Буфон: Доста беше резерва, дојдов во Парма за да бранам
Буфон од неодамна и официјално се врати во Парма, италијанскиот голман ќе ја заврши кариерата во клубот каде што ја започна.
Сега Буфон откри дека тој имал понуди од два топ клубови, меѓутоа се одлучил да игра повторно во Парма.
„Парма ми го понуди она што другите не можеа. Имав понуди од два клуба, еден од нив играше и во Лигата на шампионите. Сепак, јас се изморив да бидам резерва. На крајот и за овој клуб чувствувам посебни емоции“, изјави Буфон.
„Кралсвите“ не го сакаат Погба како дел од трансферот на Варан
Реал Мадрид ја одбил понудата на Манчестер Јунајтед за размена која ги вклучувала Пол Погба и Рафаел Варан.
Интересно е што двајцата Французи имаат договор со своите клубови до 2022 година и одбиваат да ја продолжат соработката.
Двајцата сакаат да ја променат средината, а Варан е голема желба на Манчестер Јунајтед. Меѓутоа, „кралевите“ ја одбиле понудата на „црвените ѓаволи“ бидејќи сакаат само кеш.
Реал е спремен да го продаде дефанзивецот доколку пристигне понуда од 60 милиони евра бидејќи подготвува сериозна финансиска понуда за Килијан Мбапе.
Суарез измисли нов начин за „крадење“ на време!
Репрезентацијата на Уругвај одигра 1:1 против Чиле во средбата од третото коло во групната фаза на Копа Америка.
Чиле поведе во 26. минута со погодокот на Едуардо Варгас, а бодот на Уругвај го донесе Артуро Видал на средината од второто полувреме, кога ја испрати топката во својата мрежа.
Дека Уругвајците беа задоволни и со бод од овој натпревар, покажал и еден детал од завршницата.
Луис Суарез измисли нов начин како би задржал време. Откако топката заврши во гол-аут, тој застана пред голманот на Чиле, Клаудио Браво и ја изваде копачката. Браво, некогашниот соиграч на Суарез од Барселона, отиде два метра подалеку и се обиде да ја врати топката во игра, но уругвајскиот напаѓач повторно застана пред него за да ја облече копачката.
Во групата А, Аргентина е прва со седум бодови, Чиле е втор со пет, Парагвај трет со три, додека Уругвај има еден бод, а Боливија е без бодови. Последните три репрезентации досега одиграа само два натпревари, а најдобрите четири ќе се пласираат во четвртфинале.
https://twitter.com/i/status/1407272452502298626
Меси го добива најубавиот подарок за роденден!
Капитенот на Барселона и репрезентацијата на Аргентина, Лионел Меси ќе го продолжи договорот со Каталонците на уште две години!
По доста неизвесности за Барселона и нивните навивачи, конечно можат да се опуштат. Лионел Меси ќе остане во Каталонија уште две сезони, а потоа се сели во МЛС, односно во Интер Мајами, па по крајот на професионалната кариера ќе добие функција на „Камп Ноу“.
Наскоро треба да следи и официјално соопштение по повод договорот на Аргентинецот со претседателот на клубот Лапорта, а со оглед на тоа што роденденот на Меси е утре, тој ќе биде оној што ќе го подели подарокот со навивачите.
Она што е интересно е дека Меси се согласи на намалување на платата, што за Барселона беше од круцијално значење со оглед на тоа што Ла Лига им се „закани“ со одземање на лиценцата за натпреварување наредната сезона поради големи долгови.
Последниот договор на Меси ја чинеше Барселона 24 милиони евра на годишно ниво, а вкупно 96 милиони евра. Сега ќе биде на половина. Исто така, Барселона двегодишната плата на Меси ќе ја исплаќа во наредните пет години.
„Светците“ ја зголемија понудата за Ашраф Хакими
ПСЖ е подготвен да ја зголеми својата понуда до Интер за Ашраф Хакими на скоро 75 милиони евра со вклучените бонуси, информираше „Скај Спорт“.
Предлогот ќе се објави официјално наскоро и ќе биде прифатен. Агентот на Мароканецот веќе откри дека неговиот клиент дефинитивно го напушта италијанскиот шампион. Челзи е другиот сериозен кандидат за Хакими, но од таму за возврат нудат помала сума и играчи за размена. Поради финансиската криза, Интер повеќе сака да добие пари и најверојатно ќе потпишат договор со ПСЖ.
„Навиваме и добиваме“ во полн ек – вклучи се и ти!
Скоро сме на половина од фудбалското Европско првенство, финализира групната фаза, а со тоа ќе започнат и поголемите возбудувања во елиминациите, каде секогаш натпреварите ветуваат интересни резултати, голови и вистинска фудбалска магија.
Репрезентацијата на Македонија нема да го продолжи својот настап, но со спортските обложувалници Евротип и понатаму навиваме и добиваме!
Токму тоа е мотото на наградната игра која е во полн ек, а со која во текот на целиот овој фудбалски месец Ве очекуваат бројни вредни награди!
Најсреќните двајца добитници, односно оние кои во текот на Европското првенство ќе имаат тикети со највисок погоден коефициент, еден тикет во регуларна уплата и еден со највисок коефициент од понудата за обложување во живо, ќе бидат наградени со вреден четирицикл!
Возбудувањата не застануваат тука, па награди се доделуваат и на секои четири, пет дена! Не се заборавени ниту оние „малерозни“ кои ќе промашат само еден натпревар на тикетот, па секој таков тикет кој ќе има највисок погоден коефициент (не сметајќи го промашениот пар), ќе биде наградуван со Самсунг Галакси А52 во текот на Европското првенство!
Сега е вистинскиот момент и за користење на Евротип клуб картичката, која доколку се уште ја немате, можете во секој момент да се обратите кај операторот во вашето уплатно место и да ги искористите сите поволности.
„Навиваме и добиваме“ до самиот крај на Европското првенство!
Матс Хумелс и Илкај Гундоган го одработиле целосно денешниот тренинг со германската репрезентација, а Томас Мулер е сè уште под знак прашање за последниот натпревар од групната фаза на Европското првенство против Унгарија, кој се игра утре вечер.
Тројцата го пропуштија тренингот во понеделникот, а Милер денес одржа индивидуална сесија во кампот Германија. Sвездата на Баерн има болка во коленото и медиумите во земјата очекуваат тренерот Јоаким Лев да го чува за следната фаза на ЕП. Тој треба да биде заменет со Леон Горетцка или Тимо Вернер.
Хумелс, дефанзивецот на Борусија Дортмунд, ќе биде на располагање на Јоаким Лев по третманот за повреда на коленото. Играчот за врска на Манчестер Сити, Илкај Гундоган имаше болка во мускулот, но може да игра и против Унгарците.
Турски Фенербахче го купува Вардар?
Сензационална вест доаѓа од Турција, турски Фенербахче според информациите на медиумите во Турција има намера Вардар да го направи своја филијала.
Во текстот на „Фанатик“ се наведува дека веќе се почнати преговорите за скопската гордост да премине во рацете на турскиот гигант. Ако ваквите најави станат реалност Вардар веднаш би добил добри фудбалери со кој може да се надева на излез на евросцената, а играчите би собирале искуство пред да се вратат во Фенер.
Првиот човек на Фенербахче, Али Коч и најави дека во регионот се бара клуб за своја филијала.
Јован Стојоски ќе ја претставува Македонија на ЛОИ во Токио
Членот на охридскиот атлетски клуб Јован Стојоски ќе биде македонски претставник во атлетика на Олимписките игри во Токио, одлучи Македонскиот олимписки комитет (МОК).
Стојоски има олимписки циклус за паметење, постигнувајќи одлични резултати каде и да настапуваше. Покрај Стојоски специјална покана добија каратистката Пулексенија Јованоска, стрелачот Бранко Бранковски и пливачите Филип Дерковски и Ева Петровска.
Со исполнета А норма на Олимписките игри во Токио ќе се натпреваруваат Дејан Георгиевски – Таеквондо односно Магомедгаджи Нуров – Борење слободен стил.
Олимписките игри во Токи започнуваат на 23 јули и ќе траат до 8 август.
Полн „Вембли“ за полуфиналето и финалето на Европското првенство
Британската влада објави дека ќе им овозможи на повеќе од 60 000 гледачи да дојдат на култниот стадион „Вембли“ во Лондон за полуфиналето и финалето на Европското првенство во фудбал.
Ова значи дека капацитетот на „Вембли“ ќе се пополни до три четвртини, а сите што ќе бидат на трибините ќе треба или да направат негативен тест за ковид-19 или потврда дека примиле втора доза на вакцина против ковид-19 најмалку 14 дена пред натпреварот.
За претходните натпревари во групната фаза од натпреварувањето, капацитетот на „Вембли“ беше намален на 22.500 гледачи, а тоа ќе важи и за натпреварот од осминафиналето меѓу Италија и Австрија, кој е закажан за 26 јуни. Но, веќе на 29 јуни, за натпреварот од осминафиналето во кој можеше да игра Англија, капацитетот ќе се зголеми на 40 000 гледачи.
Одлуката на британската влада е донесена во време на зголемен притисок врз УЕФА и нејзиниот лидер Александар Чеферин да го одземе организирањето на на полуфиналето и финалето во Лондон, поради зголемувањето на бројот на заразени т.н. Индиски вид коронавирус, за кој научниците тврдат дека е значително поопасен од првата верзија, која се појави на британско тло.
