Барселона верува дека за Хулијан Алварез се потребни 200 милиони евра. Каталонците признаваат дека им е исклучително тешко да започнат преговори со Атлетико Мадрид и да постигне потенцијален договор за трансфер на напаѓачот.

Според „Атлетик“, во Барселона тврдат дека трансферот нема да се реализира по таа цена.

Оваа сезона, Аргентинецот постигна седум гола и имаше две асистенции во 16 натпревари од Ла Лига.

Пред почетокот на оваа сезона во шпанските медиуми се шпекулираше дека Барселона е сериозно заинтересирана за трансфер на Алварез.

Италијанскиот гигант Јувентус покажал силен и конкретен интерес за едно од највозбудливите фудбалски таленти што се појавиле на Балканот во последната декада – Меланија Грозданова. Веста ја објави реномираниот европски новинар Руди Галети, што веднаш предизвика огромно внимание во фудбалските кругови.

Само 16 години, а веќе стандардна стартерка во сениорската репрезентација на Македонија. Иако делува неверојатно за играчка на нејзина возраст, Меланија веќе ги игра најтешките минути на највисоко репрезентативно ниво. На последните два меча против силната Русија, настапи како стартер во двете средби, покажувајќи не само храброст, туку и зрелина и мирнотија кои ретко се гледаат кај тинејџерка. Во очите на селекторите и соиграчите, таа веќе е играч од кој тимот очекува разлика.

Оваа сезона блеска во дресот на Љуботен, каде што постигна осум голови, покажувајќи неверојатна напаѓачка моќ и зрела игра која ретко се гледа кај толку млад фудбалер. Минатата сезона, во дресот на Истатов, постигна 12 погодоци – уште тогаш беше јасно дека станува збор за играчка со посебна дарба.

Грозданова е крило со експлозивен прв чекор, самоуверена уметност во еден-на-еден ситуации и физичка подготвеност која многумина веќе ја споредуваат со легендарниот Кристијано Роналдо – од стилот на игра до препознатливата прослава на голови.

Но бројките и талентот се само дел од приказната. Меланија оваа есен ја предводеше македонската U19 репрезентација до влез во А-дивизијата на завршните квалификации за Европското првенство, подвиг што ретко кој го очекуваше. Токму затоа многумина ја сметаат за најголемиот фудбалски талент што Македонија некогаш го имала.

Македонскиот напаѓач, Бојан Миовски имаше добар викенд во шкотскиот шампионат каде одигра клучна улога во победата на Ренџерс над Килмарнок.

Миовски ги „поздрави“ критичарите со два погодоци во гостинското славје на великанот од 3-0. Тој за ова издание доби комплименти од тренерот Дани Рол, партија за која доби место во идеалните 11 на „Би-Би-Си“ во изборот на Џонатан Сатерленд.

Напаѓачот на Челси, Лијам Делап, доживеа нова повреда на рамото за време на ремито без голови против Борнмут, напуштајќи го теренот по само 32 минути по дуел со Маркос Сенеси. Дваесет и двегодишниот Англичанец, кој летово пристигна од Ипсвич за околу 30 милиони фунти, очигледно го ишчаши рамото и го напушти натпреварот со раката во лонгета, а на негово место влезе Марк Гиу. Повредата пристигнува само неколку недели по неговото враќање од мускулниот проблем што го држеше надвор од терените речиси два месеци.

Делап се уште не успеа вистински да се наметне во синиот дрес, со само осум настапи во Премиер лигата и без постигнат гол. Иако остави добар впечаток со погодокот против Барселона во Лигата на шампионите, континуитетот повторно му е прекинат. Тренерот Ензо Мареска по натпреварот изјави дека повредата „не изгледа добро“ и дека напаѓачот би можел да паузира шест до осум недели, што би го одалечило од терените најрано до февруари.

Новиот пех повторно ја отвори приказната за „проклетството на бројот 9“ во Челси, број што во последната деценија го носеа играчи кои ретко успеваа да остават траен белег, често поради повреди или пад на формата. Делап, со својата младост и потенцијал, секако има време да се наметне, но двата рани ударa во сезоната ги зголемуваат дилемите околу неговото брзо вклопување во плановите на Мареска.

Кризата со повреди во Реал Мадрид доби нова димензија откако Килијан Мбапе го пропушти тренингот во Валдебебас поради мускулна непријатност во левата нога. Францускиот напаѓач, кој во поразот од Селта Виго со 2:0 играше и покрај фрактура на прстот на левата рака, сега е под сериозен знак прашалник за клучниот дуел со Манчестер Сити во Лигата на шампионите.

Алонсо веќе се соочува со голем број отсуства: Едер Милитао, Давид Алаба, Дин Хујсен, Трент Александар-Арнолд, Ферлан Менди и Дани Карвахал сигурно ќе ги нема, оставајќи ги Антонио Рудигер и Асенсио како единствени здрави стопери. Едуардо Камавинга, кој има повреда на глуждот, повторно не тренираше и речиси сигурно ќе го пропушти натпреварот.

Во такви околности, Алонсо можеби ќе мора да се потпре на импровизирани дефанзивни решенија, а евентуалното отсутство на Мбапе би го ограничило и офанзивниот потенцијал на тимот. Искусниот Рудигер носи одредена стабилност, но склопената одбрана ризикува да биде изложена на динамичниот напад на Сити.

За Реал Мадрид, средбата на Сантијаго Бернабеу носи голема тежина, тимот има само една победа во последните пет кола во Ла Лига и победата во Лигата на шампионите е клучна за враќање на самодовербата и одржување на европските амбиции.

Реал Мадрид доживеа неочекуван и тежок пораз од 0–2 на Сантијаго Бернабеу против Селта Виго, резултат што ја продлабочи кризата и ѝ донесе на Барселона предност од четири бодови на врвот на Ла Лига. Гледачите реагираа со гласни свирежи и негодување речиси во текот на целиот меч, редок призор на легендарниот стадион што ја открива длабоката незадоволност од нефункционалната игра на тимот. Дуелот го одбележаа и три црвени картони: за Фран Гарсија, Алваро Карерас и дури за младиот Ендрик од клупата. Што само ја нагласи тактичката конфузија и недисциплината под водство на Чаби Алонсо.

Алонсо, во својата прва сезона како тренер на Реал, се соочува со растечка критика. По добриот старт, тимот влезе во серија со само две победи на последните седум натпревари, што отвори сомнежи кај навивачите во неговиот авторитет и во односите со играчите. Се критикуваат и неговите тактички избори и подготовката пред клучните натпревари, особено што тимот сè уште не покажува вистинска кохезија и покрај ѕвезди како Килијан Мбапе и Винисиус Жуниор.

Дел од мадридистите сметаат дека Алонсо веќе ја изгубил соблекувалната, ситуација дополнително усложнета од повредите во одбраната. Во меѓувреме, Ливерпул внимателно ја следи ситуацијата, со оглед на турбуленциите под Арне Слот и тензиите околу Мохамед Салах. Претстојниот дуел во Лигата на шампионите против Манчестер Сити станува клучен тест за Алонсо, резултатот може да му даде време, но нов кикс би можел да ја забрза дискусијата за неговата иднина.

Кога на Сантос му требаше чудо, Нејмар се појави, со една здрава нога и огромна волја. Иако лекарите му препорачаа да ја прекине сезоната поради проблем со менискусот, тој се врати токму во најкритичниот момент на бразилската лига. Неговите настапи веднаш ја сменија атмосферата: 5 голови и асистенција во последните четири натпревари, што го извлече клубот од зоната за испаѓање.

Секој негов допир носеше чувство на играч решен да не дозволи својот детски клуб да пропадне. Но веднаш откако ја заврши мисијата, телото го натера да погледне напред, кон неизбежната операција.

Следниот чекор на Нејмар е хируршка сала и календар полн со притисок. Ќе го оперира менискусот, проблем кој одамна го следи, за да го зачува сонот за уште еден Мундијал со Бразил во 2026 година. Тоа е трка со времето за играч кој веќе преживеа и искинати лигаменти и серија тешки повреди што би скршиле многу кариери.

Но неговиот краток, блескав финиш со Сантос покажа дека, ако биде внимателно менаџиран, може повторно да биде клучна фигура во селекцијата. Начинот на кој ги решаваше натпреварите во самиот крај на сезоната сигурно не остана незабележан. За Нејмар формулата сега е јасна: исклучување од светот, операција, тивка реконструкција, и појава на Мундијалот свеж, подготвен да го претвори својот сон во реалност.

Зад насмевките и прославите се крие сезона во која Нејмар призна дека бил на раб. По слабото издание против Фламенго и бран критики што го следеа, тој првпат вистински побара психлошка помош, опишувајќи како „емотивно паднал на нула“ и како веќе немал сила сам да се подигне. Претходно терапијата ја користел како средство за самонапредок, оваа година, вели, му била неопходна за да продолжи да функционира.

За играч долго претставуван како недопирлив на критики, признанието дека не можел повеќе е силен удар по митот за „недопирливи“ ѕвезди. А неговиот одговор, враќање во Сантос, прифаќање на притисокот од борбата за опстанок и извлекување на клубот додека игра преку болка, внесува доза човечка длабочина: момчето што ја напушти Вила Белмиро како идол се врати ранливо, но непокорно, и овој пат го спаси клубот кој некогаш го спаси него.

Лионел Меси беше режисер на првата титула во МЛС за Интер Мајами, предводејќи го тимот до победа од 3–1 над Ванкувер Вајткепс на Чејс стадионот. Со две прецизни асистенции до Родриго де Пол и Тадео Аљенде, аргентинскиот ас ја освои наградата за МВП на финалето, заокружувајќи неверојатен плејоф во кој постигна шест гола и запиша седум асистенции.

Со овој успех, Интер Мајами ја комплетира својата трансформација, од нов клуб во лигата до шампион, освојувајќи четири трофеи откако Меси пристигна во 2023 година.

Меси сега има рекордни 48 трофеи во кариерата: 35 со Барселона, 3 со ПСЖ, 6 со Аргентина и 4 со Интер Мајами. Повеќе од кој било фудбалер досега. Во неговата колекција се издвојуваат 10 титули во Ла Лига, 4 во Лигата на шампионите, Светското првенство и 2 Копа Америка

Џорди Алба и Серхио Бускетс се збогуваа на совршен начин, подигајќи го трофејот во последниот натпревар од нивните богати кариери. Аљенде, пак, постави нов плејоф-рекорд со девет гола. Иако Вајткепс имаа 65% посед и израмнија преку Али Ахмед, Меси повторно пресуди со блескави моменти во натпревар во кој Интер Мајами имаше само 35% посед.

На 38 години, Меси и понатаму поместува граници, носејќи му на својот клуб историска титула и дополнително зацврстувајќи го својот статус како еден од најголемите во историјата на спортот.

Во раните утрински часови во саботата, поранешниот напаѓач на Брентфорд и Англија, Иван Тоуни, се најде во центарот на жесток инцидент во популарен бар на Вардур Стрит во Сохо. Според очевидци, 29-годишниот фудбалер бурно реагирал кога група посетители побарале да се фотографираат со него, по што настанала тепачка во која едно лице добило скршен нос и повреден прст.

Снимки од минувачи покажуваат како петмина полицајци го приведуваат Тоуни околу 1:47 по полноќ, додека парамедиците укажувале помош на три повредени лица, од кои едно било пренесено во болница со полесни повреди.

Мет полицијата соопшти дека уапсила 29-годишен маж под сомнение за учество во тепачка. Истрагата продолжила и наредниот ден, кога службениците се вратиле на местото на инцидентот. Тоуни бил пуштен на слобода под кауција и брзо ја напуштил Велика Британија.

Веќе во понеделник, Тоуни се појавил на тренингот на Ал Ахли. Клубот сподели снимки на кои напаѓачот тренира со кислородна маска, придружени со пораката: „Дишеме длабоко… и одиме понатаму“.

Фудбалерот, вреднуван на околу 40 милиони фунти и платен половина милион неделно откако летово се пресели во Саудиска Арабија, не покажа знаци дека инцидентот оставил трага врз неговата подготовка. Во Англија пак кружат информации дека Евертон, Тотенхем и Вест Хем размислуваат за негов зимски ангажман, можност која веројатно ќе ги зголеми неговите шанси за настап на Мундијалот.