Жозе Мурињо веќе го избра играчот што го посакува за нападот на тимот од новата сезона, кога и официјално ќе ја превземе работата на клупата на римската „волчица“. Според „Кориере дело Спорт“, Мурињо сака во својот состав да го има напаѓачот на Торино, Андреа Белоти. Во Белоти тој гледа совршен човек за нападот на Рома, а како менаџер на Тотенхем веќе се обиде да го привлече во Лондон. Договорот на Белоти со Торино истекува во јуни 2022 година и иако има клаузула за ослободување од 100 милиони евра, таа важи само за потенцијалните купувачи надвор од Италија, а неговата цена е далеку под таа вредност и трансфермаркт во моментов ја проценува на 40 милиони евра. Оваа сезона, 27-годишниот напаѓач има 12 голови и 7 асистенции на 31 натпревар во Серија А.
КК Ангели се нови суперлигаши
Екипата на Ангели ќе игра во финалето на плеј-офот за пополнување на двете места во Првата лига-мажи за наредната натпреварувачка сезона 2021/2022. По триумфот од (65:62) на свој терен, против екипата на Чаир 2030, ја затворија полуфиналната серија со максимални 2-0, доволно да го обезбедат статусот на прволигаши. Иако имаа постојана резултатска предност, кошаркарите на Ангели дозволија гостите од Чаир да стигнат до егал резултат, а последните мигови да го одлучат победникот на средбата. Кој ќе им биде противник во финалето, кое ќе има ревијален карактер, ќе биде познато по одигрувањето на третиот дуел во серијата помеѓу екипите на Партизан Водно Санс и Феникс 2010. Кошаркарите на Партизан Водно Санс се издигнаа по дебаклот во првиот меч од серијата, и на осум секунди пред крајот стигнаа до водството (73:72), кое го одбранија, и на тој начин изедначија во серијата на (1-1), која сега се сели одново на теренот на Феникс 2010, каде ќе се игра т.н. „мајсторка“.
Баскет КАМ го освои првиот трофеј во историјата
Екипата на Баскет КАМ 2011 е новиот освојувач на Купот кој од оваа година го носи името на нашата кошаркарска легенда „Благоја Георгиевски Буштур“. Во финалниот натпревар одигра во СРЦ „Кале“, беа многу подобра екипа од Бадел 1862. Од првата до последната минута од финалните 40, екипата од Македонска Каменица потврди дека со право важеше за фаворит и на овој финален турнир во Скопје. Една од предводничките на составот од Македонска Каменица на овој турнир беше Анџелика Митрашиновиќ. Капитенот на нашиот женски сениорски национален тим финалето го заврши со 22 реализирани поени, 12 скока и 8 асистенции. И недостасуваа само уште две додавања да дојде до троен ефект, што е ретко виден момент на финалните средби од ова натпреврување. Искусната репрезентативка по освојувањето на првиот пехар во историјата на Баскет КАМ и најави голема борба за двојна круна. „Презадоволна сум од исходот во завршницата од Купот, ја очекувавме оваа победа. Сакам да се заблагодарам на КФСМ што воопшто го организираше овој турнир, со оглед на пандемијата со корона вирусот, но и да им честитам на моите соиграчи за добрата игра. Се надевам на уште повозбудливо финале во плеј-офот и на уште еден триумф. Оваа сезона многу се засили македонската кошарка, пред се со странски играчи и тоа е добро за сите. Мене ми заврши со сезоната со Будуќност, па дојдов тука да му помогнам на Баскет Кам во остварувањето на своите амбиции. Се надевам на двојна титула“ – не го криеше Митрашиновиќ задоволството од прикажаното на паркетот.
ФФМ го промовираше официјалниот спот за „Одиме на Европско!“
Фудбалската федерација на Македонија го објави официјалниот спот на навивачката химна „Одиме на Европско“ која е во изведба на групата ВИС Рисови. Официјално, промовиран е видео запис за навивачката химна посветена на македонската фудбалска репрезентација за претстојното Европско првенство во фудбал што ќе се одржи во текот на летото. Македонската фудбалска репрезентација годинава за прв пат ќе настапи на едно големо натпреварување.
Неизвесно одржувањето на трката за ГН на Турција
Неполни две недели откако беше објавено дека патеката „Истанбул Парк“ во Турција ќе биде домаќин на трка од овогодинешниот Формула 1 шампионат на 13 јуни, се појави огромен прашалник за тоа дали оваа трка че биде одржана според планот. Сето ова се случи откако британските власти ја стави Турција на нивната „црвена листа“ поради големиот број на заразени лица од ковид-19 во земјата. Според оваа одредба, секој што бил во Турција десетина дена пред да пристигне на Островот, ќе мора да помине во задолжителен карантин. Во овој случај, стандардните исклучоци од кои имаат корист луѓето кои работат во Формула 1 кога ќе се вратат во Велика Британија по трките, нема да бидат валидни, бидејќи Турција е на оваа листа. „Ние сме свесни за одлуката на британската влада за ограничувања на патувањето во и од Турција и во моментов ја проценуваме ситуацијата. Повеќе детали ќе бидат објавени во наредните денови“, се вели во изјавата за Формула 1.
Херта го загуби Гендузи до крајот на сезоната
Играчот за врска на Херта, Матео Гендузи има повреда што ќе го извади од игра до крајот на сезоната. 22-годишниот играч за врска претрпе фрактура на стапалото при победата на Фрајбург со 3-0 во вчерашниот натпревар. „Прегледите потврдија скршеница на метатарзалната коска“, соопштија од клубот. Матео Гендузи е на позајмица во Херта од Арсенал до крајот на сезоната, но во оваа фаза е нејасно дали играчот ќе остане во Берлин за следната сезона или ќе се врати во Лондон. Херта е во моментов на 14-та позиција во Бундеслигата и се бори да остане во елитата.
Светски првак прави еден од најчудните трансфери
Француски „Екипи“ пишува дека 28-годишниот Флоријан Тован е на прагот на сензационален траснфер во мексички Тигрес. Офанзивецот на Олимпик Марсеј би требало да потпише петгодишен договор за мексичкиот клуб. Договорот со Марсеј му завршува по крајот на оваа сезона, па ќе стане слободен играч, а овој трансфер се очекува наскоро да биде и потврден. Тован е светски првак со Франција од 2018. година и еден од најдобрите француски офанзивци. се очекуваше ова лето да замине во некој голем европски клуб, меѓутоа, тој ќе тргне по стапките на неговиот сонародник Андре-Пјер Жињак, кој во Тигрес стана легенда. Тован ги одби понудите на бројни европски великани кои сакаа бесплатно да го доведат во најдобрите фудбалски години. Тован во кариерата играше за Гренобл, Бастија, Лил, Њукасл и Марсеј. За Франција има девет настапи и еден погодок.
Евротип предлог тикет – Недела 09.05.2021
Еден од најдобрите спортски новинари во државата и регионот – Зоран Мишевски селектира дел од понудата за денешните натпревари и ни даде свое гледиште како би се одвивале истите. Украдете дел од идеите или преземете ги неговите типови, па се надеваме на добивки. Предлог тикетот во ЕВРОТИП носи околу 63 коефициент:
Рен – ПСЖ 2 Двете екипи минуваат низ тешка сезона и бодовите од овој дуел може да бидат одлучувачки за исходот на крајот од сезоната. ПСЖ е во шок по елиминацијата од Лигата на шампионите, а Мбапе не е фит и неизвесен е за настап во овој дуел. Почетино може да не го ризикува и да го остави на клупата за резерви. Сепак, со или без Мбапе, сепак фаворитската улога и натаму е кај „светците“.
Арсенал – ВБА 1-1 По шокот во Лига Европа, Арсенал мора брзо да се соземе и има противник по мерка. ВБА е на прагот на Чемпиншип и скоро да ги загуби сите шанси за опстанок. „Топџиите“ тоа треба да го искористат и да се наполнат со самодоверба со убедлива победа.
Валенсија – Ваљадолид 1, 3+ Секоја тренерска смена нуди позитивен импулс кај екипата, па така и враќањето на „пожарникарот“ Воро треба да ја разбуди Валенсија. Опстанокот не е обезбеден, а ова е директен дуел против екипа која се бори за гол прволигашки живот. Очекувам многу голови и домашен триумф.
Црвена Звезда – Златибор 1, 4+ Титулата веќе е во витрините на „црвено-белите“, па играат до крајот на шампионатот на Србија за своја душа. Со оглед на тоа што разликата меѓу двете екипи е огромна, се чини дека прашање е само колку голови ќе примат гостите во својата мрежа.
Рома – Кротоне 1, 1+ПП & 1+ВП Фонсека сака со стил да ја заврши сезоната и да му отстапи место на сонародникот Мурињо. Нема поубава можност, по Манчестер Јунајтед во четвртокот, да се врати победничкиот ритам и во Серија А. Кротоне е веќе второлигаш, Рома игра супер-офанзивно и отворено и верувам во убедлива победа.
Раул најсериозен кандидат за тренер на Ајнтрахт Франкфурт
Реал Мадрид и Ајнтрахт би можеле да имаат нова соработка. Прво, Лука Јовиќ премина во Мадрид, па се врати назад. Сега по истиот пат би можел Андре Силва, кон престолнината на Шпанија, додека во спротивен правец може да тргне Раул Гонзалес. Како што пишуваат голем дел од германските медиуми легендарниот напаѓач на Реал Мадрид е прв кандидат за нов тренер на Ајнтрахт бидејќи Ади Хитер заминува на крајот од сезоната. Шпанецот е заинтересиран за самостојна работа, а Бундеслигата би можела да биде негова прва дестинација. Раул е тренер на младиот тим на Реал има договор со шпанскиот гигант, но нема дилеми дека ќе добие зелено светло ако навистина сака да оди Ајнтрахт. Преговорите почнале, а ќе продолжат по завршувањето на сезоната.
Готово е, Нејмар потпишува долгогодишен договор!
Според француски „Екип“, Бразилецот Нејмар се согласил да го продолжи договорот со ПСЖ според кој ќе заработува по 30 милиони евра по сезона во следните пет години. Нејмар немал ништо против да прифати помала плата за 5 милиони евра по сезона, но со едно барање, во случај на освојување на ЛШ да заработи бонус од 10 милиони евра. Нејмар неодамна изјави дека е среќен во ПСЖ и дека клубот сега е еден од најдобрите четири во светот, па новиот договор е очекуван потег. Во меѓувреме, тимот од Париз и понатаму работи на продолжување на договорот на Килијан Мбапе.
