feature

Шпанецот Педри прогласен за најдобар млад фудбалер на Европското првенство

Mладиот фудбаелр на Барселона и човек кој истрча најмногу во полуфиналето помеѓу Италија и Шпанија, Педри е избран за најдобар млад фудбалер.

Педри собра најмногу гласови во изборот на специјалната комисија на УЕФА составена од легендите: Фабио Капело, Козмин Контра, Паки Бонер, Естебан Камбиасо, Корин Диакре, Жан-Мишел Домерк, Штефан Фројнд, Душан, Фицл, Франс Хок, Аитор Каранка, Роби Кин, Жинес Менендез, Дејвид Мојс, Вили Ротенштајнер, Миску Питалаинен и Питер Рудбек.

Оваа награда се избираше помеѓу фудбалери родени 1998 година и помлади. По Европското првенство Педри доби неколку слободни денови, па ќе се приклучи на Шпанија за турнирот на Летните Олимписки Игри во Токио.

Кејн: Најболен е поразот по пеналите, ќе го паметите цел живот

Хари Кејн беше крајно разочаран од поразот во финалето на Европското првенство. Италија ја доби битката за трофејот по изведувањето на пеналите на „Вембли“.

„Немаше што повеќе да се даде. Момчињата немаа што повеќе да дадат. Губењето на пенали е најнепријатното чувство на светот. Не беше наша вечер, но тоа беше фантастичен турнир и мора да сме со кренати глави. Секако, боли сега. Ќе боли некое време, но ние сме на добар пат, градиме добар тим и се надевам дека ќе продолжиме“, рече Хари Кејн.

„Игравме против многу добар тим. Започнавме совршено. Веројатно се повлековме премногу наназад во одредени моменти. Тие многу ја држеа топката, но не создадоа многу шанси. Израмнија по прекин, а ние имавме некои шанси во продолжението, а кога ќе дојдат пеналите, тоа е веќе друга работа“, додаде Кејн.

Меси играл повреден во финалето на Копа Америка

Аргентинскиот селектор Лионел Скалони му оддаде признание на Лионел Меси, обелоденувајќи дека капитенот настапил повреден во триумфот (1-0) над Бразил во финалето на Копа Америка во Рио де Женеиро.

„Ако знаете што се поднесуваше и начинот на кој го одигра Копа Америка ќе го сакате уште повеќе, им изјави Скалони на новинарите по победата на Аргентина на стадионот „Маракана“. Никогаш не можете да играте без фудбалер како него, дури и кога не е во најдобра форма или е повреден“, додаде Скалони, кој не изнесе повеќе детали за повредата на Меси во ноќта кога Аргентинците масовно излегоа на улиците за да ја прославата првата титула по пауза од 28 години.

Меси и неговиот поранешен соиграч во Барселона, Бразилецот Нејмар, ја поделија нагрaдата најдобар фудбалер на Јужноамериканското првенство.

Европското првенство се проширува на 32 репрезентации

УЕФА размислува за проширување на Европското првенство од 24 на 32 екипи, пренесува „Асошиејтед Прес“.

Форматот се ревидира додека се одредува тимот домаќин на Еуро 2028. Одлуката треба да биде донесена до крајот на 2023 година. Доколку се одлучи да се зголеми бројот на екипи, УЕФА може да ја популаризира Лигата на нации, што на крајот може да ги замени квалификациите за Европското првенство.

Причината за можното проширување од 24 на 32 екипи е да се израмни форматот на завршниот турнир. Од Евро 2016, најдобрите четири екипи кои го освоија третото место, исто така учествуваат во плејофот на ЕП.

Сепак, со овој формат, некои тимови треба да ги чекаат последните натпревари во групната фаза во Евро, за да видат дали успеале да се пласираат во 1/8 финалето. Во случај да се игра ЕП со 32 екипи, тогаш најдобрите две од секоја група ќе се пласираат во осминафиналето и ќе ги продолжат натпреварите во елиминациската фаза.

Виктор Ефремовски на „принуден“ одмор

Виктор Ефремовски, кој го одработи првиот тренинг, принудно ќе мора да ги пропушти наредните неколку тренинзи.

Причината е претходно закажниот термин за вакцинација, кој се совпадна со почетокот на подготовките на нашиот национален тим.

Стручниот тим на нашата најдобра селекција предводен од селекторот Драган Бајиќ одлучи да го поштеди бекот-шутер од наредните активности.

По дозвола од докторите, Ефремовски ќе се врати во процесот на подготовките кои официјално стартуваат денеска.

Барселона се обидува да се ослободи од Гризман

Барселона се уште се обидува да собере средства за да му понуди на Лионел Меси двегодишно продолжување.

За да ја достигне потребната сума, каталонскиот клуб се обидува да се ослободи од скапиот „товар“, односно играчите кои заработуваат многу, а за кои веруваат дека не се клучни во трката за титули.

Заедно со веќе споменатите Самуел Умтити и Миралем Пјаниќ, на списокот на „непотребни“ играчи се најде и Антоан Гризман. Според претходниот напис во шпанските медиуми, Умтити и Пјаниќ се спротивставиле на идејата да си заминат со исплата во договорениот раскин на договорот, но се чини дека Гризман нема ништо против.

Тој е подготвен да замине, се тврди, но само доколку Барселона го испрати во клуб што има потенцијал да се бори за титули.

Гризман веќе се реши да ги разгледа опциите што би биле најдобри за него во продолжението на кариерата, се додава.

Зошто Ѓоковиќ јаде од тревата кога ќе го освои Вимблдон?

Новак Ѓоковиќ викендов по шести пат во кариерата го освои Вимблдон, откако во финалето во четири сета го совлада Италијанецот Матео Беретини.

По натпреварот го видовме и традиционалниот потег на Новак – секој пат кога ќе го освои Вимблдон, тој јаде од лондонската трева. Така направи и овој пат. Многумина се прашуваат зошто го прави тоа, а Новак своевремено низ смеа кажа дека тоа го прави бидејќи е вегетаријанец. Вистината е дека сакал освојувањето на Вимблдон да го прослави различно од останатите.

„Како дете сонував дека го освојувам Вимблдон и тоа уште тогаш ми беше една од желбите кога ќе победам во финалето. Сакав да направам нешто различно, а не се сетив на некоја пооригинална идеја, па одлучив да јадам малку трева. Многумина ме прашуваат каков е вкусот… Тоа е најдобрата трева на светот.“ – рече Ѓоковиќ, кој со 20. Гренд слем го израмни рекордот кој го држат Роџер Федерер и Рафаел Надал.

Кин по финалето критикуваше двајца Англичани

Аналитичарот на Скај Спортс, Рој Кин упати остри критики кон Рахим Стерлинг и Џек Грилиш, за кои смета дека мораа да преземат одговорност во изведувањето пенали.

„Ако сте Стерлинг или Грилиш, не можете да пуштите дете (Сака) да изведе пенал ред вас, едноставно не можете. Тој е срамежлив 19-годишник, а тие имаат многу повеќе искуство, Стерлинг освојувал трофеи. Мораа да преземат одговорност.“ – вели Кин.

За потсетување, Донарума му го одбрани одлучувачкиот петти пенал на Сака, а претходно непрецизни беа и 23-годишниот Рашфорд, како и 21-годишниот Санчо, кои селекторот Саутгејт ги внесе во игра исклучиво за изведувањето пенали. Англискиот селектор ја презеде вината за поразот во пенал рулетот.

„Донесов одлука за изведувачите на пенали на темел на тренинзите. Победувавме како екипа и исто така ќе го сносиме овој пораз, а што се однесува на пеналите – тука сум јас виновен.“ – изјави Саутгејт.

Донарума прогласен за најдобар играч на Европското првенство

Голманот на италијанската репрезентација, Џанлуиџи Донарума е прогласен за најдобар фудбалер на европското фудбалско првенство.

Донарума беше јунак во италијанската победа во финалето на ЕУРО против Англија по изведувањето на пенали, бранејќи ги ударите од белата точка на Џејдон Санчо и Букајо Сака.

„Ние сме одлична екипа. Не се предадовме во ниту еден момент. Успеавме од нула, ова е одличен тим и го заслужува овој успех.“ – рече Донарума, па додаде:

„Буфон е најдобриот голман кој некогаш играл фудбал, чест ми е што го наследив. Секогаш се трудам да дадам се од себе и да бидам голманот кој и е потребен на оваа екипа. Ќе видиме каков голман ќе бидам во својата кариера и што ќе постигнам.“

Милан започна преговори со Реал за Одриозола

Речиси е извесно дека Милан нема да го врати Диого Дало во своите редови откако Манчестер Јунајтед одбил да го пушти играчот на нова позајмица.

Опција за „ѓаволите“ единствено била перманентен трансфер, нешто за што Милан не бил подготвен да преговара.

Токму затоа сега од Милан вниманието ќе го насочат кон играчот на Реал Мадрид, Алваро Одриозола. Фудбалерот нема иднина во “кралскиот клуб” и веројатно ќе ја промени средината во летниот преоден рок.

Реал би се согласил да го прати на позајмица во Милан, но се уште не се знае дали играчот е заинтересиран за премин во Милано.

«< 1655 1656 1657 1658 1659 >»