feature

Нето позираше во дресот на Борнмаут

Борнмаут официјално го ангажираше резервниот голман на Барселона, Нето. 33-годишниот Бразилец пристигнува на „Виталити“ како слободен играч. Тој потпиша 12-месечен договор со „Црешите“ и станува четвртото ново засилување на клубот ова лето, по Џо Ротвел, Рајан Фредерикс и Маркус Таверние. Доминик Соланке и Луис Кук неодамна потпишаа нови договори.

Нето има еден натпревар за репрезентацијата на Бразил. Со тимот на Барселона запиша 12 натпревари во три сезони. Нето во својата богата кариера настапуваше за Фиорентина, Јувентус со кој двапати освои дабл и Валенсија.

„Да можеш да донесеш играч од калибарот на Нето е многу убаво. Ова е вистински удар за клубот и ние сме воодушевени што тој избра да ни се приклучи. Тој има огромно искуство на највисоко ниво на играта, па сигурен сум дека ќе биде огромна предност за нас“, изјави извршниот директор Нил Блејк.

РБ Лајпциг го враќа Вернер по две сезони!?

Фудбалерот, Тимо Вернер, ќе се врати во РБ Лајпциг откако луѓето од Челзи се согласиле да се финишираат преговорите.

Напаѓачот ќе се врати во тимот од Германија по само две сезони откако беше купен од лондончани за 53 милиони евра. Вернер за „сините“ одигра 89 дуели со ефект од 23 гола и 21 асистенција.

Во дресот на РБ Лајпциг има поминато четири сезони со 159 натпревари во кои постигна 95 голови и направи 40 асистенции.

Кирјиос го освои турнирот во Вашингтон

Австралискиот тенисер Ник Кирјиос го освои АТП турнирот од серијата 500 што се играше во Вашингтон.

Тој во финалето беше подобар од Јошихито Нишиока со 2-0 (6-4, 6-3) по два часа и 22 минути игра.

Тоа е негова седма титула во кариерата, а последната во сингл ја освои во 2019 година -исто така во Вашингтон.

Воедно, во американската престолнина славеше и во конкуренција на двојки во двојка со Џек Сок, победувајќи ги во финалето Крајчек и Додиг со 2-0 (7-5, 6-4).

Кирјиос ќе игра и во Монтреал каде ривал во првото коло му е Аргентинецот Баез, а потоа го чека Данил Медведев, доколку ја мине првата пречка.

Медведев го освои турнирот во Мексико без загубен сет

Рускиот тенисер Данил Медведев на спектакуларен начин ја започна американската турнеја, во која успеа да ја освои титулата во Лос Кабос, Мексико победувајќи го Камерон Нори со 2-0, во сетови 7-5, 6-0.

Медведев неверојатно го одигра целиот турнир во Мексико и не загуби ниту еден сет во мечевите против Хиџикату, Беранкис, Кецмановиќ и Нори.

Со оваа титула Медведев ќе го зголеми бодовното салдо и од следната недела ќе има 7.875 бодови на АТП листата.

Севиља го официјализираше трансферот на Иско

Поранешниот играч за врска на Реал Мадрид, Иско ќе игра во Севиља во следните две сезони. Самиот клуб потврди дека постигнал договор со шпанскиот репрезентативец, останува само тој да ги помине медицинските прегледи во понеделник. Откако тоа ќе се случи, Иско ќе го потпише својот двегодишен договор.

30-годишниот Андалузиец пристигнува на „Рамон Санчез Писхуан“ како слободен играч откако на 30 јуни му истече договорот со Реал Мадрид. Главната причина поради која ја избрал понудата на Севиља е Хулен Лопетеги, кој долго време го посакува во својот тим. Од суштинско значење е и учеството на тимот во Лигата на шампионите. Самиот Иско ги намали финансиските барања за да го олесни процесот.

Иско помина девет сезони во Реал, освојувајќи се што е можно. Во последните години, пак, тој играше се поретко, а во текот на изминатата запиша само 407 минути на теренот за „белите“.

Кавани најблиску до Валенсија

Иако во последниот период имаше бројни шпекулации дека уругвајскиот напаѓач Едисон Кавани се договорил со Бока Јуниорс, се чини дека од тој трансфер нема ништо.

Според последните информации од шпанските медиуми, Кавани изразил желба да настапува во Ла Лига, а клуб кој е најблиску до неговиот потпис е Валенсија.

Кавани во Валенсија ќе пристигне како слободен играч откако летово му истече договорот со Манчестер Јунајтед.

ЦСКА Москва најави тужва за Евролигата

Бидејќи е еден од косопствениците на Евролигата, заедно со уште десет клубови, ЦСКА Москва реши да ја тужи споменатата организација за исклучување од натпреварувањето во сезоната 2022/23.

Московјаните поднесоа тужба до судот во Луксембург и очекуваат пресуда за неколку дена. Потегот на раководните луѓе е донекаде изненадувачки, со оглед на тоа што како косопственици учествуваа на сите досегашни состаноци во Евролигата, подеднакво одлучувајќи дали ќе усвојат корекција и воведување нови правила, како и на кои клубови да им биде дадено право на учество во следната натпреварувачка година.

Андреј Ватутин како прв човек на клубот неодамна, по последниот состанок на кој беше одлучено Партизан и Валенсија да ги пополнат испразнетите позиции по исфрлањето на ЦСКА и Зенит поради војната во Украина, се појави смирен кога и се обрати на јавноста. помирен со фактот што Московјаните нема да бидат дел од најелитното натпреварување во следната натпреварувачка година. Впрочем, и за тоа гласаа клубовите косопственици на Евролигата.

Рафаел Надал се повлече од Мастерсот во Монтреал

Најпрвин Новак Ѓоковиќ се повлече од Мастерсот во Монтреал, а денеска истата одлука ја донесе и Рафаел Надал.

Ѓоковиќ мораше да се повлече бидејќи на невакцинирани од странство им е забранет влез во Канада, но Надал мораше да се повлече од здравствени причини.

„Откако одморот и враќањето на тренинзите, се одепе добро овие недели. Пред четири дена повторно почнав да тренирам и по тренингот имав мала непријатност што беше присутна денеска“, објави Надал на Твитер.

„Решивме да не патуваме во Монтреал и да продолжиме да тренираме без форсирање. Искрено му благодарам на директорот на турнирот Јуџин и на целиот негов тим за разбирањето и поддршката што отсекогаш ми ја покажуваа, а ниту денешниот ден не беше исклучок“, наведе шпанскиот ас.

Ерик Баји наместо во Рома заминува во Севиља

Иако претходните денови дефанзивецот на Манчестер Јунајтед Ерик Баји се поврзуваше со трансфер во Рома, тој најверојатно својата кариера ќе ја продолжи во Севиља.

Севиља сака да ја појача одбраната откако тимот го напуштија Жил Кунде и Диего Карлос. Баји е играч на Манчестер Јунајтед од 2017 година каде пристигна од Виљареал за 40 милиони евра. Тој се очекува да биде големо засилување за Севиља со оглед на своето претходно искуство во Ла Лига.

Ирвинг ги одбрал Лејкерси за свој нов клуб

Кајри Ирвинг го избра новиот тим во случај да го напушти Бруклин нетс, па се шпекулира дека ќе го облече дресот на Лос Анџелес Лејкерс.

„Атлетик“ објави дека тоа ќе се случи речиси сигурно, па останува да видиме само дали Ирвинг ќе се пресели во Лејкерс како слободен играч.

Одличниот кошаркар во претстојната сезона треба да заработи 36,5 милиони долари, а во моментов нема интерес од страна на Лејкерс за размена на играчи.

Проблем за Лејкерс во моментов е и Расел Вестбрук, затоа што сака да се ослободи од него, но кошаркарот не планира да си замине.

«< 1602 1603 1604 1605 1606 >»