feature

Евротип предлог тикет – Недела 06.06.2021

Еден од најдобрите спортски новинари во државата и регионот – Зоран Мишевски селектира дел од понудата за денешните натпревари и ни даде свое гледиште како би се одвивале истите. Украдете дел од идеите или преземете ги неговите типови, па се надеваме на добивки. Предлог тикетот во ЕВРОТИП носи над 34 коефициент:

Белгија – Хрватска | ГГ, 3+

Двете селекции најавија дека ќе играат со „шарени“ состави, иако ова е последен тест пред Европското првенство. Белгија има многу моќен состав, а Хрватите се во пад, кој го видовме и против Ерменија. Сепак, без Де Брујне моќта на „ѓаволите“ многу се намали, па очекувам израмнет натпревар со многу голови.

Холандија – Грузија | 1-1, 3+

Со новиот експеримент и формација 3-5-2 Франк де Бур не ги собра симпатиите, напротив, многу го критикуваат во татковината. Ремито со Шкотска беше окарактеризирано како неуспех, а Грузија е можност запоправен испит. Со убава победа „лалињата“ може да ја поправат климата пред големиот турнир.

Данска – БиХ | 1, 1+I & 1+II

По ремито во Германија, самодовербата на данската репрезентација порасна и сите во земјата веруваат во квалитетите на оваа селекција. Данска е многу поискусна од БиХ, која доаѓа со нова репрезентација и среде експеримент. Домашната победа делува како реален исход.

Англија – Романија | 1-1

Англија ја победи Австрија во тест во кој не играа фудбалерите на Манчестер Сити, Манчестер Јунајтед и Челзи. Сега се очекува нивно приклучување кон ростерот и можност Саутгејт да го види целиот потенцијал. Романија не е противник на нивото на „Гордиот Албион“.

Норвешка – Грција | 0-2

Две селекции кои не играат на Европското првенство, тестираат за продолжувањето на мундијалските квалификации. Овие две репрезентации не може да се пофалат со отворен фудбал и многу голови. Затоа, идеална опција е игра на мал број на голови, иако се работи за контролен натпревар.

Бразилците не сакаат да играат на Копа Америка?!

На само неколку денови пред почетокот на Копа Америка, турнирот е доведен во прашање.

Откако Аргентина го откажа домаќинството, а Бразил го презеде, сега играчите на Бразил не сакаат да го играат турнирот, кој би требало да започне на 13. јуни до 10. јули.

Бразилските медиуми пишуваат дека селекторот Тите рече дека конечната одлука ќе ја донесат играчите по настапите во квалификациите за СП.

„Играчите имаат јасен став. Се противат на одигрувањето на турнирот.“ – рече Тите и додаде дека конечната одлука ќе биде донесена по натпреварите со Еквадор и Парагвај.

Тите, заедно со капитенот Касемиро, ќе се појават на прес конференција и јасно ќе го кажат својот став.

Наводно, голем број бразилски репрезентативци им се јавуваат на нивните колеги од други репрезентации да ги наговорат и тие да реагираат со одбивање на турнирот.

Проблеми за Формула 1 – одложена трката во Сингапур!

Раководството на Формула 1 е во потрага по решение. Откако го наполнија календарот, сакајќи трките да се одржат на што повеќе континенти, организацијата сепак поради пандемијата не се одвива се според планот.

Големата награда на Сингапур нема да се вози оваа сезона. Челниците на Формула 1 и сингапурските власти донеле одлука трката да се отстрани од календарот бидејќи нема можност да се организира поради строгите правила за влез во земјата.

Сингапур воведе рестрикции околу патувањата, а од Формула 1 ќе се обидат да пронајдат нов домаќин со цел да не се намали бројот на трките. Кандидати за замена се Турција, Кина и Остин во САД, каде оваа сезона би можеле да се возат две трки.

Англиските медиуми јавуваат дека покрај Големата награда на Сингапур во прашање се доведува и одржувањето на трките во Бразил, Јапонија, Мексико и Австралија.

Бубакар Камара од Олимпик Марсеј пред портите на „Сан Сиро“

Милан покажува сериозен интерес за играчот на Марсеј, Бубакар Камара, пренесуваат медиумите на Апенините.

21-годишниот играч одигра одлична сезона со Марсеј, а скаутите на Милан веќе подолго време ги следат неговите настапи и неговиот развој.

Камара е поливалентен играч кој може да игра како централен дефанзивец, но и како последен играч за врска. Милан е во потрага по засилување за средниот ред и во него гледа идеална алтернатива за Кеси.

Италијанските медиуми пренесуваат дека Марсеј е спремен да ја пушти својата ѕвезда за 30 милиони евра, но Милан ќе се обиде да ја намали цената преку преговори.

Поради наместени натпревари – уапсена руска тенисерка на Ролан Гарос!

Руската тенисерка Јана Сизикова е уапсена на Ролан Гарос под сомнение дека местела натпревари.

Полицијата во Париз синоќа ја уапсила Сизикова и русинката е задржана во притвор. Обезбедување на турнирот се обидело да го спречи апсењето на тенисерката кое се случило додека одела на масажа по натпревар.

Истрагата против неа е покрената во октомври минатата година поради тврдења дека натпреварот од првото коло од женската пресметка во двојки е наместен.

Локалните медиуми јавуваат дека Сизикова ги негирала наводите, а нејзиниот адвокат Фредерик Бело за „АП“ истакнал дека 26-годишната тенисерка сака да поднесе жалба поради клевета.

„Ставена е во притвор како криминалец. Таа истакна дека е невина и не сакаше да и помагам за време на испитувањето бидејќи се смета за жртва.“ – истакнал адвокатот на руската тенисерка.

Карлос Тевез стави крај на богатата кариера

Поранешниот аргентински репрезентативец, Карлос Тевез објави дека ја напушта Бока Јуниорс и заминува во пензија на 37 година.

„Сега можам да кажам дека се повлекувам, иако можно е за три месеци да се разбудам и да посакам повторно да играм. Но, никогаш повторно нема да биде дел од Бока. Ова е ден од моите најтажни денови, но верувам дека носам правилна одлука. Бока е мојот живот и не смеам да бидам само просек тука. Ако не можам да дадам 100%, подобро е да се повлечам.“ – изјави Тевез.

Тевез кариерата ја започна во Бока Јуниорс по што ги носеше дресовите на Коринтијанс, Вест Хем, Манчестер Јунајтед, Манчестер Сити и Јувентус.

Почина поранешен фудбалер на италијански Милан

Поранешниот член на Милан и некогашен играч на италијански Беневенто, Сеид Висин починал на
20 годишна возраст.
Висин е роден во Етиопија, но брзо се преселил во Италија. Дошол во Милан каде бил член на
младата екипа на славниот клуб, а „Газета дело спорт“ пишува дека бил пријател со Џанлуиџи
Донарума.
Во 2016. година, тој одлучил да го остави големиот фудбал и се префрлил на футсал. Настапувал за
тимот на Атлетико Виталита во Серија Д.

МЗТ Скопје на чекор до титула

„Металците“ ги стопија надежите на кавадарчани во последните четири минути од вториот натпревар, за победа 95:91 и „брејк“ за 2-0 во финалето.

Со девет поени по ред, на репрезентативниот бек, Андреј Магдевски во последните четири минути од дуелот во салата „26.април“, МЗТ Скопје Аеродром го скрши отпорот на Еуро Никел 2005. Дојдоа популарните „металци“ до посакуваниот брејк, па во Скопје, ќе ја имаат првата меч топка за осмата, за нив, шампионска титула во историјата, но и можност да ги обединат двете домашни круни во оваа турбулентна сезона.

Кавадарчани имаа одлични, 30 дадени поени во првиот период од вториот финален меч. Имаа и двоцифрена предност (32:22), во уводната минута од втората четвртина. Но и тоа, се покажа, не им беше гаранција за сигурност, затоа што екипата која има (1-0) во оваа серија, најде начин, секако и играчи, да се врати назад во игра.

Интересно, поентерски, во тоа прво полувреме се идвоија високите играчи. Роберт Рикиќ на домашната, кој реализираше 15.поени, и Крстевски, на гостинската, кој финишираше со 11.поени, и Олуџоби, кој имаше два помалку во тој дел од финалето број 2.

Уште еднаш, МЗТ Скопје Аеродром имаше „подобра клупа“ која реализираше 11.поени, наспроти пет на противникот.

Следната станица е салата во СЦ „Јане Сандански“, во недела навечер, кога можеби ќе го добиеме и новиот шампион.

ЕУРО 2020 – 19. Словачка одблиску

Словачка нема намера да биде само учесник на Европското првенство!

Фудбалската репрезентација на Словачка е национален машки фудбалски тим раководен од фудбалскиот сојуз на Словачка. Од 2016 година, натпреварите на домашен терен, словачката репрезентација ги игра на реновираниот стадион Антон Малатинскиј во Трнава. Словачката репрезентација го има еден од најмладите национални фудбалски тимови во светот, откако се раздели од репрезентацијата на Чехословачка по распадот на обединетата држава во 1993 година. Оттогаш, Словачка има сопствена фудбалска репрезентација која се натпреварува на сите големи професионални турнири.

Словачка се квалификува на две големи првенства досега, на Светското првенство 2010 година и на Европското првенство во 2016 година. Словачка изборила пласман на Светското првенство во 2010 година, кое се одржа во Јужна Африка, завршувајќи на првото место во својата квалификациска група и покрај двата порази од Словенија. Во групната фаза од првенството, Словачка ремизираше со Нов Зеланд и забележа победа од 3-2 над Италија, со што се пласирала во осминафиналето, во кое беше поразена од финалистот Холандија со 2-1. Тоа беше првпат Словачка да се пласира на големо фудбалско натпреварување, откако играше во секој квалификациски циклус за Светско првенство од 1998 и секој квалификациски циклус за Европско првенство од 1996 година. Словачката репрезентација беше на чекор до пласман на Светското првенство 2006, но во баражот загуби од Шпанија. Словачка не успеа да се квалификува за Светското првенство во 2014 година, но обезбеди пласман на Европското првенство во 2016 во Франција под водство на селекторот Јан Козак, кој му помогна на тимот да го достигне рекордното 14-то место на ФИФА ранг листата.

Најголемата словачка ѕвезда потпиша за Гетеборг

Најдобриот слоовачки фудбалер, Марек Хамшик пред неколку месеци стана играч на ИФК Гетеборг. 33-годишниот Словак потпиша договор со клубот до крајот на летото 2021 година.

Договорот на Хамшик со кинескиот клуб Далиан Инфанг истече и тој реши да се врати во Европа.

Фудбалерот стекна слава во репрезентацијата на Словачка и во италијански Наполи. Тој го држи рекордот по број на одиграни мечеви за наполитанците и е втор на голгетерската листа во историјата на клубот.

Во сезоната 2020/21 Гетеборг го зазеде 12-тото место во шведското првенство.

Ѕвездите на Сити доминираат во тимот на сезоната во Премиер лигата

Шампионот Манчестер Сити домонира во тимот на годината во Премиер лигата избран од Асоцијацијата на професионални фудбалери.

Дури шест фудбалери на Сити се во идеалниот тим и тоа Кевин де Брујн, Рубен Диас, Жоао Кансело, Илкај Гундоган, Едерсон и Џон Стоунс.

Манчестер Јунајтед има двајца претставници, Бруно Фернандеш и Лук Шо, исто како и Тотнхем, Хари Кејн и Мин Сон. Идеалните 11 ги дополнува ѕвездата на Ливерпул, Мохамед Салах.

«< 1691 1692 1693 1694 1695 >»