Зинедин Зидан е спремен да го прекине одморот и повторно да седне на клупата.

Веќе подолго време се шпекулира дека го чека заминувањето на Дидие Дешамп за да стане селектор на француската репрезентација, па поради тоа ги одби понудите на ПСЖ и Манчестер Јунајтед.

Доколку Дешамп остане на селекторското место како што се најавите, Зидан ќе се врати на фудбалот, па веќе испратил сигнали дека сака клупски ангажман, а негова прва желба е Јувентус.

Зизу својата фудбалска афирмација ја доживеа токму во италијанскиот гигант, а и Јувентус никогаш не ја криел желбата еден ден да го види Французинот на кормилото.

Алегри сигурно ќе остане на клупата до крајот на сезоната, а на лето се очекуваат големи промени во клубот и голема е веројатноста Зидан да ја преземе „старата дама“.

Хрватскиот фудбалски репрезентативец и напаѓач на Динамо Загреб, Мислав Оршиќ, во иднина ќе настапува во Премиер лигата, откако постигна договор за трансфер во Саутемптон.

Според информацијата на Скај Спортс, вредноста на трансферот ќе изнесува 8 милиони евра.

30-годишниот Оршиќ играше на шест натпревари за Хрватска на Мундијалот во Катар и успеа да постигне еден гол. Хрватскиот фудбалер својата кариера ја започна во Интер Запрешиќ, а во последниве четири сезони беше играч на Динамо Загреб, каде на вкупно 214 натпревари постигна 91 гол.

Поранешниот фудбалер на Ајакс, кој неодамна ја прекина соработката со клубот од Амстердам, е пред потпис со шампионот на Германија, Баерн Минхен.

Според информациите на познатиот новинар Дејвид Орнштајн, 32-годишниот Холанѓанец веќе има закажани медицински прегледи со Баерн, и ќе потпише договор како слободен играч.

Блинд може да настапува на повеќе позиции во одбраната, а во кариерата има настапувано и за Манчестер Јунајтед.

Тибо Куртоа е прогласен за голман на годината за 2022 година во изборот кој го направи Меѓународната федерација за фудбалска историја и статистика (ИФФХС).

Куртоа освои 125 поени во рангирањето, оставајќи го зад себе на втората позиција чуварот на мрежата на аргентинската фудбалска репрезентација, Емилијано Мартинез, кој собра 110 поени.

Третото место му припадна на уште едно извонредно голманско име од СП во Катар, Мароканецот Јасин Боно, кој брани и за Севиља и кој собра 55 поени.

Меѓу најдобрите пет на листата на најдобри голмани за минатата година се и Доминик Ливаковиќ од Хрватска и Уго Лорис од Франција.

Корејскиот фудбалски прволигаш Јеонбук Хјундаи Моторс денес го промовираше некогашниот менаџер на Челзи, Роберто Ди Матео, за нов технички советник во јужнокорејскиот клуб.

Последното место на работа за 52-годишниот Италијанец беше местото главен тренер на Астон Вила, на чие чело беше во 2016 година. Оттогаш тој се повлече од активната тренерска работа и чекаше нов предизвик, кој сега го доби во Ј. Кореја.

Ди Матео е познат и по работата со Шалке, Вест Бромвич и Челзи, кој чие негово водство ги освои Лигата на шампионите и ФА Купот во 2012 година.

Ривер Плата ќе добие 51 милион од трансферот на Енцо Фернандез од Бенфика во Челзи, пренесуваат аргентинските медиуми.

Трансферот на Фернандез на „Стенфорд Бриџ“ е пред комплетирање откако Челзи се согласи да ја плати откупната клаузула од 127 милиони евра.

Ривер Плата ќе добие 33 милиони евра како матичен клуб од каде поникнал играчот. Исто така ќе добие и 18 милиони евра од Бенфика, според договорот при продажбата на Аргентинецот ова лето.

Фернандез ова лето пристигна во Бенфика и одигра само 15 меча за клубот од Лисабон, но блесна на Мундијалот каде беше избран за најдобар млад фудбалер.

Напаѓачот на Ливерпул, Роберто Фирмињо, е подготвен да остане во клубот, и покрај сериозниот интерес за него кои го имаат клубови од Саудиска Арабија.

Договорот на Бразилецот со тимот од „Енфилд“ истекува на крајот од сезоната, и во моментот тој води преговори за продолжување на соработката.

31-годишниот Фирмињо е член на Ливерпул од 2015.година, кога за 29 милиони фунти пристигна од Хофенхајм.

Во последниов период интерес за ангажман на Фирмињо покажуваат и од Атлетико Мадрид, Јувентус и Сао Пауло.

Во текот на актуелната сезона крилниот напаѓач на Барселона, Ансу Фати има слаба минутажа. Запиша Фати само 16 натпревари, но скоро сите беа само од клупите за резерви и вкупно на теренот помина околу 500 минути. Агентот на Фати, Жорж Мендеш не е задоволен од третманот кој го има неговиот клиент во Барселона.

Шпанскиот новинар Алфредо Мартинез пишува дека португалскиот агент и ставил до знаење на Барселона дека ако Фати продолжи да не добива поголема минутажа ќе се обиде да го продаде во текот на летото  Уште еден шпански новинар, Маркал Љоренте додава дека Барселона е спремна да го пушти Фати уште во јануари. На Барса и се потребни пари да ги среди финансиските документи и Фати изгледа како добра можност за солидна заработка.

Неговиот договор со Барселона е со важност до 2027 година и има клазула од милијарда евра. Според информациите на Шпанците Барса е спремна да го продаде за околу 70 милиони евра.

За Барселона Фати дебитираше уште во 2019 година како 16-годишник и беше најавуван како еден од најголемите таленти во поновото време на „Ла Масија“. Неговата клупска статистика е 26 голови на 83 натпревари.