Според информациите кои ги пишува весникот “АС“, Барселона се вклучила во борбата за потписот на Килијан Мбапе. И покрај постојаните информации за тешката финансиска состојба во Барса клубот од „Камп Ноу“ е подготвен да издвои 90 милиони евра за услугите на репрезентативецот на Франција.

Пред неколку месеци Килијан Мбапе одби да потпише нов договор со Париз Сен Жермен и на крајот од сезоната ќе биде слободен играч. 

Како што е добро познато најголем фаворит за доведување на Мбапе досега беше Реал Мадрид, но ќе видиме дали Барса со својата најнова понуда ќе успее да го привлече Французинот да премине во нивните редови.

Еден од подобрите поединци  на Манчестер Јунајтед, Бруно Фернандеш може да го пропушти дербито против Ливерпул кое е закажано за во недела.

Според магазинот „Сан“, Португалецот заработил повреда на вчерашниот тренинг и со болки во ногата ја напуштил тренинг базата на клубот.

Тренерот на Јунајтед, Оле Гунар Солскјер се очекува на денешната прес конференција да даде поконкретни информации са состојбата на Фернандеш. 

Откако пристигна во екипата на Манчестер Јунајтед, Бруно настапи на три натпревари против Ливерпул, и постигна два гола.

Ждрепката за групната фаза за Светското фудбалско првенство во Катар идната зима ќе се одржи на 1 април 2022 година, ден по конгресот на ФИФА закажан за 31 март во Доха.

Мерило во кој шешир ќе се најдат учесниците на Мундијалот пред жрепката ќе биде рангирањето на репрезентациите на ФИФА листата.

Во моментот на ждрепката нема да бидат познати сите 32 земји учеснички, бидејќи последните две репрезентации пласманот на завршниот турнир во Катар ќе го обезбедат по интерконтиненталните плејоф натпревари.

Засега пласман на Мундијалот, кој ќе се одржи идната година од 21 ноември до 19 декември, обезбедија Данска, Германија и домаќинот Катар.

Претседателот на Барселона, Жоан Лапорта го изрази своето задоволство од потпишувањето на новиот договор со младата надеж на Барса, Ансу Фати, кој ќе остане во клубот до 2027 година.

Лапорта му вети на  Ансу дека клубот ќе направи се за да му помогне на играчот да ги постигне своите цели во фудбалот.

“Во Барселона ќе ти помогнеме да ги постигнеш своите цели. Тие се исти со нашите “, изјави Лапорта.

Лапорта кажа дека за него би било остварување на сонот доколку еден ден екипата на Барселона биде целосно составена од играчи кои потекнуваат од “Ла Масиа“ популарната младинска академија на клубот.

Претседателот на Баерн Минхен, Херберт Хајнер, е најновото фудбалско име која ја критикуваше идејата на ФИФА за одржување на светски првенства на секои две години, велејќи дека „никогаш не треба да го жртвувате фудбалот заради финансиските интереси“.

„Играчите, тренерите, сите оние што се одговорни во клубовите, се жалат на премногу натпревари    и сега бројот на натпревари со Светското првенство повторно ќе се зголеми? Едноставно нема логика во ова. Треба да размислиме за здравјето на играчите “, изјави Хајнер за германскиот магазин„ Кикер “.

Хајнер додаде дека ФИФА не треба да ја расипува досегашната пракса на одржување  на светските првенства на секои четири години. „Овој временски распоред е докажан многу децении наназад. Светското првенство е еден од најголемите спортски настани во светот – и има причини за тоа“, изјави претседателот на баварскиот гигант, кој е шесткратен европски клупски шампион.

Звездата на Ливерпул и Египет,Мохамед Салах, ја претстави својата восочна фигура во музејот Мадам Тисо во Лондон.

😂 "Does he have abs or not?"

Mo Salah meets… Mo Salah! | Madame Tussauds unveiling pic.twitter.com/nX38TBs8T0

— This Is Anfield (@thisisanfield) October 21, 2021

Од Светската фудбалска федерација (ФИФА) денес соопштија дека ждрепката за групите од Светското фудбалско првенство во Катар 2022 година, ќе се одржи на 1 април наредната година.

Во соопштението се наведува дека сместувањето на репрезентациите во шеширите ќе се врши врз основа на ранг листата на ФИФА.

Светското првенство ќе се одржува од 21 ноември до 18 декември 2022 година. Досега пласманот на мундијалот го имаат обезбедено репрезентациите на Германија, Данска и домаќинот Катар.

Милан е во напредни преговори со Ривер Плата за младиот напаѓач, Јулијан Алварез. 21-годишниот напаѓач блесна веќе втора сезона во дресот на Ривер Плата и е на мета на многу европски гиганти.

Скаути  на Милан го следеле Алварез во живо на мечот со Сан Лоренцо, а младиот напаѓач постигна хет-трик, па „росонерите“ веднаш започнале преговори со неговиот агент

Алварез има договор со аргентинскиот клуб до декември следната година и не планира да го продолжи, а Ривер за неговата слобода бара 25 милиони евра.

Македонската фудбалска репрезентација остана на 74-тото место на новата ранг листа на ФИФА.

Избраниците на Благоја Милевски во месецов одиграа два меча и тоа победија во Вадуц против Лихтенштајн со 4:0 а потоа со истиот резултат беа совладани во Скопје од фаворитот Германија.

Во топ 10 нема промени, лидер е Белгија пред Бразил и Франција. Натаму се наредени Италија, Англија, Аргентина, Шпанија, Португалија, Мексико  и Данска.