Aнглиската Премиер лига потврди дека Њукасл има нови сопственици.

Саудискиот конзорциум го купи тимот на Сент Џејмс Парк од Мајк Ешли после долгите преговори и сега Њукасл е еден од најбогатите клубови во светот. Инвестициониот фонд од Саудиска Арабија ќе има 80% сопственост од акциите на клубот, а прв човек ќе биде принцот Мохамед Бин Салман.

„Горди сме што станавме нови сопственици на Њукасл, еден од најславнитe англиски клубови. Им, благодариме на навивачите за поддршката. Во наредните години ќе работиме заедно за да го подобриме тимот“, стои во соопштението.

Враќањето на Кристијано Роналдо во Манчестер Јунајтед веднаш предизвика позитивно влијание врз клубот и особено врз неговите американски сопственици. 

Според податоците од берзата во Њујорк, вкупната вредност на клубот од Олд Трафорд во последните 54 дена, е зголемена за 550 милиони фунти. На 4 август, вредноста на една акција на Манчестер Јунајтед вредеше 11,70 фунти, а вкупната пазарна цена на клубот изнесуваше 1,91 милијарди фунти. 

24 часа по веста за трансферот на Кристијано Роналдо, вредноста на акциите се искачи на 13,46 фунти по акција, а цената наклубот достигна  2,19 милијарди фунти. 

Вредноста на клубот својот врв го достигна на 27 септември, кога акциите на берзата вредеа 15,09 фунти, а клубот цели 2,46 милијарди фунтри стерлинзи.

Најсовремената тренинг база на Манчестер Јунајтед во случај на воена состојба ќе се претвори во нива за компири!. Тајната ја откри легендарниот тренер на „црвените ѓаволи“,  Сер Алекс Фергусон кој објасни дека тоа се должи на специјалната клаузула во договорот за откуп на земјиште на која во моментов е изградена базата на Јунајтед.

„Кога дојдов во клубот Клиф (старата база на клубот), се беше одлично. Клубот почна да расте. Моравме да направиме дополнителни соблекувални за играчите. Тогаш почнав да размислувам за место околу Манчестер за да изградиме нова база за тренинзи. Површината што ја зедовме беше околу 28 акри, но, имаше ограничувања што уште не можам да ги разберам. Некои од нив беа дека во случај на војна, треба да ја претвориме земјата во полиња со компири“, рече сер Алекс Фергусон.

Премиерлигашот Њукасл Јунајтед конечно би можел да добие нов газда во ликот на принцот  од Саудијска Арабија, Мохамед бин Салман.

Како што пишуваат медиумите од Англија, отстранет е единствениот проблем кој го кочеше купувањето на популарните “чавки“ од Њукасл.

Проблемот беше помеѓу Англија од една страна и Саудијска Арабија од друга, а се однесуваше на спорното односно илегалното пренесување на натпреварите од Премиер лигата во Саудијска Арабија.

Спорот е решен со потпишување на договор со Беин спорт за откуп на правата за пренесување на Премиер лигата.

Шеикот Мохамед бин Салман сега може да го откупи Њукасл од сегашниот сопственик Мајк Ешли за сума од 300 милиони евра.

После купувањето на клубот, најавени се голем број на засилување со купување на играчи и доведување на нов тренер.

Единсон Кавани одби да ги коментира гласините за можно заминување од тимот.

„Тоа се случува во фудбалот. Понекогаш играте повеќе, понекогаш помалку, тренерот треба да одлучи. Има многу гласини, но, не треба да им обрнувате многу внимание. Главната работа е да бидете подготвени и да ја искористите шансата. Сезоната само што започна, нема да шпекулирам за трансфер иако сите сакаат да дискутираат и секогаш ќе разговараат на темата, исто како и печатот”, вели Кавани за „Манчестер Ивнинг Њус“.

Играчот за врска на Брајтон, Ив Бисума бил уапсен од полицијата под обвинение за сексуален напад врз студентка. 

Тоа се случило во средата околу два часот по полноќ  . Англискиот клуб и полицијата не го потврдија името на приведеното лице, но на социјалните мрежи има видео снимка од апсењето на кое може да се препознае фудбалерот на популарните “галеби“, Бисума. Тој бил приведен во барот Арх во Брајтон.

Хрватскиот фудбалер Марсело Брозовиќ кој е на мета на повеќе клупски гиганти, би можел да ја продолжи својата кариера во екипата на Манчестер Јунајтед.

Хрватот се наоѓа во последната година од својот договор со неговиот сегашен клуб Интер, и како што јавуваат италијанските медиуми, Брозовиќ е спремен на нов предизвик во друг клуб.

Јунајтед со евентуалното купување на Марсело Брозовоќ, кој може да игра на повеќе различни позици во тимот, би можел да ги реши проблемите кој ги има на средината од теренот.

Брозовиќ би можел да го замени бразилецот Фред, кој игра во многу слаба форма и е на удар од критичарите.

Жозе Мурињо е силно заинтересиран за услугите на фудбалерот на Борусија Мехенгладбах, Денис Закарија. Станува збор за 24- годишен фудбалер од средниот ред кој импресионира минатата сезона со настапите во Бундеслигата.

Закарија може да игра на сите позиции во средниот ред, па токму поради тоа е голема желба на Жозе Мурињо

Рома се обиде и во летниот преоден рок да го донесе на „Олимпико“, но преговорите со Мехенгладбах завршија без успех.