натпревар од 18. коло од англиската Премиер лига со Брајтон кој го добија со 2-0.
Како што беше објавено по натпреварот, со ова Шпанецот го повтори рекордот на „црвените ѓаволи“ по бројот на чисти мрежи. Давид Де Геа е изедначен на првото место со данскиот голман Петер Шмајхел, кој играше за клубот од Манчестер од 1991 до 1999 година, двајцата во нивните настапи за Манчестер Јунајтед имаат 128 натпревари без да примат гол.
Давид де Геа игра за Манчестер Јунајтед од 2011 година. Голманот оваа сезона настапи на 25 првенствени натпревари и прими 32 гола. Шест пати Шпанецот успеа да ја сочува својата мрежа.
Манчестер Јунајтед се наоѓа на четвртото место на табелата во Премиер лигата со 43 бода од 25 одиграни натпревари.
Мбапе: Ги игнорирам гласините за трансфер и само играм фудбал
Францускиот репрезентативец Килијан Мбапе изјави дека е среќен во ПСЖ, но неговата иднина се уште е нејасна. Договорот на Мбапе истекува на крајот од сезоната, а тој е меѓу главните трансфер цели на Реал Мадрид. Двата тима се сретнаа во осминафиналето на Лигата на шампионите, а ПСЖ победи со 1-0 преку голот кој го постигна токму Мбапе.
“Не сум одлучил за мојата иднина. Во моментов играм за Пари Сен Жермен, еден од најдобрите тимови во светот. Давам се од себе и потоа ќе видиме што ќе се случи следната сезона”, вели Мбапе.
“Како да ги игнорирате разговорите за трансфер? Лесно е, само треба да играте фудбал. Поставуваме премногу прашања и зборуваме за Париз Сен Жермен и Реал. Во моментов сум играч на ПСЖ и сум среќен “, изјави Французинот после натпреварот.
Македонија со четири каратисти на Премиер лигата во ОАЕ
Четири каратисти од клубот Макпетрол заминаа за Фуџаирах, Обединети Арапски Емирати каде од 18 до 20 февруари ќе настапат на Светската Премиер лига. За Фуџаирах заминаа Петар Заборски -75 кг, Петар Спасеновски -84 кг, Симона Заборска -55 кг и Ангела Мојсовска -68 кг, сите тие ќе ги браната боите на Македонија во конкуренција на најдобрите рангирани 342 каратисти од 55 држави, соопштија од КК Макпетрол.
Заборска е најискусна, во досегашната спортска кариера има остварено многу високи пласмани од учествата во светските Премиер лиги.
Ова е почеток на сезоната за оваа година и ќе се обидам да направам добри борби, првенствено за да го поправам бодовното салдо на светската рејтинг листа, и да се наметнам како квалитетна спортистка за да можам да учествува на најелитните натпревари во текот на целата година.
Непосредно пред заминувањето тренерот и натпреварувач на Макпетрол, Петар Заборски изјави:
Ова ќе биде прв турнир во 2022 година од најелитното карате натпреварување во лига системот на натпреварување во организација на WKF (Светската карате федерација). Главен услов за да учествувате на ова натпреварување е да бидете во ТОП 50 каратисти на Светската ранг листа, затоа ние имаме и привилегија да настапиме на овој силен турнир.
Мојсовска е нашата најдобро рангирана каратистка на Светската рејтинг листа изјави дека ќе настапи во полутешка категорија -68 кг кај девојките и ќе направи се за да се престави во најдобро светло на почетокот на натпреварувачката сезона.
Спасеновски кој ќе настапи во полутешка категорија или -84 кг, тој изјави дека е одлично подготвен и дека сака во најмала рака да го постигне или повтори успехот кога во 2020 година на тогашната светска премиер лига која се одржа во Дубаи, се бореше за бронзениот медал, од ОАЕ има одлични спомени.
На првенството ќе има огромна конкуренција, односно ќе учествуваат најдобрите светски сениори-ки во секоја тежинска категорија Тоа што е карактеристично за ова натпреварување е што од оваа година воведени се и нови правила за пријавување и настап на оваа лига. Тоа се ограничен број на спортисти кои настапуваат и од досегашните 64, сега се намалени на 32 каратисти во секоја категорија. Сите тие ќе бидат поделени во 8 (осум), групи по четворица спортисти, и во елиминацискиот дел секој ќе има по три задолжителни борби, и потоа следи четвртфиналето, полуфиналето и финалните борби.
Хуан Мата заминува од Манчестер Јунајтед
Играчот од средниот ред на Манчестер Јунајтед, Хуан Мата сака да го напушти клубот со слободен трансфер ова лето.
33-годишниот Шпанец би можел да се врати во Ла Лига, бидејќи интерес за негово ангажирање изразуваат екипите на Реал Сосиедад и Барселона.
Мата настапува за Манчестер Јунајтед од јануари 2014 година. За тимот запиша вкупно 277 натпревари, на кои постигна 51 гол и 47 асистенции.
Вметнати три спринтерски трки во Светскиот шампионат во Формула 1
Организаторите на Светскиот шампионат во Формула 1 објавија дека сезоната 2022 година ќе вклучува и три спринтерски трки за време на викендите.
Првично, требаше да има шест, но, со тоа не се согласија екипите поради ограничениот буџет. Постигнато е компромисно решение кое вклучува три трки на 100 километри.
Победникот ќе земе осум поени, вториот – седум и така натаму до еден за осмиот. Патеките кои ќе бидат домаќини на трите спринта ќе бидат Имола, Ред Бул Ринг и Интерлагос.
Инзаги: Ливерпул е фаворит, но имаме желба за надигрување
Тренерот на Интер, Симоне Инзаги изјави дека неговиот тим ги има сите квалитети да му се спротивстави на Ливерпул. Двата тима ќе се сретнат во Милано во натпревар од осминафиналето на Лигата на шампионите.
„Ливерпул е еден од најдобрите тимови во Европа, но нашите играчи заслужуваат да играат на вакви натпревари. Не сме играле во осминафинале од ЛШ долги години и знаеме дека ќе биде тешко, но ќе се обидеме да се справиме. На хартија, Ливерпул е фаворит, но ќе им кажам на моите играчи да излезат психички растеретени и да ги покажат квалитетите кои ги поседуваат. Желбата за победа ќе ја направи разликата меѓу двата тима“, изјави Инзаги.
Иниеста сака да се врати во Барса како тренер или спортски директор
Поранешниот играч за врска на Барселона, Андрес Иниеста изјави дека би сакал да се врати во каталонскиот клуб. Во моментов Шпанецот настапува како дел од јапонскиот клуб Висел Кобе.
„Би сакал да се вратам во Барселона. Сè уште навистина уживам да сум во фудбалот и да размислувам за тоа. Ова е она што најмногу ме возбудува. Често сфаќам дека сакам да станам тренер или спортски директор. Сакам мојата иднина да биде поврзана со фудбалот“, изјави Иниеста.
Иниеста игра за Висел Коби од 2018 година, приклучувајќи се на тимот како слободен играч. Целиот претходен дел од својата професионална кариера, фудбалерот го мина во шпанска Барселона, освојувајќи 32 трофеи со тимот. Како дел од шпанската репрезентација Иниеста стана шампион на Европа и светот. Договорот на играчот од средниот ред со јапонскиот клуб истекува во 2024 година.
Макаби со отказ за тренерот Сферопулос
Гркот Јанис Сферопулос не е повеќе тренер на кошаркарскиот клуб Макаби од Тел Авив.
Тој доби отказ од клубот после елиминацијата во полуфиналето од домашниот Куп, каде Макаби беше поразен од екипата на Хапоел, со резултат 80:90.
После натпреварот, навивачите на Макаби го изразија своето незадоволство од поразот, при што беше избегнат и инцидент бидејќи дел од публиката сакаше физички да ги нападне тренерот и играчите.
Јанис Сферопулос беше тренер на Макаби од Тел Авив од 2018 година, а претходно ги водеше грчките екипи Олимпијакос и Паниониос.
Почетино: Победата ни дава надеж за реваншот во Мадрид
Тренерот на Париз Сен Жермен, Маурицио Почетино, изрази задоволство од играта на тимот во победата од 1-0 против Реал Мадрид во првиот осминафинален натпревар во Лигата на шампионите.
Тој особено го пофали Килијан Мбапе, кој со гол во четвртата минута од судиското надополнување му донесе радост на парижаните.
„Можеби е мала победа, но ни дава надеж за натпреварот во Мадрид. Задоволен сум од настапот и се надевам дека ќе продолжиме да играме на овој начин и во иднина“, изјави Почетино по натпреварот.
И покрај разочарувањето од промашениот пенал на Лионел Меси, тренерот изрази задоволство од тоа што Париз Сен Жермен доминираше во поседот на топката.
Серија од рекорди за Манчестер Сити во победата над Спортинг
Високата победа на Манчестер Сити од 5-0 над Спортинг од Лисабон во првиот натпревар од осминафиналето во Лигата на шампионите, донесе неколку рекорди за тимот предводен од Гвардиола.
Фудбалерите на Сити се први со пет последователни победи како гости во елиминациската фаза на ЛШ.
Тимот на Гвардиола може да се пофали со уште две работи. Сити веќе има 200 постигнати гола во Лигата на шампионите, во само 97 натпревари.
Огромното водство од 4-0 на полувремето во Лисабон е прв случај во историјата на елиминациите од Лигата на шампионите, еден тим да има водство од најмалку четири гола до полувремето.
