feature

Анчелоти го носи Кулибали во Евертон

Евертон има намера да ја засили својата одбранбена линија во летниот преоден рок. Според тренерот Карло Анчелоти, главната цел на клубот ќе биде да добие централен дефанзивец од врвна класа.
Според „Фудбал инсајдер“, изборот на Евертон ќе биде дефанзивецот на Наполи, Калиду Кулибали, кој доста добро се познава со Анчелоти, кој претходно го водеше италијанскиот тим.
Претходно беше објавено дека главни претенденти за потписот на 29- годишниот Сенегалец се Манчестер Јунајтед и Баерн Минхен. Изминатата зима за Калиду Кулибали се интересираа и Манчестер Сити и Ливерпул.
Фудбалерот игра за Наполи од 2014 година. Пред тоа играше за белгиски Генк и француски Мец. Оваа сезона Кулибали одигра 20 натпревари во италијанската Серија А и доби шест жолти картони.


Абидал: Барса ќе го вратеше Нејмар, но Бартомеу го купи Гризман

Абидал беше директор во Барселона во мандатот на Жосеп Бартомеу, па откри детали од неговиот престој на „Камп Ноу“. „Десет дена пред крајот на преодниот рок бев во Париз да разговарам со Леонардо, со мене беше и извршниот директор Грау и зборувавме за Нејмар. Мислам дека ако извршниот директор доаѓа во ПСЖ, тоа е затоа што можеме да го потпишеме. Ако претходно не го донесовме Гризман, мислам дека 100 проценти можевме повторно да го потпишеме Нејмар, бидејќи ни беше потребен крилен напаѓач. Меѓутоа, претседателот одлучи да потпише со Гризман“, открива Абидал. Абидал откри дека после отказот на Ернесто Валверде сакал да го донесе Покетино на „Камп Ноу“, но бил одбиен од страна на Управниот одбор.


Мекларен потпиша договор со 13-годишен картинг возач

Екипата на Мекларен од Формула 1 потпиша договор со 13-годишниот возач на картинг, Уго Угочукву. Како што пренесува Би-Би-Си, Мекларен ќе го поддржи младиот американски возач во текот на учеството во јуниорските категории. Мекларен наведе дека овој повеќегодишен договор дава можност со Угочукву во иднина да се потпише и тркачки договор. Тоа значи дека Американецот во иднина би можел да вози во Формула 1 или во други категории. „Со голем интерес го следиме напредокот на Уго, па кога излезе можност за потпишување на договор, немаше двоумење.“ – вели извршниот директор на Мекларен, Зек Браун. Мекларен, како и многу екипи во Формула 1, има програма за млади возачи. Најуспешен од таа програма е Луис Хамилтон, кој своевремено како 13-годишен потпиша договор со Мекларен. Угочукву, чија мајка е Нигеријка, а татко Американец, минатата година го освои јуниорскиот шампионат на ФИА, а годинава премина во сениорска категорија. Во Формула 1 нема американски возач уште од Александар Роси, кој возеше пет трки за Маруси во 2015. година.


Арсенал сака да го откупи Мартин Одегард

Норвешкиот фудбалер Мартин Одегард кон крајот на јанаури го напушти Реал Мадрид и премина на позајмица во редовите на Арсенал. Одегард во Реал Мадрид се врати минатото лето од позајмицата од Сосиедад и остана во првиот тим, но во првиот дел од сезоната не се наигра многу и затоа одлучи да го напушти клубот. Одегард фантастично се вклопи во тимот на Артета, па „топџиите“ сакаат да го задржат на перманентна основа, иако во договорот немаат опција за откуп. Арсенал наскоро ќе започне преговори со Реал Мадрид за откуп на Норвежанецот, кој и самиот преферира да остане во Лондон. Неговата цена во моментов е околу 30 милиони евра, но последниот збор за трансферот ќе го има тренерот на „кралевите“, Зинедин Зидан.


Арсенал за 80 милиони евра купува Аргентинец од Примера

Арсенал на лето би можел да го доведе Гвидо Родригез од Бетис, пишува Мундо Депортиво. Микел Артета наводно е заинтересиран за аргентинскиот играч за врска, кој оваа сезона е еден од клучните играчи за клубот од Севиља. Во Бетис пристигна минатата година од Мексико за три милиони евра, а договор со шпанскиот клуб има до 2024. година. Родригез има и клаузула од 80 милиони евра, која Арсенал наводно е подготвен да ја плати, иако минатата година доведе сличен играч. Арсенал го плати Томас Парти 50 милиони евра, но фудбалерот од Гана има проблеми со повреди и не ги исполни очекувањата. Мундо тврди дека Бетис не би имал ништо против да го продаде 26-годишниот Родригез, но само откако ќе го реши проблемот со неговиот поранешен клуб Америка. Имено, мексичкиот клуб му продаде на Бетис само 70 отсто од правата врз играчот, а задржа 30 отсто, претпоставувајќи дека тој во иднина би можел да направи голем трансфер. Како што пишува Мундо, на мексиканците не им паѓа на памет да се откажат од својот дел, посебно по вака добрата сезона на Родригез, а и Бетис на крај најверојатно ќе се откаже, бидејќи и онака ќе добие висока сума, во споредба за она што го плати за Аргентинецот.


Нов пресврт – Лапорта повторно доби „НЕ“!

Ерик Гарсија и Виктор Валдес му рекоа „не“ на Џоан Лапорта. Повеќе извори од Каталонија ја потврдуваат информацијата дека Ерик Гарсија и понатаму е далеку од враќање во Барселона, бидејќи неговиот агент Иван Де Ла Пења ги променил барањата. Наводно, проблме се парите, бидејќи Ерик Гарсија сега бара поголема плата од претходно. Сепак, многумина веруваат дека се ќе се заврши наскоро и дека нема дилеми околу враќањето на Гарсија во неговиот матичен клуб. Истовремено пристигна и информацијата дека Виктор Валдес сепак нема да биде дел од Барселона на Лапорта. Барем засега, Лапорта му понуди на Валдес место на главен тренер на голманите во академијата на Барселона, но Валдес одби бидејќи верува дека еден ден ќе го води првиот тим. Валдес има големи амбиции, но ов овој момент можеби би било подобро да стане дел од Барселона, но тој одби да се приклучи на академијата во која и самиот порасна.


Фудбалерите на Интер добија дозвола да настапат за репрезентациите

На фудбалерите на Интер сепак ќе им биде дозволено да играат за своите национални тимови. Интер беше „затворен“ поради неколку позитивни случаи на коронавирус, но на некои играчи ќе им биде дозволено да настапат за своите репрезентации под одредени услови. Тие ќе мора да патуваат со приватни авиони, а ќе им биде ограничено и движењето колку што е можно, односно ќе им биде дозволено да тренираат во спортскиот центар и да се вратат во својата „резиденција“. Хрватска, Словачка, Данска и Белгија испратија барања за Брозовиќ, Перишиќ, Шкринијар, Ериксен и Лукаку да добијат дозвола да играат за своите тимови. Истото го направи и Мароко за Хакими. По враќањето на репрезентативците, Интер ќе биде главен фаворит за освојување на титулата, бидејќи има шест бодови повеќе од Милан (и натпревар помалку), а десет бодови повеќе од Јувентус.


Бабиќ: Во Битола никој не може да биде фаворит против нас

Тренерот на Еурофарм Пелистер , Жељко Бабиќ е оптимист дека неговата екипа може да одигра добро и да извлече поволен резултат од првиот натпревар против Магдебург во рамките на 1/8 финалето од Европската ракометна лига. „Мислам дека остваривме многу добар резултат, сите сме горди на пласманот во осминафиналето. Среќни сме што ни доаѓа моќна германска екипа како Магдебург, екипа која е во врвот на првенството на Германија. Но, во спортот не се живее од минатото, па ние ќе направиме сè добро да се презентираме и да најдеме што е лоша страна на Магдебург. Тие играат многу брзо, брза транзиција и брз проток на топка. Имаат на сите надворешни позиции пониски ракометари, кои се моќни во играта „еден на еден“. Магдебург има крила кои скокаат од мали агли и имаат висок процент на реализација. Имаат и подвижна одбрана и можам да набројувам уште многу работи. Тие неслучајно се втори во Бундеслигата, но ќе повторам уште еднаш: Без оглед на сите нивни квалитети, ние ги знаеме нивните слабости. Секој противник има свои слабости и со ментална агилност ќе ги пореметиме и верувам дека тие ќе имаат големи проблеми во Битола. Оптимист сум и покрај тоа што игравме многу натпревари и имаме повредени ракометари. Никој не е фаворит во Битола против Еурофарм Пелистер!“, истакна Бабиќ. Натпреварот Еурофарм Пелистер – Магдебург се игра вечерва од 20:45 часот во салата „Боро Чурлевски“ во Битола.


За малку киднапирана цела фудбалска репрезентација! (видео)

Репрезентацијата на Белизе за влакно избегна киднапирање на целата екипа по доаѓањето на Хаити на квалификациски натпревар за СП 2022. Игарчите на Белизе со автобус патуваа кон хотелот, кога на патот излегоа неколку лица вооружени со автоматски пушки. Набрзо автобусот беше обиколен со неколку мотоцикли, а вооружените лица му наредија на возачот да го спушти прозорот и да разговара со нив. Се чинеше дека ќе го киднапираат автобусот, но потенцијалната трагедија во последен момент ја спречи полицијата која ги следеше. „Згрозени се од она што се случи по пристигнувањето на Хаити и во контакт сме со ФИФА и КОНКАКАФ, како би им дале максимална безбедност на наите фудбалери при нивниот престој таму. Иако се видно потресени од она што се случи, сите играчи се добро и покажаа огромна храброст.“ – стои во соопштението на репрезентацијата на Белизе.


Бирхоф: Германија ќе покаже дека е фаворит во групата

Репрезентацијата на Германија со нетрпение го чека стартот на квалификациите за Светското првенство и да обезбеди пласман на завршниот турнир следната година во Катар, и покрај тешкотиите предизвикани од пандемијата на коронавирусот, изјави директорот на Германскиот фудбалски сојуз (ГФС) Оливер Бирхоф.
„Ние сме возбудени и многу мотивирани за овие натпревари. Сакаме да покажеме дека сме фаворити во групата”, изјави Бирхоф пред новинарите пред домашниот натпревар против Исланд во четврток. Германија потоа ќе отпатува за Романија во недела, пред да биде домаќин на Македонија во Дуизбург, каде ќе ја пречекаата нашата репрезентација на 31 март.
Тренерот Јоаким Лев треба да почека на доаѓањето на Џошуа Кимих доцна во понеделник или вторник, бидејќи sвездата на Баерн Минхен има настинка, додека левиот бек на Аталанта, Робин Госенс ​​е со повреда на мускулот и е незивесен. Германија ќе игра за прв пат откако ја заврши сезоната во Лигата на нациите со пораз од Шпанија од 0:6 во ноември.
Првите натпревари, според Бирхоф, треба да испратат „добар сигнал“ и „да соберат самодоверба за летото“. Тој додаде дека Лев останува оптимист и има многу очекувања за завршување на неговата 15- годишна кариера како селектор на Германија.