Горан Перковац фаворит за селектор на хрватската репрезентација

Хрватската ракометна јавност е гневна на Хрвоје Хорват кој уште еднаш потфрли како селектор, па не донесе очекуван резултат и од Мундијалот во Полска и Шведска. Целта на Хрватска беше пласман барем во четвртфиналето, но на крајот „каубоите“ ќе завршат како деветтопласирани.

Јавноста во Хрватска сега шпекулира дека најсериозен кандидат за негов наследник е искусниот, Горан Перковац кој имаше одлична кариера како играч, но барем досега не водел клубови и репрезентации од врвно ниво.

Перковац чиј последен клуб беше Криенс потврди дека разговарал со челниците на Хрватскиот ракометен сојуз и дека е заинтересиран за селекторската позиција.

„Зборувавме пред неколку денови, но ништо конкретно. Заинтересиран сум, но се уште не се залетувам. Тоа е нормално, прво мора да се реши ситуацијата со Хорват. Секогаш сум подготвен да помогнам, но конкретни разговори со Управниот одбор и Сојузот се уште не сум имал#, изјави Перковaц.

Данџума наместо во Евертон заврши во Тотенхем

Арно Данџума ќе биде големото зимско засилување на Тотенхем, пренесуваат англиските медиуми. Иако фудбалерот на Виљареал беше пред трансфер во Евертон, сепак Тотенхем успеа да го „украде“ во последен момент.

Крилниот фудбалер е на пат кон Лондон да ги мине медицинските прегледи и да биде промовиран во Тотенхем.

Данџума ќе пристигне во Тотенхем како позајмен фудбалер за 3 милиони евра, а „спарси“ ќе имаат опција за откуп.

Клоп и Ливерпул заинтересирани за Киеза од Јувентус

Италијанскиот „Калчомеркато“ пренесува дека напаѓачот на Јувентус, Федерико Киеза, би требало да биде долгорочна замена за Мохамед Салах во Ливерпул.

Медиумите од Италија објавуваат дека тренерот на тимот од „Енфилд“, Јирген Клоп, има високо мислење за италијанскиот репрезентативец, и според него тој одлично би се вклопил во составот на Ливерпул.

Моменталната цена на 25-годишниот италијански напаѓач изнесува околу 60 милиони евра, и истатата би била повисока доколку Киеза немаше проблеми со повредите после освојувањето на европската титула со репрезентацијата на Италија во 2021. година.

30-годишниот Салах неодамна го продолжи договорот со Ливерпул до јуни 2025.година, и е најплатениот фудбалер во екипата, но конкуренцијата која би ја донел Киеза со неговото евентуално пристигнување на „Енфилд“, би била одлична за иднината на тимот.

Јапонецот Хачимура потпишува за Лејкерси

Во НБА лигата крајниот рок за трејд е деветти февруари и вообичаено е повеќето трејдови да се случуваат во самата завршница.

Сепак, Лејкерс сега објавија засилување и го направија првиот значаен трејд сезонава. Во своите редови тие го доведоа Јапонецот. Руи Хачимура од Вашингтон Визардс.

Лејкерс во Вашингтон ги испратија Кендрик Нан и три идни драфтови во втората рунда. Така со оваа зделка го сочуваа највредното богатство, а тоа е првиот круг на драфт пикови во 2027 и 2029 година.

Одржана жрепката за полуфиналето во Лигата на нации

Со жрепката одржана во седиштето на УЕФА во Нион, избрани се полуфиналните парови од Лигата на нации.

Во првото полуфинале ќе се сретнат репрезентациите на Шпанија и Италија, додека вториот полуфинален дуел ќе биде помеѓу селекциите на Холандија и Хрватска.

Домаќин на завршницата во Лигата на нации ќе биде Холандија. Натпреварот помеѓу Холандија и Хрватска ќе се одигра на 14.јуни во Ротердам, додека Шпанија и Италија ќе се сретнат на 15. јуни во Еншеде.

Големото финале е закажано за 18.јуни во Ротердам.

Составите за НБА Ол-стар натпреварот ќе се бираат непосредно пред самиот почетокот

Водечките луѓе на НБА лигата, соопштија дека со новиот формат, капитените на Ол-стар тимовите, кошаркарите ќе ги бираат непосредно пред почетокот на натпреварот кој ќе се игра на 19.февруари во Солт Лејк Сити.

Во соопштението од лигата се наведува дека ова ќе биде шести пат како капитените ги избираат своите тимови, но за прв пат поставите нема да се знаат неколку дена пред натпреварот.

Капитен на тимот од Западната конференција би требало да биде Леброн Џејмс од ЛА Лејкерс, додека кандидати за капитен на тимот од Источната конференција се Гркот Јанис Адетокумбо, и Кевин Дурант од Бруклин Нетс, кои засега имаат најголем број на гласови.

Адана Демирспор со понуда за Аријан Адеми

Турскиот фудбалски клуб Адана Демирспор, е заинтересиран за ангажман на македонскиот репрезентативец, Аријан Адеми.

Според некои написи во хрватските медиуми, турскиот прволигаш веќе испратил понуда до Динамо Загреб за купување на капитенот на екипата Адеми, и се чека одговор од шампионот на Хрватска.

Италијанецот Винченцо Монтела, кој е тренер на Адана, имал високо мислење за фудбалските квалитети на Адеми, и инсистирал тој да биде доведен во клубот за време на јануарскиот преоден рок.

Фернандо Сантош е нов селектор на Полска

Португалскиот тренер Фернандо Сантош и официјално е назначен за нов селектор на фудбалската репрезентација на Полска.

Сантош потпиша договор со Фудбалскиот сојуз на Полска до јуни 2026.година. Искусниот 68-годишен португалски стручњак на селекторското место ќе го замени Чеслав Михневич,кој доби отказ после несупехот со Полска на Светското првенство во Катар.

„За мене е голема чест да ја водам Полска, бидејќи станува збор за земја со богата фудбалска историја кој ја одбележа мојата генерација. Репрезентацијата на Полска има доста квалитетни фудбалери, и се наоѓа меѓу најдобрите светски селекции. Од денес сум Пољак, и сум еден од вас. Уверен сум дека ќе ја оствариме целта“, изјави Сантош при официјалната промоција.

Сантош поднесе оставка на функцијата селектор на Португалија после елиминацијата од Мароко во четвртфиналето на Мундијалот во Катар.

Лидс и Јуве преговараат за Винстон Мекени

Juventus Fc – Atalanta Bc Weston Mckennie of Juventus Fc controls the ball during the Serie A match beetween Juventus Fc and Atalanta Bc at Allianz Stadium on January 22, 2023 in Turin, Italy . Torino Allianz Stadium Italy Copyright: xMarcoxCanonierox

Јувентус спрема реконструкција на средниот ред и ќе ја отвори
вратата на некои фудбалери од тимот.
Италијанските медиуми пренесуваат дека „жртва“ може да биде
Винстон Мекени кој ќе биде ставен на трансфер пазарот. Со
враќањето на Погба на терените, Мекени ќе добива уште помала
минутажа, па Алегри дал зелено светло за негова продажба.
Најсилен интерес за Американецот покажува Лидс, кој веќе почнал
преговори со „старата дама“.
Јувентус за неговата слобода бара 20 милиони евра, а
премиерлигашот наводно е спремен да ја плати таа сума.

Челзи му нуди нов договор на ветеранот Тиаго Силва

Фудбалерот, Тиаго Силва, кој има договор со Челзи до крајот на
сезонава, веројатно ќе остане на „Стемфорд Бриџ“ до 2024 година,
најави „Гардијан“.
Бразилскиот дефанзивец кој пред три сезони беше купен од
францускиот ПСЖ, се претвори во една од главните ѕвезди кај
лондончани.
38-годишниот играч кој на времето настапуваше и за италијанскиот
Милан сега е главниот столб во одбраната на „сините“. Затоа Челзи
сака да го задржи барем уште една сезона.

feature