Маркус Рашфорд се повреди кон крајот на тешкиот пораз на Барселона од 4-1 против Севиља. Иако се виде како се мачи од болка на теренот по натпреварот, првичните информации велат дека повредата е мала и не се очекува да го оддалечи долго време од теренот.
Рашфорд е еден од најважните играчи на Барселона оваа сезона, а неговиот гол против Севилја им даде кратка надеж на каталонците. Но со поразот и повредата на Рашфорд, клубот се соочува со дополнителни проблеми додека се обидува да најде стабилност во услови на повеќе повреди.
Репрезентативната пауза може да му помогне на Рашфорд да се опорави без да пропушти клучни натпревари за Барса. Клубот ќе ја следи неговата состојба внимателно додека се подготвува за важните следни натпревари, вклучувајќи го и Ел Класико.
Родри повторно повреден
Родри го напушти теренот со болка во мускулот на задниот дел од бутот, што предизвика нови грижи за неговата форма. Ова се случи кратко по неговото враќање на тренинзи по претходната повреда.
Медицинскиот тим на Манчестер Сити ја испитува сериозноста на повредата, а првичните информации сугерираат дека Родри би можел да биде надвор од игра неколку недели. Неговото отсуство ќе претставува сериозен удар за средниот ред на тимот.
Родри игра клучна улога во тактичките планови на Сити. Клубот ќе го следи закрепнувањето на Родри внимателно, со цел да ја избегне повторната повреда и да го врати во форма за важните предизвици по интернационалната пауза.
Пробивот на Естевaо: Патот од Палмеирас до слава во Премиер Лигата
На само 18 години, Естевaо направи храбар чекор од Бразил кон Англија, напуштајќи го Палмеирас за да се приклучи на Челси. Промената не беше лесна: нов град, нова култура и нов јазик бараат брзо прилагодување. Но, и покрај притисокот да заигра во еден од најголемите клубови во Премиер Лигата, талентот и решителноста на Естевaо му овозможија брзо да се вклопи и да го импресионира тренерскиот штаб.
Неговиот момент на слава дојде на Стемфорд Бриџ во возбудлив натпревар против Ливерпул. Влегувајќи од клупата во 75-та минута, Естевaо постигна драматичен погодок во додаденото време, обезбедувајќи победа од 2-1 над актуелните шампиони, Ливерпул.
Покрај победничкиот гол, придонесот на Естевaо му даде на Челси потребно подигнување, и го искачи тимот на 7-то место на табелата.
Со целосната поддршка на тренерот, Естевaо изгледа подготвен да го надгради овој пробив и да стане клучна фигура за Челси. Неговиот пат од Бразил до Англија е вистинска инспирација за младите фудбалери насекаде во светот.
Проблеми за Артета, непознато колку ќе паузира Одегард
Капитенот на Арсенал, Мартин Одегард, не мкже да фати континуитет поради повредите од почетокот на сезоната. Норвежанецот беше заменет во првото полувреме, во победата на Арсенал над Вест Хем со 2-0.
Мартин Одегард нема да биде со својата репрезентација, во квалификациите за пласман на Светското првенство.
„Мартин Одегор се повлече од норвешката репрезентација откако претрпе повреда на медијалниот колатерален лигамент на левото колено“, се вели во соопштението на клубот.
„Мартин ќе продолжи со лекувањето и проценките во нашиот медицински центар во Лондон Колни за време на репрезентативната пауза, со цел што поскоро да се врати на теренот.“
Оваа повреда дополнително ја искомплицира ситуацијата за Микел Артета, кој веќе се соочува со низа проблеми во тимот.
Каи Хаверц, Габриел Жезус и Пјеро Хинкапие се исто така на списокот на повредени.
Одегард мораше да го напушти натпреварот во 30-тата минута од натпреварот против Вест Хем по судирот со Крисенсио Самервил.
Неста: Модриќ може да игра до 70 години!
Легендата на Милан и на италијанскиот фудбал,Алесандро Неста е воодушевен од игрите на трофејниот Хрват, Лука Модриќ последното засилување на гигантот од Сан Сиро, кој е само девет години помлад од него.
Неста е симбол на Милан, кој освои две Скудета и Лигата на шампионите во првата деценија од овој милениум. Со оглед на тоа колку е фасциниран од Модриќ, во интервју за „Газета дело Спорт“ беше прашан дали хрватскиот великан го потсетува на времето на Неста во Милан, кога таму беа Сидорф, Пирло, Кака.
„Го гледам на теренот со задоволство, ме воодушеви. Од времето на Пирло, Сан Сиро немал некој како него. Со него, Милан е сигурно посилен. Тимот го загуби Тео, но се поконкурентни на многу други позиции. Со уште две или три вистински засилувања, станува уште поинтересно: се надевам дека ова е почетна точка. Морам да додадам за Лука дека не мислев дека ќе трча толку многу. Против Наполи постојано излегуваше и се враќаше, ги затвораше линииите за додавање и се враќаше на позиција. Тој има интелигенција каква што малкумина ја имаат, фудбалот е во неговата глава, тоа е она што го издвојува. Додека може да ја шутира топката, може да игра до 70 години“, истакнал Неста.
Вечерва во дербито Јувентус – Милан се очекува уште една феноменална партија на 40 годишниот Лука Модриќ.
Реал одлучил да го позајми Ендрик
Повторно актуелна е информацијата дека шпанскиот гигант Реал (М) сака барем привремено да се ослободи од услугите на бразилскиот интернационалец Ендрик кој моментално се опоравува од последната повреда.
Се очекува младиот напаѓач и годинава да има скромна минутажа и затоа „кралскиот клуб“ ја разгледува и опцијата да го позајми за време на зимскиот преоден рок.
Неколку тима се заинтересирани меѓу кои и Јувентус.
Новак Ѓоковиќ би можел да се повлече по Австралија Опен 2026
Легендарниот тенисер Новак Ѓоковиќ би можел да стави крај на својата блескава кариера по Австралија Опен 2026 година, според поранешната број еден во двојки Рене Стабс.
Српскиот ас, кој држи рекорд со 24 гренд слем титули, веќе подолго време се соочува со повреди и физички проблеми, а следната година ќе наполни 39 години.
Ѓоковиќ не освоил гренд слем титула од УС Опен 2023, иако годинава стигна до полуфиналето на сите четири големи турнири. Во Австралија се повлече поради повреда во мечот со Александар Зверев, а потоа загуби во два сета од Јаник Синер на Ролан Гарос и Вимблдон, како и од Карлос Алкарас на УС Опен.
„Мислам дека Австралија Опен ќе биде неговиот последен голем турнир,“ изјави Стабс за GB News. „Не го гледам како продолжува по тоа. Ѓоковиќ е неверојатен на сите подлоги, но тешко дека ќе може да ги победи младите играчи како Алкарас и Синер во натпревари од пет сета.“
Иако времето неумоливо го стигнува, најтрофејниот тенисер во историјата остава отворена можност дека неговата приказна сè уште нема последна страница — но ако Австралија Опен 2026 навистина биде последниот, ќе биде тоа симболичен крај таму каде што сè започна.
Халанд: Во животна форма сум, никогаш не сум се чувствувал подобро!
London, England, 5th October 2025. Erling Haaland of Manchester City scores the opening goal during the Brentford vs Manchester City Premier League match at Gtech Community Stadium, London. Picture credit should read: Paul Terry / Sportimage EDITORIAL USE ONLY. No use with unauthorised audio, video, data, fixture lists, club/league logos or live services. Online in-match use limited to 120 images, no video emulation. No use in betting, games or single club/league/player publications. SPI_016_PT_Brentford_Man_City SPI-4202-0016
Ерлинг Халанд отворено призна дека се наоѓа во најдобрата форма во својата кариера, откако со деветтиот гол сезонава во Премиерлигата му донесе победа на Манчестер Сити со 1-0 на гостувањето кај Брентфорд.
Норвежанецот погоди уште во деветтата минута, користејќи ја својата моќ и брзина за да го надмудри Сеп ван ден Берг и да ја затресе мрежата. Тој веќе има постигнато гол на 22 од 23 стадиони во Премиер лигата и се наоѓа во неверојатна серија – девет натпревари по ред со гол за клубот и репрезентацијата, што е најдолгата голгетерска низа во неговата кариера.
“Може да се каже така, никогаш не сум се чувствувал подобро. Така што да, ова е формата на мојот живот”, изјави Халанд по натпреварот. “Сè е во подготовката, физички и ментално. И морам да признаам, откако станав татко, уште повеќе се исклучувам од фудбалот дома и се релаксирам. Тоа ми помага да бидам уште подобар”.
Халанд целиот натпревар имаше жесток дуел со Ван ден Берг, во кој, како што самиот вели, ја пронашол дополнителната мотивација. “Првите пет минути само ме туркаше. Му реков – добро, ајде тогаш. Почнав и јас да враќам и тоа ме разбуди. Тој гол за мене е посебен, еден од подобрите во кариерата”.
Со овој триумф, Сити останува во чекор со лидерите, а Халанд уште еднаш докажа дека е кошмар за секоја одбрана, без разлика дали игра против ниски блокови или физички доминантни дефанзивци.
Прв меѓународен предизвик: Фит Фан Волеј дебитира во БВА купот 2025
Женскиот прволигаш Фит Фан Волеј е првиот македонски претставник кој во новата сезона ќе на претставува на меѓународна сцена, поточно во рамките од БВА Балканскиот клупски куп.
Ланскиот учесник на Ф4 турнирот во Купот на Македонија и екипата која играше во полуфиналето на првенствениот плеј-оф ќе дебитира во интернационални рамки на турнирот, кој од 6 до 8 октомври ќе се игра во Скендерај, на Косово.
БВА купот имаше административно одложување од ФИВБ, а сега се игра во новиот термин во кој тимот на Фит Фан Волеј, ќе се соочи со домаќинот на БВА купот, косовска Дрита, како и грчки АЕК, и Херцег Нови од Црна Гора.
Одбојкарките на Фит Фан Волеј со нетрпение ја чекаа премиерата, во која ќе се обидат да го дадат најдоброто од себе, но и да си ги „пробаат“ силите на меѓународно ниво.
„Уште од формирањето на клубот во 2008 година нашата желба и цел беше еден ден да настапуваме на меѓународна сцена. Клубот се ‘роди’ во период во кој беше незамисливо некој македонски клуб да настапува на интернационално ниво, знаејќи во каква криза беше женската одбојка по откажувањето на Фершпед како спонзор на Работнички, односно Кометал на клубот Студент, екипи кои во тоа време редовно играа во Европа. По толку години успеавме да си ја реализираме таа амбиција и со нетрпение го очекуваме почетокот на турнирот“, нагласува стратегот на Фит Фан Волеј, Благоја Ставревски и продолжува: „Во подготвителниот период одигравме повеќе пријателски натпревари, ги воочивме слабостите и се обидовме да ги анулираме во тренажниот процес. Како и ланската сезона, така и оваа се потпираме само на домашни играчи, во кои сме решени да инвестираме и да собираат искуство на меѓународна сцена. Нашата цел на овој турнир е да се покажеме во најдобро светло и што поподготвени да влеземе во новата сезона. Имаме силни противници на БВА купот. Секој од ривалите има по неколку интернационалки во составот, а особено внимание привлекува тимот на Херцег Нови, состав со исклучително високи девојки. Сметам дека ова ќе биде прекрасно искуство за сите нас. БВА купот не очекувам да биде показател за силата на Фит Фан Волеј во пресрет на новата сезона, затоа што ќе играме без резултатски притисок, но секако дека ќе се обидеме и да дадеме отпор и да го покажеме најдоброто од нас како тим. Со нетрпение и возбуда го чекаме стартот на турнирот.“
Она што го прави дополнително атрактивен БВА купот е што победникот на овој турнир обезбедува директно учество во ЦЕВ Челинџ купот, а за да дојдат до таа привилегија четирите екипи ќе играат по принципот „секој со секого“.
Миленкоски: Нè чека сериозна работа, мораме да веруваме во својот квалитет!
Машкиот национален тим на четвртиот настап на еден континентален собир во низа нема да има нималку лесна задача откако ждрепката во Бари, ни донесе група во која покрај домаќинот Бугарија, ќе се соочиме и со Полска, Украина, Португалија и Израел.
Нималку лесно друштво, но селекторот Јошко Миленкоски смета дека мора да веруваме во нашиот квалитет.
„Сите групи се тешки, но нашата е убедливо најтешка! Сите репрезентации имаа одлични резултати на последното СП, додека Израел финишираше како трет во Златната Европска лига. Скоро сите противници завршија со смена на генерации и сега бркаат резултат. Многу сериозна работа ја чека нашата репрезентација. Првиот впечаток е дека ќе биде многу тешко да се повтори успехот од претходното Европско првенство, пласман во следната рунда, но од друга страна мора оптимистички да се гледа и да се верува во својот квалитет. Ова го велам затоа што имаме многу квалитетен состав, кој веќе по четвртипат во низа ќе учествува на една ваква манифестација. Верувам дека нашите играчи како и секогаш ќе ги потврдат своите вредности и ќе сторат сè, и по којзнае кој пат да ги израдуваат љубителите на спортот и одбојката во Македонија“, вели стратегот на националниот тим.
ЕвроВолеј 2026 ќе се игра во четири земји Италија, Бугарија, Финска и Романија од 9 до 26 септември следната година.
