feature

Чави: Победата над Атлетико Мадрид може да е пресвртница за сезонатa

Тренерот на Барселона, Чави Ернандез, смета дека победата од 4:2 над Атлетико Мадрид може да биде пресвртница за неговиот тим во продолжението на сезоната. Тој упати пофалби кон Дани Алвез и Адама Траоре кои имаа одличен натпревар, и ги замоли навивачите за поголема поддршка кон Дембеле.

„Ова беше повеќе од победа. На сите ни беше потребна во овој момент. Нашите навивачи беа на одлично ниво. Натпреварот го одигравме доста добро и игравме со висок интензитет. Бевме подобри и тоа може да биде пресвртница за нас. И претходно кажав дека имам добро чувство за тимот. Денешниот триумф е многу важен и за навивачите, но би сакал да му дадат поддршка на Усман Дембеле, како што тоа го правеа во минатото, а не да му упатуваат свирежи.

Фоден добива нов договор, Сити брза да го „врзе“ супер-талентот

Манчестер Сити има намера да потпише нов договор со играчот од средниот ред Фил Фоден до 2027 година. Соодветните преговори меѓу „Граѓаните“ и 21-годишниот англиски репрезентативец се во напредна фаза.

Актуелниот Фоден договор е до јуни 2024 година.

Сити исто така е подготвен да започне преговори со играчот од средниот ред Родри за продолжување на договорот од 2024 до 2027 година.

Дарко Чурлинов доби извинување од својот тренер во Шалке

Екипата на Шалке славеше победа од 2:1 над Регенсбур, во натпревар каде македонскиот репрезентативец Дарко Чурлинов влезе во игра за време на второто полувреме.

Чурлинов својот настап за екипата го започна во 62.минута од средбата, но беше изваден од игра во 80.минута кога на негово место влезе играч од одбраната на Шалке.

Поради оваа причина, тренерот на екипата Димитриос Грамоцис, упати јавно извинување до Чурлинов во која објасни дека замената била од тактичка природа.

„Сакам да упатам извинување до Дарко. Свесен сум дека доколку бидете брзо заменети откако ќе влезете во игра, тоа делува лошо на играчот. Меѓутоа му објаснив на Дарко дека мораше да ја засилиме одбраната за да оствариме победа на крајот“ , изјави Грамоцис.

Марко Ројс ќе го советува Халанд да остане во Дортмунд

Капитенот на Борусија Дортмунд, Марко Ројс изјави дека ќе го советува Ерлинг Халанд да остане во клубот и по завршетокот на сезоната.

Ројс во изјава за весникот Билд кажа дека доколку го прашаат би му рекол на Халанд: „Остани со нас, овде имаш се за да се развиваш понатаму. Тој може да игра во Лигата на шампионите, да постигнува голови и да се чувствува ценет. Но на крајот, тој треба да одлучи што е најдобро за него. Ќе биде штета ако замине, но животот ќе продолжи и ние како тим ќе најдеме решение “.

Норвешкиот напаѓач има договор со Дортмунд до 2024 година, но се верува дека на лето ќе биде активирана неговата клаузула од 75 милиони евра со која ќе може да направи трансфер во некој европски фудбалски гигант.

Барселона ќе ја засилува одбраната со Жил Кунде од Севиља

Иако зимскиот трансфер период штотуку заврши, во Барселона веќе припремаат планови за доведување на нови засилувања во текот на летото.

Каталонците беа прилично активни во јануарскиот фудбалскиот пазар и доведоа тројца напаѓачи, Адама Траоре, Пјер-Емерик Обамејанг и Феран Торес. Но во иднина клубот реши да се фокусира на ангажирање играчи со кои ќе ја зајакнат одбраната.

Како потенцијално ново засилување за екипата се споменува дефанзивецот на Севилја, Жил Кунде. Францускиот репрезентативец минатото лето беше поврзуван со трансфер во Челзи, но истиот не се реализира. Единствен проблем за негова преселба во Барселона е неговата висока клаузула за обештетување која изнесува 81 милиони евра.

Австриецот Билик и „зебрите“ од Кил заедно до 2024 година

Актуелниот германски шампион екипата на Кил се договори со Австриецот Никола Билик да остане дел од „зебрите“ до летото во 2024 година.

Тој е веќе шест години во клубот и ќе продолжи да работи, а во Кил се задоволни што ракометарот ќе продолжи да игра за тимот.

Билик се одлучи да го носи дресот на селекцијата на Австрија така што со оваа репрезентација веќе забележа настап на неколку големи натпреварувања.

Новите засилувања Влаховиќ и Закариа со деби голови за Јувентус

Екипата на Јувентус очигледно направи полн погодок со засилувањата кои ги доведе во јануарскиот трансфер период.

Имено, Јувентус славеше победа над Верона со 2:0 во натпревар од Серија А, а стрелци на головите беа новите играчи Душан Влаховиќ и Денис Закариа.

На Влаховиќ му беа потребни само 13 минути за да го запише својот прв гол во деби настапот за Јуве, додека Закариа својот гол го постигна во 61.минута од натпреварот.

Со оваа победа, Јувентус сега се наоѓа на четвртото место на табелата, со осум бода зад лидерот Интер.

Камерунецот Абубакар најдобар стрелец на Купот на Африка

Камерунскиот напаѓач Винсент Абубакар ја доби наградата за најдобар стрелец на Африканскиот куп на нации. Напаѓачот на домашната репрезентација турнирот го зарши со 8 гола.

Во натпреварот за третото место, репрезентацијата на Камерун го совлада Буркина Фасо во пенал рулетот, а токму 30-годишниот Абубакар постигна два гола за неверојатен кам-бек на неговиот тим.

Во својата досегашна кариера во дресот на Камерун, Абубакар има 33 гола и шест асистенции на 82 натпревари.

Никола Калиниќ се врати во Хајдук

Хрватскиот напаѓач Никола Калиниќ се врати во Хајдук од Сплит. 34-годишниот голгетер го раскина договорот со екипата на Верона и ја напушти Серија А.

Калиниќ е поранешен играч на Хајдук кој во 2009 година беше продаден на Блекбурн за 7 милиони евра. Од таму неговата кариера продолжи во Днипро, Фиорентина, Милан, Атлетико Мадрид, Рома и Верона.

Во оваа сезона одигра 14 натпревари во Серија А, постигнувајќи 4 гола.

Неговото враќање во Хајдук сигурно ќе помогне во обезбедување подобар пласман на екипата која сега се наоѓа на четвртата позиција во домашната лига.

Манчестер Сити му нуди нов долгорочен договор на Родри

Екипата на Манчестер Сити планира што подолго да го задржи во своите редови играчот од средниот ред Родри. За таа цел клубот веќе му понудил нов договор со важност до 2027 година. Актуелниот договор на играчот од Шпанија истекува во 2024 година.

Тренерот Гвардиола бил фасциниран од настапите на својот сонародник. Родри пристигна во Манчестер Сити од Атлетико Мадрид и од самиот старт со своите добри игри се наметна како незаменлив играч во средниот ред на тимот.

«< 1595 1596 1597 1598 1599 >»