Фудбалерот на Франција, Кингсли Коман, денес доби дозвола од селекторот и од УЕФА да ја напушти базата на „триколорите“ во Париз и да присуствува на пораѓањето на неговата сопруга.

Французите на стартот ја совладаа Германија со 1-0 а утре ги очекува пресметката со Унгарија на стадионот во Будимпешта.

Одлуката за временото отсуство на Коман е донесена во договор со челниците на УЕФА бидејќи репрезентативците се обврзани на строги протоколи поради пандемијата со ковид-19.

Серхио Рамос денес и официјално го напушти Реал Мадрид после цели 16 години, па веќе започна битката за неговиот потпис.

Рамос не успеа да најде заеднички јазик со Реал Мадрид за продолжување на соработката и сега е слободен агент. Иако има 35 години дефанзивецот веќе има неколку понуди. 

Шпанските медиуми тврдат дека најсилен интерес покажуваат клубови од Манчестер и ПСЖ, кои се спремни да ги задоволат неговоте финансиски барања.

Фаворит за неговиот потпис е Пари Сент Жермен, кој е во напредни преговори со неговиот агент и му нуди двегодишен договор и плата од 10 милиони евра по сезона.

Патсон Дака ќе му се приклучи на Лестер, објави новинарот Фабрицио Романо.

Според изворот, двете страни постигнале договор. Трансферот ќе биде официјално објавен следната недела. Според извештаите на медиумите, Ливерпул, Челзи и РБ Лајпциг исто така тврдеа дека фудбалерот е во нивните планови. Минатата сезона, 22-годишниот напаѓач од Замбија стана најдобар стрелец на австрискиот шампионат.

Тој има 34 гола и 12 асистенции на 42 настапи за Салцбург во сите натпреварувања. Порталот Трансфермаркт го проценува играчот на 22 милиони евра. Дака игра за Салцбург од 2018 година. Играчот ја започна својата европска кариера во австрискиот клуб Лиферинг, каде се пресели од Замбија во 2017 година.

Бизарна беше причината за пропаѓање на доаѓањето на Пауло Фонсека во Тотенхем. Лондонскиот клуб имаше се договорено со португалскиот стручњак, договорот беше подготвен за потпис, но се пропадна поради тоа што Фонсека додека ја водеше Рома во последните две години имаше даночни олеснување, а тоа во Англија би го немал.

Новинарот Џанлука ди Марцио пишува дека нов фаворит за преземање на Тотенхем е Џенаро Гатузо, кој исто така бизарно ја напушти Фиорентина само 20 дена откако беше именуван за нов тренер. Гатузо ја напушти Фиренца поради различна философија со управата околу трансферите.

Претходно, Италијанецот беше две години во Наполи, каде пристигна од Милан, кој го водеше од 2017. до 2019. година.

Јувентус и Пауло Дибала најверојатно ќе се разделат на крајот на сезоната, тврдат италијанските медуми.

Двете страни иако веќе со месеци преговораат, се уште не постигнале договор за продолжувње на соработката. Поради тоа Јувентус донесе одлука да го продаде на лето, бидејќи влегува во последната година од договорот. Италијанските медиуми денес лансираа вистинска „бомба“ и тврдат дека Дибала може да заврши во редовите на големиот ривал Милан, кој веќе стапил во контакт со неговиот агент.

Денес агентот на Аргентинецот, Жорге Антун пристигна во „Каза Милан“ на средба со Паоло Малдини.

Дибала во Јувентус заработува 7 милиони евра по сезона, а Милан е спремен да му понуди договор каков што му понуди на Донарума, односно 8 милиони по сезона плус бонуси.

Милан ја искористи својата опција да го купи Фикајо Томори и дефанзивецот ќе стане играч на „росонерите“ следниот месец.

Англискиот дефанзивец пристигна на позајмица на „Сан Сиро“ во јануари и импресионираше со своите настапи. Тој настапи на 22 натпревари и постигна еден гол.

Италијанскиот гигант ќе плати 25 милиони фунти за 23-годишниот Томори плус 5 милиони бонуси. Играчот потпиша 4-годишен договор со Милан до јуни 2025 година.

Серхио Рамос официјално го напушти Реал. Го напушти мадридскиот клуб, за кој одигра 671 натпревар, откако истече неговиот договор. Со претседателот на клубот, Флорентино Перез не успеа да најде заеднички јазик за продолжување на соработката.

„Последните неколку месеци Реал ми нудеше едногодишен договор со 10 отсто намалување на платата. Парите никогаш не биле проблем, но јас сакав договор на две години. Подоцна го прифатив предлогот, но понудата на Реал имаше рок до кога морав да се изјаснам, а јас тоа не го знаев.“ – рече 35-годишниот Рамос.

Шпанскиот дефанзивец се уште не објавил во кој клуб ќе ја продолжи кариерата.

„Враќање во Севиља? Не, тоа не е опција.“ – рече Рамос, кој потоа беше запрашан дали има можност за заминување во Барселона, најголемиот ривал на Реал.

„Невозможно. Никогаш нема да ме видите во тој клуб. Не знам за кого ќе потпишам. Кога ќе одлучам, прв ќе ја објавам одлуката.“