Следното лето ќе се активира откупната клаузула на Ерлинг Халанд од 75 милиони евра. Нема сомневање дека најголемите европски клубови се во можност ќе се обидат да го доведат.

На тема „Халанд“ зборуваше и потпретседателот на Барселона, Рафаел Јусте. Тој во интервју за „Мундо Депортиво“ истакна дека Халанд секако ги интересира, но засега не се во можност да размислуваат да го доведат.

„За жал не гледам како Халанд би го довеле сега. Од сега па до крајот на идната година ќе се обидеме да ги затвориме сите дупки, па потоа ќе можеме да размислуваме на поголеми вложувања. Прво мораме да ставиме темели на куќата во која влеговме и ја затекнавме со рушевини, а потоа мораме да се фокусираме на нејзината стабилност. Не смееме и да ги изгубиме од видик најдобрите, Барса сака само такви играчи, а Халанд сигурно е еден од нив, Сепак, како што кажав сега не сме во ситуација да размислуваме за него“, изјави потретседателот на Барселона.

Франција го освои трофејот во Лига на нации откако ја совлада Шпанија со 2-1, а селекторот Дидие Дешамп не ја криеше радоста. Дешамп особено го пофали Карим Бензема и истакна дека донел победнички менталитет во репрезентацијата.

„Многу сум горд. Имаме одличен тим и вистински менталитет. Бензема е еден од нашите најдобри фудаблери и тој беше одличен во двата натпревари. Има желба за победа, која ја пренесува на другите играчи. Ни треба таков фудбалер за да остваруваме победи во големи натпревари“, истакна Дешамп.

Бензема неодамна се врати во репрезентацијата на Франција и покажува фантастични натпревари. Тој беше еден од најзаслужните за триумфот во Лигата на нации.

Франческо Тоти, поранешниот капитен и легенда на екипата на Рома, вели дека времињата во фудбалот се сменети и дека денес се е во парите.

Тоти, кој цела своја кариера ја помина во Рома и со тоа испиша историја во италијанскиот  фудбал, вели дека играчите денес повеќе се грижат колку ќе заработат отколку каде ќе играат.

“Почнав да играм фудбал во едно поинакво време, кога фудбалерите беа полни со страст и љубов кон навивачите. Да се поминат 25 години во еден клуб не е мала работа. Тешко е да го споредам моето време во фудбалот и ова денес. Сите одат каде што можат да повеќе да заработат“, изјави Тоти за весникот Гардијан.

“Милан беше единствениот клуб за кој размислував да заиграм, а имав понуда и од Реал Мадрид, но одлуката да останам во Рома ја донесов од срце“, вели Франческо Тоти.

Славниот фудбалер Цезар Мануел Руи Коста е избран за нов прв човек на Бенфика.

Руи Коста ја доби довербата од делегатите на Изборното собрание во клубот кое се одржа во текот на вчерашниот ден и така стана 34. претседател во клупската историја.

Претходно Луис Фелипе Виеира беше суспендиран поради затајување на данок и перење на пари. Мандатот на Коста има важност до 2025 година.

Јувентус крои планови како да го врати Пол Погба, на продажба ќе бидат ставени Арон Ремзи и Адриен Рабио за да се отвори простор за ангажман на Французинот.

Пол Погба никогаш не криел дека Торино и Јувентус имаат посебно место во неговото срце, таква беше и изјавата по дуелот на Франција против Белгија во полуфиналето од Лигата на нации на стадионот „Алианц“.

Тој ги одработува последните месеци од договорот со Манчестер јунајтед па постојат големи шанси беспари да се пресели во друг клуб. Јувентус внимателно ја следи ситуацијата и крои планови да го врати Французинот во своите редови.

„Старата дама“ на продажба ќе ги стави Арон Ремзи и Адриен Рабио, фудбалери со годишна плата од околу 7 милиони евра, за да се отвори простор за Пол Погба.

Весникот додава дека Пол Погба во моментов има плата од околу 15 милиони евра по сезона а на маса има понуда од Манчестер јунајтед за продолжување на соработката со плата од околу 20 милиони евра.

Звонимир Бобан, пранешниот директор на Милан, а сегашен функционер на УЕФА, излезе со оштри критики за идејата на ФИФА за одржување на Светско футбалско првенство на секои две години.

“ Јас во секој случај сум за иновации кои го подобруваат квалитетот и развојот на фудбалот, но не смееме да бидеме опседнати со големи промени. Идејата на претседателот на ФИФА, Инфантино, и на Венгер, за одржување на Светско првенство на секои две години е апсурдна, дури и полоша од идејата за основање на Супер лигата. Ова би било штетно најмногу за играчите но и за фудбалските институции.

Фудбалот не им припаѓа на Инфантино и на Венгер, не е мој или ваш, туку на сите што го сакаат“, изјавува Бобан.

Њукасл Јунајтед планира во зимскиот преоден рок, да доведе во своите редови двајца англиски играчи. Како што пренесува англискиот Телеграф, се работи за дефанзивецот на Барнли, Џејмс Тарковски и играчот на Манчестер Јунајтед, Џеси Лингард.

Изгледа дека Тарковски веќе се согласил да премине во тимот на Њукасл, а преговорите со Лингард сеуште траат.

Марсело Брозовиќ е еден од најважните фудбалери на Интер, но неговиот договор со „нероаѕурите“ завршува следното лето. Италијанските медиуми пренесуваат дека двете страни се далеку од договор за продолжување на соработката.

Имено, Брозовиќ моментално заработува 3,5 милиони евра и бара со новиот договор плата од 5,5 милиони евра, додека Интер не може да си дозволи такво зголемување. Таквата ситуација сака да ја искористи Милан, кој е спремен да ги задоволи финансиските барања на Хрватот и да го донесе без обештетување.

Иднината на Франк Кеси во Милан е неизвесна, а тренерот Пиоли во Брозовиќ гледа идеална замена.

Следното Светско првенство кое ќе се одржи во Катар наредната година, изгледа дека ќе биде последно за Нејмар. Бразилскиот напаѓач тоа го објави во документарен филм посветен на него.

“Мислам наредново Светско првенство ќе биде последно за на кое ќе настапам како играч. Мислам дека ќе ја немам физичката и ментална сила да продолжам да играм фудбал за Бразил. Ќе направам се што е во моја моќ на мојот последен настап, репрезентацијата на Бразил да го освои шампионатот и да го исполнам мојот детски сон. Се надевам дека ќе успеам во планираното“, искоментира играчот на ПСЖ.

Нејмар кој ќе наполни 30 години, зад себе има настап на две светски првенства како репрезентативец на Бразил но никогаш не бил шампион на светот.